هو سؤال فلسفي انا عارفه بس عايزة اعرف هل لما بنبقي المنقذ لشخص نحاول نخرجه من مشاكله النفسيه ونساعدة هل احنا بنكره فعلا او بعد مدة بنزهق منه وبنحس انه خد من طاقتنا ارجو الرد وبصراحه
مش بيحصل اللى بتقولى عليه
بس بتحصل انك بتتأذي بتتعلقي بالشخص وهو لما يلاقي غيرك ينقذة أو يصلب طوله بيجي عليكي عشان ضمن وجودك
اية الزهق ف انك تنقذي شخص وتقفي جمب حد محتاجلك بالعكس دي قمه الراحه النفسيه والسكينه لما تحسي انك سبب ف ان شخص بقي احسن
بياخد طاقتك بس
انا الحقيقه عايزه اعرف النقطه دي برده
بس انك تفضل متفائل وشمس منوره لحد اكيد هيجي عليك وقت وتلقب الشمس للقمر بليل هيجي وقت وتظلم انت ليك مشاكلك وحياتك في ناس بتعرف تفرق بين حياتها وحيات غيرها ومشاكلهم عادي وانا من الناس دي وبحاول اكتر واكتر اني افهم نفسي عشان مالخبطش
بس في حاجه انك يفضل شخص في حياتك كل حياته وكلامه شكوى وبكا دا مش كويس عليك اصلا والاحسن ابعد عن الناس دي
دي ناس بتحرقك انت شخصيا هو شخص مش راضي بحياته وبيشتكي كل يوم وفي اي وقت هطبيعي يقلبلك حياتك
الفكره من الاول انا ليه ابق منقذ لشخص ف اخطائه الشخصيه ما تبا له 🤷♂️
اه هيجيلك فترة وتزهقي خصوصا انك مهما كنتي بتحبي تساعدي هتحتاجي اللي يستحملك ع الاقل مره وم هتلاقي ده منه + بعد كده هيستغل مشاكله عشان يخليكي طول الوقت شايله همه وماتبعديش
ممكن نزهق لو الشخص لا يعنينا ، لكن لو الشخص يعنينا هتفرق أساساً تلقائي هنلاقينا بنطبطب ونطيب الخاطر وبنهون وبنسمع وبنصبر .
اه وانت ومزاجك بقي
الموضوع مش كدا ، بس كون إنك قررتي تدخلي في علاقه مع شخص عنده مشاكل نفسيه بشكل واضح أنت كدا خد مسؤولية كبيره إنك تكمل معاه ، مع العلم إني شايفه أن جو المنقذ و can i fix him والجو دا بيكون كأنك بترمي نفسك ف وسط النار فعليًا ، مش لحاجه اكتر من إن ف اوقات محاولاتك بتكون لا تقدر ف الطبيعي إنك بتزهق بس عمتًا نوع المشاكل النفسيه بتختلف من شخص لشخص وباختلاف كمان المساعده ال انت بتقدمها .
اولا هي مش علاقة صحية تمامًا اي ماكان مسمها
ثانيا الإنسان بطبعه ملول والعلاقات خد وهات ف لو انت علطول الخط بتدي والطرف التاني مش بيديك هتزهق وهتمل واحتمال يتحسب عليك امر واقع مش تفضل منك
ثالثا العلاقات مش وظيفتها انك تنقذ حد من مشاكله الدكاترة النفسيين موجودين للغرض ده
ف حقيقي ملوش لازمه الخوض ف تجربة زي دي والأفضل توجهه لدكتور نفسي
