شاتك المفضل في كام starred message 💞
91💖
Ask @nm243254
اعامل بالمثل ولا بالأصل
بالاصل ✨
واحده معجبه ب واحد تكلمه اه ، لا
لا ،انا ك بنت شايفه ان ده تقليل منك ،هو ال يبقي عايز يكلمك وهو ال يلف وراكي عشان كلمه وحده منك مش العكس
Related users
نسبه حبك % للجلوس وحدك؟
٥٠٪
آخر خبر فرحك..
طب والله م فاكره ..!
اعمل ايه ع شان ابطل حزن؟!
اشغلي نفسك
ازاي اتعامل مع حد بيتجاهلني
تجاهليه
هل الوقت بينسي فعلا؟!
والله انا معتمده عليه وربنا يهون🙃
انتخة البيت ولا فرهدة الشغل؟
فرهده الشغل
الخروجة الحلوة بالمكان ولا بالاشخاص ؟
بالاشخاص ولو هنقعد فالشارع
أنس ولا زين
زين💞
لو خاطب ومش عارف احبها اعمل ايه
سيبها لل يعرف يقدرها ويحبها ،وده مش غلط بالعكس
لو معجبة بحد متجوز معايا بالشغل اعمل ايه
متعمليش اي حاجه اتقي الله بس🙄
أسوأ عدو للإنسان......؟
نفسه
تخطيت فتره صعبه قبل كده؟
فترات صعبه* منها ال الناس القريبه مني يعرفوه ومنها ال ميعرفهوش ،بس حقيقي كل حاجه بتعدي وربنا بيهون
تكمله سلسله مع ام ضد ، "فكره ان العروسه تفرج الضيوف ع شقتها "
المقربين بس ،انما مش اي حد غريب يدخل يتفرج علي شقتها
امشي ورا قلبي ولا عقلي؟
لا ده ولا ده 🙂😂👍🏻
الجملة اللى عينك وقعت عليها ❤✨
اكيد الصعب فيوم هيهون♥️
تختاري واحد مختلف عنك في قيم مهمة لكن حنين وبيهتم بيكي جدا، ولا تختاري واحد متفق معاكي في قيم مهمة لكن عنده جفاء عاطفي معاكي؟ أنهي واحد تقدري تعيشي معاه بجودة حياة كويسة؟
هو لو احنا مختلفين بس متفاهمين وبنعرف نوصل لحد وسط يرضيني ويرضيه لا هقبل ال مختلفه معاه 🤍
طب الكرامه ولا الفلوس؟ 😂
قولتيلي الفلوس دي قد ايه كده🌝😂😂😂😂😂😂
أدخل كلية حاسبات ومعلومات واللا ألسن؟
حسب ميولك بس من رايي حاسبات ومعلومات♥️
الخروجة بالاماكن ولا بالناس ؟
بالناس حتي لو هنقعد فالشارع💖
رأيك فى فكرة تأجيل الخلفة بعد الجواز ؟؟؟
بصراحه انا مع الفكره دي جدا ،مينفعش الخلفه ال بعد الجواز علطول دي وانا ملحقتش اتعود عالحياه الجديده ال بقيت فيها ولا المسئوليات الجديده ال بقيت عليا عشان اروح اضيف علي نفسي مسئوليه اكبر ده بني ادم لازم اكون عارفه اهتم بيه واراعيه ازاي وقد المسئوليه دي مش خلفه والسلام
هو انا لو سكت علشان المركب تمشي هتمشي فعلا ؟؟
انا اسفه علي ردي بس هي هتمشي علي دماغك حقيقي ،لو طول الوقت انت/ي ال بتسكتي يبقي هتمشي علي دماغك
كنت ثانويه عامه دفعه كام ؟!
٢٠٢٠ المشئومه
قرف الشغل ولا قرف الفراغ ؟
قرف الشغل💞
انت متخيل انك سئ فى رواية أحدهم دلوقتى!
انا اكبر سيئ فروايتي نفسها والله
Liked by:
Asmaa Mohamed
بيبي بلو ولا مينت جرين؟
مينت جرين
اعمل ايه لو فشلت في حاجه..!
جرب وافشل وجرب مايه مره لحد م تنجح مفيش حاجه بتيجي بالساهل💪🏻
نقلل ناس ونزود ... ؟
شاي بنعناع🌿
ايه الصفه اللي متقدرش تستحملها في اللي قدامك !
انه يكدب ،بجد ولو بيكدب عشان ميزعلنيش غصب عني م هقدر اثق فيه تاني
بشفق ع اي بنت فوق ال20 ولسه متجوزتش وبشفق ع اي واحده بتفضل التعليم عن الجواز ومعتبره الجواز مش اولوية عندها
معلش اصل دماغنا تعبانه 🙄😂
لو حسيت أنك مش فارق بتعمل اي ؟
بنسحب بهدوء
فستان زهرى او ازرق يليق عليه طرحه ايه
بيج او اوف وايت او طرحه لونه
زهرة شباب إيه بس ! بقولك بدوخ أول ما أقف ..
طب والله حصل
الي يكلم بنات كتير وهو مرتبط دا بيبقا ناقصه اي ؟
ناقصه ربايه
شايف نفسك فين بعد الضهر بكرا
فالمشتل بشتغل🙂
لو الإنسان عايز ينسى فتره من حياته وميفتكرش فيها اى تفصيله يعمل اى؟🙂
ال يعرف يقولي🙂👍🏻
مهما كان ليلك طويل ....♥️
كل حاجه بتعدي💞
جماعه ممكن اخد رأيكوا ف حاجه علشان للأسف مفيش اصحاب ☹️ انا دلوقتي متقدملي عريس انا مش عارفاه عموما بس اهلي شايفينه مناسب وكويس وبيقولولي اقعدي معاه انا مفيش حد ف حياتي بس مش حابه اقعد مع حدوحاسه انه لسه بدري ع الجواز وخايفه يكون زي مااخويابيقولي بضيع حد كويس من ايدي لمجرد كلام مالوش لازمه اعمل اي
مبدئيا مينفعش تتجبري علي حاجه زي كده ،بس نصيحه من اختك لو انتي سنك مناسب وناضجه وتقدري تتحملي المسئوليه دي جربي اقعدي معاه انتي م خسرانه حاجه ،والله ارتحتي وكان في قبول يبقي خير ،مرتحتيش خلاص ربنا يرزقك بالاحسن 💞
هو فعلا الإنسان لما يكون نفسيته تعبانه بجد ممكن اقل كلمه رخمه تخليه يديها اكبر من حجمها و يقعد يعيط ؟
ده فعلا ال بيحصل ،بس فنفس الوقت الموضوع فيه جزء مش حلو اننا لما حد يقولنا كلمه رخمه نزعق ونتخانق ونطلع كل زعلنا وخنقتنا عليه وهو ملوش ذنب فحاجه 🤦🏼♀️
هو ازاي الإنسان يهرب من الأفكار الإنتحارية لو قربت تستحوذ عليه؟
يهرب منها بفكره ان مفيش حاجه فالدنيا كلها تستاهل اني انتحر وانهي حياتي واحكم علي حياتي انها خلاص كده مفيش منها فايده واحنا لينا رب ،سامعنا وشايفنا وعارف ال فينا وال بيحصلنا ،اقرب لينا من اي حد واي حاجه ،وهيكافئنا علي صبرنا وعلي تحملنا للامور الصعبه ال بتكون علي دماغنا ،ربنا يهون علينا كلنا ويرزقنا الصبر علي كل حاجه صعبه💞
لو حد كذب عليكي بتسامحيه ولا لا
اسامحه اه ،اثق فيه تاني لا
ايام الكلية ولا ايام ثانوي ؟
والله لا دي ولا دي🙃
هتعدي؟!
هتعدي🙃💞
الحياة بعد التخرج عاملة ازاي🙄 !!
م عايزه اجربها ولا عايزه اعرف🙃
"إن المسلم ليُؤجَر في كل أمرٍ يمُر به حُزنه، وثقَـل نفسِه، وكل آهٍ يئنُ بها."💙💙
🙃💞
Liked by:
أَمَانِيِّ
لما تكون عايز تتكلم ومتلاقيش حد تكلمه او مش عايز تدوش غيرك بكلامك بتعمل ايه؟؟
نوتس التليفون حرفيا قربت تطلع تطبطب عليا والله🥲
Liked by:
mennatullah
يا تري هيجي يوم وناخذ حاجة حبيناها ؟
هناخد ال ربنا كاتبلنا انه خير لينا وربنا هيراضينا بيه💞
Liked by:
mennatullah
ايه اللي يخليني اديله فرصة ؟
رصيده جواكي ، علي حسب رصيده ال جواكي اديله الفرص
Liked by:
mennatullah
Next
