كل حاجه بحاول او ببقي عاوز اعملها بفكر قبلها كتير اوي و غالبا ف الاخر مبعملهاش
حياتي واقفه مبتتحركش ل اي حاجه افضل
مبسيبش فرض الحمد لله و بدعي ف كل صلاه ان الحال يتعدل
لكن زي مانا كل حاجه بتبوظ مفيش حاجه بتتصلح
مفيش حد يشجع ع ان الواحد يبدا ف مشروع او حاجه كل اللي حولين الواحد بيحبطوه
اي تغير لابد أن ينبع من داخلك
مع الاصرار والشجاعه والبعد عن رفقاء الإحباط
وان تستعين بالله وان تؤمن بماتفعله
متهتمش بحد ولا بكلام حد النجاح ليك والفشل ليك وجربت مشروع واتنين وعشره ومتوهمش نفسك بالفشل انت جربت الاول عشان تفشل خلي معنوياتك ونفسيتك دايما في العالي متخليش حد يحبطك ابدا
ابدء بنفسك وآمن بنفسك عشان اللى حواليك يشجعوك ويآمنوا بيك . الموضوع بسيط ومحتاج خطوه بشجاعه لقدام ومخاطره بغض النظر عن النتيجه اى
الله يكرمكك
😂💔حرفيا دا ال بيحصل معايا اليومين دول اقسم بالله
بس الفرق اني قررت ابدأ واعمل اي حاجه عشان مستقبلي
🌸 ادعولي بقى مكسلش
لازم الانسان يحط هدف قدامه ويتكل ع ربنا الاول طبعا وبعدين ع قدراته ونفسه ويبقي عندو ثقة ف نفسه انه هو هينجح ومش اي كلام يحبطه ويحاول مرة واتنين وخمسين لحد ما ينجح ومهما وقع يبقي واثق انه هيوصل ف يوم م الايام وفالاول والاخر كلام اللي حوالينا لا بيقدم ولا بياخر بس احنا اللي بناخد بيه للاسف علشان معندناش ثقة كافية ف نفسنا
استعن بالله ولا تعجز ولا تجعل لليأس طريقا الى قلبك طالما انت ملتزم بطاعة ربك فاعلم يقينا أن الله سوف يجيب دعائك ولكن لاتتعجل ف(إن أمر المؤمن كله له خير إن أصابته سراء شكر فكان خيرا له وان اصابته ضراء صبر فكان خيرا له ) كما قال الصادق الذي لا ينطق عن الهوى..... فربما يؤخر الله حاجتك لانه يريدك أن تدعوه أكثر وأكثر وتلجأ إليه أكثر وأكثر وتلح عليه ف المسأله...
وفقك الله واعطاك ما تتمناه..
