= بتحبني قد ايه يا حبيبي ؟
- شايفه الدنيا دي كلها؟
= اه
- لا طايقك ولا طايق حد فيها.
انا وخطيبي وقت اختيارنا للعفش 😂😂😂😂😂😂😂
الحاجه الي بتتحب من اول مره هنفضل نحبها صح
لا
هل السجاير سبب مقنع يخلي واحده ترفض واحد؟
اه ولو مش مقتنعه ممكن تشوفيه كمية اخبار عن الفركشة ومرض ولاد الشخص ال بيدخن وطلاق وحااجات مش تمام يعني .وف ناس حياتها تمام وحلوه بس بردو شوفي نفسك ف اي وعايزه تكملي أو لا
شوفي تقدري تشيلي مسؤوليه البيت والمذاكرة بالكلية اتجوزي لكن لو لا أو مش عارفة لسه بلاش احسن
منين ؟
مش إليك دعوة
تختار اللي يحبك ولا اللى تحبه...؟
ال أحبه لان لو اختارت ال يحبني هفضل طول حياتي بقارنه ب ال بحبه.. لكن اختار ال بحبه ومن هنا هكون سعيده وبعمله كل حاجه من قلبي واعمل كل ال ف قلبي لاسعاده وأنه يحبني بعدها أو لا دي ف ايد ربنا بقا .
الغيرة الزيادة ممكن تسبب مشاكل؟
اه
اسلوبك قمر ف الرد♥️
لو واحد اتقدملك مستواه المادى متوسط وصيدلى ومحترم بس شكله مش حلو أوى ولا نسبة الجمال اللى كنت تتوقعيها فى شريك حياتك
توافقي ؟
جاوبي بصراحة من غير إدعاء مثالية
هتقدري تتعايشي معاه ومع شكله وميكونش جواكي نقص ف الجزئيه دي ومرتحاله تمام وافقي
صباحك جميل كصورة لكى وانتى تضحكين وعيناك مغلقتين من شده فرحك 🤍
معظم الناس اللي بهرتك في البداية أتحولت تدريجياً لشخصيات أقل من عادية ، صح ؟
لا لكن الجملة فكرتني إن كان ف بنت نفسي اصاحبها اوي وتكون my best friend واكون قريبه منها ومن حياتها وكنت بدعي ب ده وده غريب جدا ع شخصيتي .. لكن بعد شهور اكتشفت أن كنت غلطانه تماما وكانت مؤذية ليا نفسيا بدرجه كبيرة وحاجه مكلكعه ف من بعدها مبحبش ارسم لحد صورة والله انت تدخل حياتي حبيتك اشطا مش حبيتك هبعد . وبعدها بقيت ابعد تدريجي ف سبحان الله يعني مغير القلوب والاحوال .
خايفة اوي ، ممكن حد يقولي اعمل ايه لو حد بيبتزني بصور وفيديوهات ؟
اعملي قضية ودلوقتي بقا يوفلرولك أساليب تحميكي وتحمي حقك ..اهم حاجه توريهم الادله بس واووووعي تخافي منه ولا من المجتمع ولا اي فاكرة تانية تبعدك عن الصح وحقك
رد فعلك لو حد هوه عادي بالنسبالك و جه قالك انه عاوزك و بيعرفك مشاعره ناحيتك بس و عاوز يتقدم بس بعد م يشتغل و قدامه سنة و بيقول انه مش عاوز كلام ف الفترة دي خالص هوه بيعرفك مشاعره ناحيتك بس ردة فعلكم اي
كويس جدا وقليل اوي لما تلاقي شخصية كدا .. بس لو عاجبك وممكن قلبك يحبه استنيه لكن لو عادي تماما ومفيش امل .لو اتقدملك حد كويس ومناسب تقدري تفكري ساعتها ف مصلحتك . محدش عالم بكره في اي ف شوفي انتي مياله ل اي
وحشني مفتحش من امبارح ومتخانقين المفروض ادخل اسال عليه ولا لا بس هو مزعلني
اسالي طبعا وزعلك اركنيه ع جمب لحد لما تطمني عليه ويمكن لما تسالي ساعتها يصالحك 😉
اعترفلها بحبى والااا اتقدم ع طول
اعترف يمكن ترفض الفكرة والارتباط ف متحرجش نفسك وأهلك معاك ..
لو روحتو عزومه وفوجئتو أن حطين الاكل ف اطباق فل ومعالق بلاستيك الموضوع عادي ولا يزعل
نلتمس العذر أن ممكن بيتعبو من التنضيف وغسيل الاطباق وعندهم مشاكل ف الرجل أو الايد ايايكن السبب ف هما حرين .. في كذا سبب للعمايل دي بس لو فضلنا نبص لكل تصرف وكل حركه هنتعب .