انا مخطوبه من حوالى شهرين وفى دخل بعتلى رساله كلام وحش على خطيبى وأنه بتاع بنات وأنه شخص وحش هو مهندس بس كان واخد كليه خاصه ف بتقولى ده واخد معهد مساحه وقالت كلام كتير وحش ونا بقالى تلات ايام مش برد عليه بسبب الكلام ده اعمل اى
لو بيحبك سيبك من كل الكلام ده.. الراجل لما بيحب واحده بيستغني بيها عن كل ستات العالم
هو اى حد يقولك حاجه تصدقيها.
المهم انتى رأيك ايه وشايفاه ازاى وهل حاسه انه كويس ومحترم ولا بتاع بنات وكده.
مش اى حد يقولك حاجه تصدقيها كده وبالذات لو حد متعرفيهوش كمان
واجهيه وشوفي رده، وأهلك يسألوا عنه جيرانه ومعارفه كويس
كدا أنتي غلطانه واخترعتي شئ من اللاشئ
أنا مستغرب ليه الناس بتخاف تواجه ليه ناخد زاويه تحت الحيطه ونداري فيها طيب افرضي إن كل الكلام اللي اتقالك دا طلع غلط..منظرك قدامه هيبقي إزاي
ما تواجهو يا جماعه....المواجهه هتريح وهتحل كتيييير جداً
وجهيه و اتاكدى من الكلام ده لو أنكر حولى تسالى أهله و تعرفى منه الحقيقة و كدها كدها ربنا هيعرفك الشخص ده على حقيقته لو هو كداب و هيبان لما هتوجهيه كل حاجة
مش هو خطيبك ؟! اتكلمي معاه افهمي منه هو و لما تسمعي كل حاجه منه ابقي قرري هتعملي ايه .. بس ده خطيبك يعني هو أولي انك تسمعيه وتتكلمي معاه
قال تعالي :
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ)
..انتي مجرد ما سمعتي كلام من طرف مجهول صدقتيه ..حتي ما كلفتيش نفسك تسأليه لو عندك شك ..سبحان الله 🙄
خطيبك دا علشان يبقى بالمسمى دا
عملتوا ايه ؟
مش سألتي عليه ، أهلك بمعنى أدق .. وقابلتيه وتكلمتي معه ، حصل قبول وتأكد منه فـ وافقتي ، دخل بيتكم وبقى فرد بيتردد عليه بُحكم الخِطبة مش كدا ؟
يبقى لما شخص غريب يُعكر صفو الأجواء دي ، مهمتك تبقى مش السؤال هنا أبداً .. مهمتك تواجهي الشخص باللي عرفتيه أو اللي تم قوله ، ولو إن معلومة الدراسة صعب تُخفى خالص يعني .. فـ يا إما مسألتوش عنه بشكل كويس يا إما الأمر كله كذب ونفترض حُسن الظن للنهاية.
أما جزئية البنات دي فـ لو كان كدا فعلاً وتاب لله ، وقرر يرتبط رسمي وبكِ يبقى فين المشكلة ؟
البنت نفسها بتقول كان .. فـ وارد كُلنا نُخطئ ، نتعلم ، نتوب ، ونرجع الصح تاني
وطالما شاب كويس وعلى خُلُق ، إيه المانع من فرصة تانية ليه وفرصة أولى صحيحة معاكِ ؟
فـ تناقشوا بهدوء ومتخليش باب الشك أو الظن السوء يكون في مقدمة مناقشتك ، اسمعي ، قرري ، واسألي ..
ربنا يُنير بصيرتك.View more
لا ردي عادي و متسلميش دماغك للكلام دا . و في نفس الوقت اسألي عنه و اتأكدي من الكلام دا
اتاكدي من صحه الكلام الاول عشان متظلميش حد
