مش عارفه ليه مش بنسمح لكل بنى آدم أنه يعبر عن اللى جواه و بنترجم الأفعال أو الأقوال ذى ما احنا عاوزين و ظنون سيئه و ندمر حياه الناس ,و بنخلى اللى بيعمل حاجه كويسه يبطلها عشان يتفادى الظنون دى
الدموع في نظرك قوة و لا ضعف؟
100% قوه قوه أنك تقدر تعبر عن اللى جواك من غير ما تبقى خايف من نظره أو رأى حد فيك
تزوجوا قبل ألا تتزوجوا .
خلاص اللى اتجوز اتجوز😂
قبل ما تنامي حابة أطمن قلبك وأقولك متقلقيش أي فتره مش لطيفة إنتي بتمري بيها هتعدي بمرها وحلوها هتمر وتسيبك صحيح هتعلِّم فيكي بس هتعلمك كتير وحطي في بالك إنك جميله في كل حالاتك ومتستاهليش غير كل اللطف إللي في الدنيا وأهم حاجه خليكي واثقه من ربنا وإعرفي إنه مش ناسيكي ومعاكي في كل وقت والله❤️
عندى ثقه فى ربنا و إيمان و مش مضايقه خالص من الوقت اللى بمر بيه هيعدى و ربنا هيجبرنى عمرى ما طلبت حاجه من ربنا و مخدتهاش بس عندى إيمان أن ربنا بيختبر قوتى الحمدلله❤️
من المواقف الجميله لمصطفى اللى مش عاوزه انساها مسك ايدى لقيها ساقعه بصيت لقيته واخد ايد بين ايديه الصغيرين و بيقفل عليها بقوله بتعمل ايه قالى بدفى ايدك عشان ساقعه قد ايه هو صغير اوى فى سنه بس بحسه كبير اوى فى المكانه و التصرف قد ايه هو حنين و الحنيه دى اهم صفه ربنا يحفظك ياااا رب و يعزك
ايه الكرتون الى كان مفضل بالنسبالك وانتى صغيرة؟؟
مش فاكره بصراحه دلوقت بس افتكر انى كنت بحب اوى مسلسل يوميات و نيس و لغايه النهارده كنت بسمعوا 😍
لو كان لديك فرصه لتغيير شيئا واحدا فى ماضيك ما هو هذا الشئ الذى تودى ان تغيريه؟؟
ولا اى حاجه كل حاجه اثرت فيا خلتنى اقوى اعرف اتعامل احسن فهمت اكتر اتعلمت كتير اوى ايا كانت الحاجه دى وحشه بس فرقت معايا زعلت شويه ااه و زعلانه و هفضل كل ما افتكر ازعل بس لاء مش عاوزه اغير اى حاجه كل حاجه بالنسبالى ليها معنى و اهميه حتى لو وحشه كل حاجه حصلت و هتحصل عشان اكون نور
ما هي خططك لأجازة نهاية الأسبوع؟
يااااااه ولا اى حاجه
مقطع من اغنيه يوصف شعورك؟
اللى انا حاسه بيه مافيش اى حاجه توصفه ربنا يقدرنى و اتخطى الاختبار دا ياااا رب
الخير فيما اختاره الله دائما حتى لو تعبانين دلوقت حتى لو حاسين ان مصيرنا كان هيبقى احسن و كنا هنبقى مبسوطين هنلاقى ربنا رتبها و لقينا الاحسن ساعتها هننسى و نحمد ربنا اوى اننا خسرنا الحاجه دى و لقينا الجديد دا اللى عوضنا بيه ربنا و ممكن نبص نلاقى اللى اتمنناه فى ادينا بس بعد ما بقينا نستاهله الخير فيما اختاره الله دائما❤ ربنا يقدرنا كلنا اننا نصبر لغايه ما نوصل للى عاوزينه ايا كان ايه و يعينا على القدر و النصيب لو كان عكس رغبتنا و يعوضنا عنه خير يا رب
ما هي الحياة التي تتمنى أن تعيشها؟
حياه بسيطه
ما الذي تنتظره بفارغ الصبر؟
حلمى❤
شو بتسوى على الاسك هاى اللحظة
دخلت عشان النتفكيشن😅
وش تسوين هاى اللحظه؟؟
هربانه من اللى عليا 😅 عشان خايفه ابدأ او حاله انا فاشله متفعله😂
آيه الحجات الى لو حصلت فى حياتك هترفع من معنوياتك وحالتك النفسيه وهتخليكى مبسوطه وسعيدة ؟
انى اراضى بابا و ماما اوفى و لو جزء صغير اعمل حاجه تخليهم مبسوطين دى اكتر حاجه هتبسطنى احقق حلمى ابقى ناجحه فى المجال اللى بحبه و اشتغل حياتى تبقى بسيطه فيها ناس قليله بحبهم و يحبونى و بس اقدر اوفى اى جميل عليا لاء حد اقدر اساعد الناس بأى حاجه دايما اقصد عطاء مادى و معنوى حياتى تبقى بسييييييييطه اوووى من غير اى عقد اشوف الناس اللى بحبهم مبسوطين و مرتاحين التزم اكتر و اعرف اكتر عن دينى منمش يوم غير و انا فعلا محتاجه الراحه دى يعنى يومى يبقى مليان مش فاضى محدش يخزلنى يعنى يخزن حبى او ثقتى عشان دى ارخم حاجه بالنسبالى عشان انا مش بدى الثقه لاء حد بسهوله منمش و انا مزعله حد حياتى تبقى بسييييييطه مش ملفته لاى حد غيرى فيه حاجه لو مش موجوده هبقى مرتاحه اكتر الزعل الزياااده اوى من اقل حاجه
انتى شكلك كدة حد بيمل من كل حاجة بسرعه جدا ودة مش مطلوب خالص فى المجال بس لو النفسيه بخير الواحد هيبقى عنده طاقه انه يكمل فى اى حاجه مهما كانت صعبة فحاولى ماتخليش اى حاجة تضايقك أو تأثر على نفسيتك واعملى الحاجات الى تخليكى مبسوطه وسعيدة
انا فعلا بمل بسرعه جدا بس بحب الfront end جدا عشان كدا بقدر اكمل فيه حتى لو مليت من المذاكره و القعده قدام اللاب كتير فعلا النفسيه مهمه جدا بحاول ابعد عن اى حاجه تضايقنى
انى اتخطى مشكله مأثره عليا لو تخطيتها هبقى اقوى كتير جدا ربنا يقوينى و يقدرنى
بتكتبى الحاجه الى بتذاكريها فى كشكول أو حاجه خارجيه بحيث تبقى محتفظه بيها ولا شايفه ان دى مضيعه للوقت ؟؟
هى مش مضيعه للوقت بس دى ليها ناسها اوى يعنى مش كل الناس تقدر تعمل ريفرنس ليها انا بحاول بس مش بعرف بصراحه اكتب فى كشكول اقعد ادور على اللى عوزاه و مش بعرف انظم فى كشكول و جربت برضو google docs بالنسبالى افضل من الكشكول فى الاحتفاظ بالمعلومه كمرجع بعد وقت مش للدماغ الكتابه بالايد افضل كتير اوى للدماغ لما بكتب بيكون اسهل عليا بس بمل و مش بكمل بصراحه😅بس الكتابه عظيمه جدا بصراحه
Object oriented . Data structure and algorithms
لو ذاكرتيها من كتاب هيكون أفضل بكتيير وهتلاقى فى الكتب problems كتير عشان تشتغلى بايدك زى ما بتحبى فى كتب كتير طريقه الشرح والانجليزى بتاعها سئل ..
تمام شكرا جدا ربنا يقدرنى ان شاء الله و اعرف انجز حاجه
المشكله ان الfront end معتمد اكتر على ان انتى فى حجات لازم تبقي حفظاها وعارفاها وبعد كدة بتستخدمى دماغى فى انك. توظفى الحجات دى كويس و تطلعى حاجه ال performance بتاعها عالى من حيث الشكل وال responsevnity فلازم يبقى فى كورس أو كتاب تبقى عارفه من خلاله الحجات دى ؟؟
هو انا مش فاهمه دا سؤال ولا معلومه بس من وجهه نظرى ان لازم يكون عندنا اساسيات نبقى عارفين كل الحاجات عشان نعرف نعمل سيرش نبقى فاهمين المشكله فين لو حصلت مشكله عشان يبقى سهل علينا اكتر اننا نحلها بس طبعا لطيف اكتر بكتير اننا نبقى فاهمين كويس جدا عشان الشغل يطلع مضبوط اكتر
على فكرة فى حجات كتير مهمه المفروض الواحد يبقى قوى فيها ومهمه جدا فى الشغل زى الobject oriented و الdatastructure و الAlgorithms و الdesign pattern كل الحجات دى مهمة جدا وممكن نتسال فيها فى الانترفيوهات وبتقوى الlogic بتاعنا؟
انا فاهمه انهم مهمين بس مش عارفه ابدأ فيهم ازاى لانى مستفدتش بأى حاجه خلال ما اخدت الحاجات دى فى الكليه
البرمجه حاجه ممتعه جدا على فكرة وبتغير وتطور تفكيرنا كتير وبتخلى نظرتنا الدنيا مختلفة ولكل حاجه بس الكليه هى الى بتكرهنا فى المجال بسبب الضغط ال. بتحطنا فيه الكليه ؟
أنا مش فاهم آيه الحاجه الى فى المجال الى تخليكى تخافى وانتى شغاله وبتذاكرى اى حاجه فى الدنيا طالما حد قدر يعملها يبقى انتى كمان تقدرى تعمليها بس تحطيلها الجهد والوقت المطلوبين وتخلى عندك ثقه بالله ثم بنفسك ؟؟؟
الجهد و الوقت سهلين اوى بس احساس انى هفشل او مش هقدر اكمل ببقى خااايفه جدا ببقى عاوزه انعزل وقت كدا عن الناس احقق فيهم اللى عوزاه بعيد عن اى حاجه و ارجع بس عندى احساس انى لو بدأت الفتره دى هكمل لانى مليت من الفشل اللى وصلتلوا
فى كورسات كتير جميلة جدا وممتعه متهيالى احسن كورس بالعربى تقدرى تفهمى منه كورس الزيرو للfront end web جميل جدا وشامل كل حاجة معرفش تعرفيه ولا لا ؟؟
اعرفوا و مش بحبوا ابداااا مع احترامى الشديد ليه طبعا و انه شخصيه مجتهده جدا مشكلتى انى مش بحب اقعد اسمع و يتكرر كتير المشكله فى القعده دى لو كورس مثلا فيه شغل اكتر يعنى انا اشتغل اكتر ما اسمع دا يبقى عظيم جدا بالنسبالى و هييجى وقت و مكملوش برضو😅 هعمل تحدى لنفسى قريب على كورس انى اخلصوا ربنا يقدرنى
هو الواحد كدة ساعات كتير يدخل ف الcomfort zoneخصوصاً لما يبقى طالع من فترة ضغط بالنسبه لأنك بتخافى وجبانه شويه ديما الخوف دة احنا الى بنخلقه جوانا وخصوصا الخوف من الفشل أول حاجة خلى عندك ثقه بالله وبعد كدة خليكى واثقه من نفسك جدا واسالى نفسك سوال واحد تقدرى تبذلى مجهود وتحقق الحاجه دى ولا لا ؟؟
و نعم بالله طبعا لما بتجاهل خوفى او بأجلوا بعد ما اعمل اى حاجه ببقى مش مصدقه ان الحاجه دى طلعت منى و بكل سهوله و بعدها بفضل خايفه مش كل الوقت بقدر اتحدى الخوف دا انا عندى استعداد جدا لاى مجهود بس هيفضل الخوف و حالتى النفسيه هما اللى بيأثروا على اى حاجه فى حياتى انا حد بيحب يشتغل جدا بلاقى متعه فى الشغل و مش بحب اضيع وقتى بس بضيعوا عشان خايفه
الجافا سكريبت جميلة جدا تقدرى تعمل بيها حاجات كتير لازم تتعلميها كلها كا package كامله بالمكتبات بتاعتها
انا عارفه ان الjs جميله جداااا تستحق ان البنى ادم يتعمق فيها بس اتمنى انى اخلص كورس فيها مره فى حياتى و اكمل فيها و اذاكر الES6 بس مش بعرف مافيش كورس بيقدر يشدنى للنهايه و ببقى وحدى فبمل بسرعه
مممم كسوله عشان فيه حاجات بتوقفنى و جبانه شويه ببقى خايفه من الفشل جدا جدا و اى حاجه و لو الكل شايفها بسيطه بتأثر على نفسيتى بس لو على الوقت و المذاكره انا ممكن اقعد اليوم كله على اللاب بذاكر طالما حاجه حباها و مزهقش ولا امل