@ola_122

Ola Elsayed

Ask @ola_122

Sort by:

LatestTop

الأدب بيطلع من الناس اللى اجتهدت ووصلت لدرجه عاليه من العلم زى مثلاً قليل لما نلاقى دكتوره او طالبة طب مغرقه وشها ميكب والكلام ده مبيطلعش إلا من اللى كلياتهم أقل وأهاليهم مبيسألوش عنهم حقيقى الدكاتره البنات أو طلبة الطب انتو تشرفو اى حد ومش معنى كده إن الكليات المؤهلات الأقل وحشه ده نابع من التربيه

حضرتك بتناقض نفسك فوق بتدي ايحاء ان الكليات الطبية والعلمية هي الكليات اللي طلبتها اخلاقهم جميلة .... وبالتالي ده يوحي ان باقي الكليات وحشين
وتحت بتقول ده مايقولش ان باقي الكليات وحشة ده نابع من التربية
الادب والاخلاق ناتجين من التربية اولا ده اكيد ثانيا انسان اشتغل علي نفسه وتعب بس مش المقصود تعبه ف دراسته لا تعب علي نفسه عشان يهذبها
علي فكرة انا من كلية علمية خريجة قسم كيميا واعرف ناس من كليات ادبية واعرف ناس تانيين من كليات طبية ... كل الاماكن دي فيها الحلو والوحش فيها المؤدب وقليل الادب فيها اللي بيخاف ربنا واللي ناسي نفسه ف الدنيا
فبلاش نستخدم الكليات بالطريقة العقيمة دي ونحدد علي اساسها المستوي الاخلاقي والديني والمباديء بتاعتهم
الفرق الوحيد بين مجالات الدراسة الجامعية ... التلاتة الاساسيين ادبي وعلمي وطبي هو طبيعة الدراسة بعد كده اتعامل انه مكان زي اي مكان بدون افكار مسبقة فيه الحلو والوحش

View more

سؤال غريب بس احساسي اغرب وانا بقوله بتهيئوا نفسكم ازاي لما الاب يبقي تعبان خالص و رايحين جايين ع الدكاتره مفيش سبب لتعبه بس انت حاسس ان النهايه بتقرب بتقدر تهون علي نفسك من الاحساس دا ازاي؟

ماحدش بيعرف يهيأ نفسه للحظات دي نفسيا
تخيل او توقع الموقف حاجة وحصوله حاجة تانية
كل اللي اعرف اقوله انك تستغلي كل دقيقة ف انك تبقي معاه هزار وكلام ف كل اللي بتتمنيه
والحاجة الوحيدة اللي ممكن تلحقك عشان تستحملي فترات تعب باباكي عموما
تفتحي المصحف وتقري منه بصوت عليك
وربنا يباركلك ف عمره يا جميلة ❤️

بتحبي تحضري افراح ؟

انا اساسا كائن الانطوائية والهدوء
مع ان مايبانش عليا ف تعاملي كده ابدا
بس اكتر حاجة برتاح فيها القعدة ف قوضتي او لو تجمع يبقي كل اللي فيه قريبين من قلبي
انما المجاملات الاجتماعية دي بروحها مغصوبة

People you may like

rodinahmousa’s Profile Photo rOo
also likes
Nadaayaman456’s Profile Photo Nada Ayman
also likes
yoka2948’s Profile Photo Mai
also likes
ghadamohamed97’s Profile Photo Ghada Omara
also likes
sohailaassem7’s Profile Photo Salaaam
also likes
ayarkotb’s Profile Photo Ayalization
also likes
foka12345’s Profile Photo Wafaa Adel
also likes
shooorouuk’s Profile Photo shroooouk
also likes
saraHussein129’s Profile Photo Sarh
also likes
DoaaAziz’s Profile Photo Doaa Aziz
also likes
wafaamahmud’s Profile Photo Wafaa Mahmoud
also likes
eauweza154’s Profile Photo Ossama Nawar
also likes
asaadaly20’s Profile Photo Asaad
also likes
Want to make more friends? Try this: Tell us what you like and find people with the same interests. Try this: + add more interests + add your interests

عايزة أكلمك واتس🥺

التويتر بتاعي ف البايو هنا لو حابة تتكلمي ف الشات بتاعه عادي

تفتكرى هتبقى ام كويسه ♥️

😂😂
الفكرة مخيفة والمسئولية كبيرة اوي اوي
بس يعني اتمني ف المستقبل باذن الله
ابقي كده فعلا ❤️

انا لبسي كله واسع ومش بحط ميك اب بس بنات العيلة اللي من سني طبعا علي الموضة وبيحطوا الميك اب وبيقلولي أنت طول ما انت كدا حد هيبصلك دا احنا حتي مشفناش واحد خبط علي بيتكم ، أنا مش عايزة اغير من مبادئ وانا حابة نفسي كدا بس كلامها بيأذيني وانا مبقتش عارفة من فينا اللي صح ؟ وفعلا الأغلب بيمدح ف جمالهم

مش عايزة اقولك اني تخيلتني انا اللي بتكلم من كام سنة عدوا 😂❤️
بصي يا جميلة انتي بتلبسي واسع ليه ؟ عشان إيه ؟
عشان ربنا أمر بكده صح ؟
عشان انتي عارفة ان ربنا ما أمرش باسم معين للبس الشرعي بس عطاه شروط لو توفرت فيه بقي هو ده اللي يرضي ربنا سبحانه وتعالي
وده اللي كلنا عارفينه من أهل العلم
طيب تعالي نتخيل كده انك لبستي زي البنات ف العيلة عندك وحطيتي ميك اب زيهم
وبقيتي شبه البنات اللي ف محيطك والمشكلة اتحلت
هل لو طلعتي برا محيط بنات عيلتك ودخلتي ف محيط مجموعة بنات تانية ولقيتيهم الحجاب بالنسبة لهم مش مهم اوي يعني او مثلا روحتي وسط محيط تالت ولقيتي البنات هناك لبسهم مابقاش فيه حجاب اصلا وبدا اللبس يبقي قصير وخلافه
هل لو دخلتي ف اي محيط من دول بعد ماتكوني بقيتي بتلبسي زي البنات ف عيلتك حتحسي انك
شبههم ؟ الاجابة لا
كل دايرة من دول لو روحتيها حتحسي نفسك مختلفة عنهم مهما حاولتي تجاري لبس كل فئة ومجموعة من البنات حتلاقيه بيختلف من مجموعة لمجموعة ومع الاختلاف بيزيد مدي التنازل وبعد اللبس ده عن اللي امر بيه ربنا
الخلاصة ف رأيي مهما حاولتي تنحازي او حتي تقيمي لبسك بالنسبة لشكل لبس فئة معينة دايما حتلاقي فئات مختلفة
الحل الوحيد ان كل بنت مننا تدور وتشوف ايه هي الشروط اللي بيها لبسها يرضي ربنا
وبناء عليه تختار ستايل يتماشي مع الشروط دي فتبقي ضمنت انه رضي ربنا ثم ييجي دور ارضاءها لنفسها كبنت بانك تجمعي ف لبسك بين شروط اللبس الصح وبين شياكته واختاري اللبس الانسب لشلك انتي لان ممكن يكون لبسك شيك اوي بس انتي حاساه مطخنك او مكبرك او او لانك احترتي قصة او استايل ما يليقش عليكي انتي
وصدقيني عن تجربة حتخبطي ف الحلل ف الاول بس بعدها حتعرفي تظبطي لبسك حلو اوي اوي
وحيبقي احلي ف عينك من لبس البنات اللي حواليكي
اما بالنسبة لحتة الميك اب فاحب اقولك بما اني عاشقة للميك اب انك تعرفي تجيبي ايفيكت شبيه لايفيكت الميك اب من غير ماتحطي ميك اصلا
تعالي نبسطها الميك اب بيعمل ايه ؟
الفونديشن والبرايمر عشان يخلوا الوش درجة لون واحدة ويخفوا المسام ويوحدوا اللون صح ؟
والبلاشر والبرونزر والهايلايت عشان يدوا نضارة كده وحيوية للوش
والبرايمر عشان يخفي الهالات صح كده
طب
قربي من اي بنوتة حاطة فونديشن مهما كان نضيف وغالي ومهما اتعمله دمج لو قربتي منها حتلاحظي ان بشرتها باين اوي انها مصطنعة وان في عليها طبقات
والشكل من قريب مابيكونش ابدا زي من بعيد او ف الصور عشان كده الموضوع خادع شوية
ومش معني كده انه وحش بالعكس انا بحبه بس بحط معاكي النقط ع الحروف وبشوف معاكي هو ايه
فايدته ف الشكل وايه عيوبه
تأثير الفونديشن تقدري تخليه يظهر علي وشك طبيعي لما تبصي ف بشرتك وتشوفي ايه المشاكل اللي فيها
لو فيها حبوب ابدئي عالجيها الاول وخلي عندك صبر
ولو فيها هالات تحت العين او فيها حروق او غامقة من الشمس برده حتبدئي تعالجيها وبعد ماتعالجي المشاكل حتعملي تنضيف ف البيت لبشرتك مرة كل اسبوع او اتنين
مع نوع غسول كويس تستخدميه وكريم مرطب ووالله صدقيني حتلاقي شكل بشرتك اختلف مية وتمانين درجة
كل الحجات اللي قلتها دي لو مش عارفة بتتعمل او تستخدم ازاي اليوتيوب ماليان فيديوهات عنها
الحركة دي لوحدها مع المواظبة
ومع سيرم كمان للبشرة زي الهايلارونيك مثلا
كل ده مع بعضه حيدي نضارة وشكل جميل جدا لبشرتك حيخليكي حاباها جدا ومش فارق الميك اصلا
ردي كان طويل بس بجد حبيت اكتبلك من قلبي نصايح واراء هي اللي ساعدتني اعدي الافكار دي لما جت ف دماغي ❤️

View more

""ما الحُب الا لمن أتوا البيوت من ابوابِها فأعزوا مقَامنا، فأعززنا مقَامهم بِقبول ولِين"♥♥♥♥♥♥🌿.""

👏👏 الله ينور

ربنا يسعدك فى ابسط تفاصيل حياتك ويقرب لك الخير حيث كان

ف وقتها والله ....اللهم امين يارب واياك ❤️❤️

عمرك سلمت علي حد ناسي اسمه؟😂

احيييه كتير اوي انا ببقي واقفة محروجة اقولهم انا ملامحكوا مش غريبة عليا وهم واقفين يسلموا بصدق وفرحة وانا فعلا ناسياهم

سقاكِ الله من فيض امانيكِ حتي ترتوي ♥️

اللهم امين يارب واياك 🥺

تفتكروا ف نور ف اخر النفق ؟

اقولك علي سر لطيف جدا ؟
النفق ده بيحدد الاوردر بتاعك
عايزاه اخره نور حتلاقي اخره نور
عايزاه اخره وحش حتلاقي اخره وحش
اختيارك ...

اي وجهه نظرك عن الناس الي بتبقي كليات عاديه وتروح تتقدم لدكتوره صيدلانيه أو طب او اي حاجه وهو يبقي حقوق أو تجاره أو اي كليه عاديه يعني

لا معاكي المفروض يراعوا فرق مجاميع الثانوية العامة
سوري انا بجد مابحبش اغلس علي حد بس ممكن تقوليلي ايه وجهة نظرك انتي عن الزواج عشان تسالي سؤال شبه ده

انا بنت و طريقه كلامي هاديه شويه ..صحابي اول م اتكلم يقولولي بطلي مياصه و دلع🙃 وانا والله مش بتمايص و حقيقي تعبت نفسيا من كتر م كلامهم ..اعمل اي عشان اغير طريقة كلامي؟؟

وتغيري طريقة كلامك ليه ؟
مادامت مش مصطنعة وانتي فعلا دي طريقتك
يبقي تغيري صاحباتك احسن

ربنا يكرم والدك ووالدتك السنه الجايه بحج بيت الله ♥️🌎

اللهم امين يارب واياك ❤️❤️

انا مفتقداني جدااا مفتقده شغفي،وطاقتي ونفسيتي وضحكتي ،و روحي ،وكل حاجه والله ...

ماتحاولي تقعدي كده تشوفي ايه اللي خلاكي توصلي لكده ابدئي افهمي نفسك اكتر وحاولي تقري ف علم النفس المبسط وتحللي تصرفاتك وافكارك حتحسي انك الاجابات بتيجي علي دماغك واحدة واحدة
ممكن ارشحلك كتاب استراحة نفسية تبدئي بيه
جميل جدا
لو حسيتي ان اللي قلته فوق مش جايب معاكي نتيجة اصلا يبقي روحي لاخصائي

حاسه اني عايزة ابعد عن كل اللي حواليا ،عايزه اخد فاصل أو هدنة كدا مع نفسي اعمل اي ..؟!

افصلي بسرعة عشان لو مافصلتيش بمزاجك حتلاقي نفسك بتفصلي غصب عنك
ابعدي عن كل الناس السلبي والايجابي واقعدي مع نفسك اعملي حاجات بتحبيها حتي لو كانت هبلة زي التلوين فالرسومات بتاعة العيال الصغيرة
اي حاجة مهما كانت بسيطة حاساها حتفرحك وتفصلك اعمليها وخدي وقتك في ناس بتحتاج يومين وناس ممكن تحتاج اسبوعين او اكتر تفصل فيهم وبعدها اختمي الفصلان الجميل ده بقعدة مع نفسك تشوفي ايه اللي اجهدك الفترة اللي فاتت وفكري فيه بالراحة

ربنا يرزقك بكل سعادة وهنا الدنيا دي ويراضي قلبك وييسرلك حالك يارب العالمين.. ♥"

saramahmoud7470’s Profile PhotoSara M El-esawii
اللهم امين يارب واياك ❤️❤️❤️

لو مضطر تقضى ٣ أو ٤ ساعات ف مكان فاضى (لوحدك) بدون موبايل هتقضيها ازاى؟

هاتي كتاب حقرا فيه لما ازهق وبس 😂❤️

حنيتى للدراسه وبصراحه ؟

لا ولا في بربع جنيه حنين الحمد لله 😂😂

Next

Language: English