هو ليه الرجل بيبقى في بداية الخطوبة مهتم وبيتكلم بالساعات وبعد كدا الاهتمام بيقل؟ هو دا طبع في الرجالة ولا فيه مشكلة في العلاقة
سؤال حلو. معنديش إجابة حاضرة بس حستغل الفرصة افكر في الموضوع هنا. هو بشكل عام الإنسان لما بيدخل على حاجة جديدة بيكون ليه شغف مختلف عن بعد كده فده طبيعي نوعا ما من الناحية دي. واعتقد جزء منها قلة وعي بإن أي حاجة مهمة محتاجة اهتمام وتركيز مستمر. يعني مثلا نفس الكلام في الصلاة. لو ماركزتش كل يوم إنك تخشع فيها حتقلب فرض بتقضيه وخلاص. شبه برضه موضوع اتعب دلوقتي عشان تستريح بعدين. كأن التعلم مرحلة وبتخلص...
