نفسي بجد افهمك انتي شخصيه غريبه بالنسبالي ف ردودك وارءك
ساعات بحس انك شخصيه لطيفه وبسيطه
وساعات بحس انك قويه ومش بيعجبك اي حاجه
انتي مين فيهم بالظبط ؟!
عاوزة تفهميني ازي انا والله مش قوية لدرجة ال هي انا بس بكرهه الكدب والعبط وان حد يستغفلني ويستعبطني بس مش اكتر ولكن الردود الهادية الباقية هي دي طبيعتي وحقيقتي🤎
انتي بتظهري و تختفي سنين 😂
😂😂😂 الحياة مشاغل والله وكمان اخر سنه ليا مش عاوزة اقصر فيها كمان مش بيعجبني الجو هنا اووي
تفتكر في حد بيحبك.. ؟
بجد تفتكر حد مهتم بكل حاجة تخصك..؟
لاء والله مفتكرش انا متأكدة ان اهلي كدا وهيفضلوا كدا ان شاء الله 🤎
احساسك بيطلع صح !
مش دايما
على فكره انا اعرفك
مممم منين
هل لو روحت لدكتور نفسى دى حاجة عيب لو الناس عرفت ؟
لاء عادي طبيعي زي ما الشخص بيمرض جسديا انه يمرض نفسيا اي شخص ف الدنيا معرض عادي مش لازم تشوف نفسك مجنون دي حاجة ودي حاجة انت/ي رايح /ة تتعالج/ي عشان تكون/ي شخصية سوية وعشان عاوزة الراحة لنفسك
عندك الجرأة تنزل آخر صورة في الجلري أيا كانت
صريح ولا مجامل ...؟
والله الناس ال عاوزة صراحة بصارحها وال عاوز مجاملة بجامله
بصراحة معرفش بس اي حاجة بتمشي على الحيطة بترعبني 😐
لو شخص بيتعمد دايما يستفزني علشان اتعصب وعلشان يقلل ثقتي في نفسي.. اتعامل معاه ازاي ؟
التجاهل رد مناسب أو البرود كل دا بينعكس عليه وبيتعصب لانه مقدرش يعصبك وبيحس بقيمته القليلة وفالاخير كل يرى الناس بعين طبعه
اخبارك ؟ عايزه اسألك سؤال ممكن ؟ ✨
تفضلي
اعرفك علي فكرة
اي دا بجد امال معرفكيش ليه
عاجبك جو الاختفاء دا؟
هه
ايام جامعه ولا ايام ثانوى 🌺؟!
الاتنين حلوين
في رأيك امتى ممكن الواحد يسامح في حالة ان حد اتخلى عنه ببساطة؟؟؟
انا عن نفسي هسامح عادي المشكله في الشخص نفسه هو ال بني حواجز مش هعرف اتخطاها
زعلك صعب ولا بتتراضي بسرعه؟
لاء بتراضي بسرعة ولو متراضتش بردو انا كدا كدا بنسي وممكن انا ال ابدأ عادي بس اخد وقتي بس 🤎
سؤال بجد ومحتاجة رد ، هو الرزق في حياتنا ايه!؟
كل حاجة ف حياتك رزق النفس ال داخل وخارج من غير مجهود رزق كون انك قاعدة بتكتبي الرسايل بصوابعك وايدك شغالة دا رزق كل يوم بتنامي وتقومي وبتاكلي وبتشربي دا رزق ف حياتنا الناس ال منسواش من غيرهم هما رزق ف حياتك عينك ال هتشوفي بيها الرد رزق الحمدلله على صغائر النعم الرسول صلى الله عليه وسلم بيقول ( من أصبح منكم آمنا ف سربه، معافى في بدنه، عنده قوت يومه فكأنما حيزت له الدنيا بحذافيرها) فعيش حياتك يا معلم انت مش ناقصك الهوا حتى قول دايما الحمد لله على اي حاجة