لو صاحبتى شخصيتها انها تبقى معايا وتكلمنى كتير وترد عليا وبتبقى حرفيا ماليه يومى وبعدها مره واحده مترضاش ترد وتطنشنى بالايام او الاسابيع تماما ودى حاجه بتتعبنى فعلا وبتحسسنى بالفراغ والزعل وانى موجوده دايما ع مزاجها منين متحب تتكلم تلاقينى فانا المفروض اتعامل ازاى بجد
تقطعي علاقتك بيها
شوفيلك صاحبة تانية بتحب الكلام معاكى ومش بتتجاهلك ووقت ما تحتاجيها تلاقيها
المفروض متخليش انسان يتحكم فى نفسيتك اصلا للدرجة انه لو مش موجود اتزانك يختل
المفروض فراغك انتى اللى تمليه لنفسك اشغلى يومك بحاجات زي شغل اتعلمى رياضه معينه ادرسي لغة ولا علم شرعى جربى تخرجى مع حد من اصحابك مش شرط يبقا مقرب مع نفسك برضو اعتمدى على نفسك ف انك تنزلى تشترى حاجتك من غير ما تنزلى مع حد
متخليش انسان وجوده او عدم وجوده يشقلبلك حياتك الكلام ده ينطبق على صديق خطيب اى كان اي علاقه خلي العلاقات اللى فى حياتك تزودك لكن متبقيش ناقصه من غيرها لان البشر مش مضمونين
ممكن تكون عندها مشكله او بتمر بوقت صعب ومش قادره تتكلم مع حد
حاجة من اتنين لو هى بتعمل كده مع كل الناس ممكن يكون عندها اكتئاب او مشكلة نفسية فلو تهمك بجد اقفى جنبها وحاولى تساعديها ، لو ده معاكى او مع ناس معينة وبيكون عشان مصلحتها او عايزة منكم حاجة فهى كده مس كويسة وبتستنزف طاقة الناس اللى قدامها على حسب احتياجها ومصلحتها فنصحيتي ليكي ساعتها انك تعامليها بالمثل وتطنشيها انتى كمان وتبدأى تقللى معاها وتطلعيها بره حياتك
احيانا الدنيا بتشغلنا و دد شئ وارد ف لازم تعرفي انها ممكن تكون في ظرفا ما و مش عارف ترد او تعبانه او في حاجه معاها و مش قادره تحكي او تكلم مع حد غصب عنا ك صحاب بنبعد عن الكل و نقعد مع نفسنا شويه و دد عن تجربه .. عشان انا زيك الفتره دي و من قبلها بس بغير من تفكيري و ببدا اعيش لوحدي شويه ...!!
طنشيها ومتخليش حد ايا كان مين يبقى هو محور حياتك خليكي عادي 👍🏻
تعاملي مع الكل عادي بحيث ان محدش يتعود عليكي اوي فياخد منك موقف لو اختفيتي وفي نفس الوقت انتي متتأثريش لو اختفى او اخد جمب
اختاري اللي يقدروا وجودك وعدم وجودك
فاهماني ؟
تعاملي معاها بنفس الأسلوب ،او اكلمي معاها وضحيلها أن الطريقة دي بتتعبك وشوفي ردها مقلتيش من فائدة عمليها بنفس اسلوبها
هى شخصيتها كدا مزاجيه ومش هتتغير دا طبع لو دى حاجه بتتعبك ابعدى متضيعيش وقت او متتعوديش على وجودها عادى موجوده زى مش موجوده متخليهاش محور يومك عارفه انه صعب بس حاولى 🤍
طالما انتوا أصحاب اوي اتكلمي معاها الاول افهمي منها ممكن تكون بتبعد بسبب حاجه زعلتها منك والله دي طبعتها ومش مرتاحه معاها ابعدي عنها
