@ranakhodairy1805

Rana Elkhodairy

Ask me anything Follow
Ask @ranakhodairy1805

Sort by:

LatestTop

اي السن المناسب للجواز ؟

مفيش سن مُطلق كدا ينفع يتقال عليه مناسب دي حاجة نسبية بتختلف من واحد للتاني.
لما الواحد يكون قادر يشيل مسؤولية و يُعتمَد عليه ، و لما يلاقي شخص مناسب و مرتاح معاه .
3
Liked by: ahmed mabrouk Naira

اكتر وقت بكرهه ف حياتي هو الوقت اللي بعد رمضان والعيد دا الانسان بيبقي حاسس بغربة ووحشة كأنه كان طفل تايه وبعد ما لقي اهله تاه تاني

☹️
1
Liked by: ahmed mabrouk

ايه love language بتاعتكم ؟

Rania75483’s Profile PhotoRania .
نكون لبعض good listener بالذات في الأوقات اللي الواحد بيكون فيها دراما كوين و بيعيد و يزيد في الكلام من كتر زعله .
نشارك كل حاجة سوا أدق التفاصيل حتي لو هنتكلم ف اني جبت شراب عليه فراشة جديد.
التشجيع و الدعم في كل حاجه بالذات لما الواحد يحس أنه not good enough.
نعين و نساعد و ناخد بإيد بعض في كل حاجة و نشد بعض لقدام دايما.
3
Liked by: Rana sherif ahmed mabrouk Rania .

Related users

abdelraahman_ahmed’s Profile Photo Abdelrahman
mennahmohamd42’s Profile Photo مِـنَّــــــــة
willbeok9987’s Profile Photo free Palestine
aymanmano007’s Profile Photo ᴀʏᴍᴏᴏɴ ⌁☍
ayae9654’s Profile Photo آيه ᥫ᭡’،
ahmedelattar910’s Profile Photo عمو عطار

جماعه هو لو في خروجه وحاسس انك غير مرغوب او هامش في الخروجه دي تكنسلها؟

لو في اي حاجه بتدي الواحد شعور ولو بسيط بس بالزعل المفروض نبعد عنها و نتجنبها.
بس لما اتأكد اني هامش فعلا و وجودي تقضية واجب مش مجرد احساسي بس.
2
Liked by: ahmed mabrouk مِـنَّــــــــة

مبتحسيش انك متضايقة لما تلاقي صحابك جايبين درجات اعلي منك مثلا ؟

مش عايزة أبان اني بتكلم بطريقة مثالية بس الدرجات دي رزق والله انا بقي عندي يقين بكدا يمكن من فترة صغيرة بس ، اسئلة كتير بكون مرجعاها مثلا و ادخل انساها و مش هكدب يعني بطلع زعلانة جدا و ممكن اضيع المادة اللي بعدها بس خلاص ربنا عايز كدا .
زي م مقتنعة بردو أن كلنا عندنا قدرات مختلفة في حد بيقدر يفهم كويس بس مش بيلحق يخلص حفظ ، و حد معتمد علي الحفظ بشكل اكبر حتي لو مش هيفهم كل حاجه علشان مفيش وقت ، و حد عنده الموهبتين مع كمية المناهج و الوقت القصير دا ، اكيد ربنا موزع لكل واحد قدرة معينة لحكمة معينة .. ف انا لو مش مقتنعة أن قدراتي مختلفة و ظروفي مختلفة عن الباقي ابقي بضحك علي نفسي و محملة نفسي فوق طاقتها وخلاص .
ايه علاقة كل العوامل دي بقي ب صحابي و درجاتهم م كلنا مختلفين عن بعض في كل حاجه و تخصصاتنا في الاخر جايز تكون مختلفة كمان حتي اماكن شغلنا و محدش بياخد رزق حد ، و مفيش حاجة دايمة شوية ابتلاءات بيقلبوا كل حاجه في ثانية ، صحابي كلهم ايا كان مين يستاهلوا الخير والله و حقيقي بفرح بنجاحاتهم و بكون فخورة بيهم و بتبسط لما واحدة فيهم تبقي مميزة في حاجة و ربنا شاهد علي كلامي ، ربنا يباركلهم في حياتهم و دراستهم و صحتهم و يفرح قلوبهم جميعاً.
اعتقد اني طولت اوي في الكلام بس اعتقد بردو أن الموضوع يستحق .. احنا مش جايين الدنيا نحقد علي بعض و ننافس بعض و نفضل عايشين في توتر و قلق ، احنا جايين نعمل اللي علينا و نسعي بكل الطرق الممكنة و ربنا بيقسم الأرزاق هو و شايف كل واحد هيكون افضل فين .

View more

3
105
Liked by: иαнℓα SARAH مِـنَّــــــــة

بحق اذان الفجر 🤍🕊️ اللهم إجعلنا أسعد خلقك وأقرب عبادك إليك اللهم إغفر لنا ما مضى وأصلح لنا ما بقى واكتب لنا رضاك وعفوك والجنه ‏اللهم إنا نعوذ بك من تقلبات القلوب والأيام ‏اللهم ارزقنا طمأنينة النفس في حال الخوف و نجنا من كل ضيق وكرب🤍🤲🏻

اللهم آمين يارب.

+ 1 💬 message

read all
4
Liked by: иαнℓα SARAH مِـنَّــــــــة Abo Omar

ازاي انجح في كذا حاجه في نفس الوقت ؟

ليه لازم ننجح في كذا حاجة في نفس الوقت و نضغط نفسنا لو فشلنا في حاجة منهم ، طب م نحط تركيزنا كله في حاجة واحدة و نتفوق فيها وبعدين لما نخلصها أو ع الأقل نمشي شوية حلوين فيها و نبقي متمكنين منها كويس و اني هقدر اوازنها مع حاجة تانية ابدأ اشوف بقي الحاجة التانية دي .
6
Liked by: иαнℓα SARAH مِـنَّــــــــة Yıldız✨

انا نفسي ابدا احفظ قران وخايفه جدا من الخطوه دي خايفه افشل ف حفظه و مقدرش احفظ حاجه وخايفه يكون بعض الايات والسور شبهه بعض هعرف احفظه ازاي

كان عندي وساوس زي دي بردو لخطوة ما اني خايفة ابدأ و مقدرش اكمل و ساعتها هعيش في تأنيب ضمير وخلاص ، لكن صديقة قالتلي " صدقيني دا من الشيطان متفكريش في بعدين خديها واحدة واحدة ".
ف فعلا الشيطان هيفضل يوسوسلك انك مش هتقدري تكملي و مش هتعرفي تعملي حاجة ، بس انتِ مفكرتيش أن ممكن يحصل العكس ممكن تحفظي بسرعة و كويس و تلاقي بركة القرآن مصحباكي في كل حاجه في حياتك " ما زاحم القرآن شيئاً إلا باركه" .
و طبيعي تحسي أن الدنيا الأول صعبة دا في أي حاجه مش بس حفظ القرآن لكن بالتدريب و المواظبة و تشوفي أثره و بركته في حياتك هيخليكي تكملي ، و اه ممكن تلاقي تشابه في بعض الآيات و السور بس بالمراجعة الكتير هتعرفي تفرّقي عادي متخافيش .
بحييكي علي التفكير في الخطوة و صدقيني والله هتفرق معاكي كتير توكلي علي الله و ابدئي يمكن يكون دي الخطوة اللي تصلح حاجات كتير في حياتك و يمكن تكون الخطوة اللي تدخلك الجنة
اهم حاجة لما يحصلك فتور أو انتكاسة في النص متقفيش فترة و هتعدي و تكملي خلي عندك بس صاحبة تشجعوا بعض دايما علشان تقدروا تكملوا .. ربنا يعينك و يوفقك يارب 💙.

View more

3
Liked by: SARAH Sara Fawzy Rana sherif

عندي سؤال ديني، لو إيمانك ضعيف أو مهزوز بلاش تقرأه..الله عادل، والله هو مقسم الأرزاق والأقدار، فهل من العدل أن يقسم الله لي رزقاً قليلاً وقدري في الحياة يكون صعب، ولما ماقدرش أتحملها وان.تحر أتعذب في الآخرة؟ هو أنا اللي اختارت مصيري؟ وماحدش يقول الأرزاق ٢٤ قيراط عشان في ناس عندها كل حاجة وناس معدمة

المشكلة اننا متخيلين أن الرزق فلوس و بيوت و شغل كويس و غيره من الأشكال الظاهرية دي و ناسيين أن الصحة رزق ، اننا بنقدر ننام و نصحي و نقوم و نشتغل و نعمل اي حاجه في يومنا رزق ، أن وجود أهلك جنبك و بصحة و عافية رزق ، مستواك الدراسي رزق ، وظيفتك رزق ، اولاد كويسين و متفوقين رزق ، اولاد و اخوات مُعافين رزق ، صحاب يهونوا عليك مشقة الحياة رزق ، و غيره و غيره كتيير اوي من الأرزاق اللي احنا مش واخدين بالها مننا والله و بنركز في اللي ناقص عندنا شوية وبس ، مع ان اللي ظاهر عندهم كل حاجة دول ممكن يكونوا معندهمش حاجة عندك مش كل حاجه بتبقي ظاهرة للناس ، كل واحد بيبقي عنده مشاكل كتير جدا بس مش هيجي يعرفهالك ف بلاش النظرة دي و أن زي م يكون كدا ربنا ظلمنا لأن فعلا ربنا عادل و مقسم الأرزاق بس الأرزاق مختلفة و ربنا له حِكمة في كل حاجه ، المفروض اني أحمده و اشكره دايما و أدعيه بخيري الدنيا و الآخرة.. فكرة انك تنتحر يعني انت معترض علي قضاء ربنا اللي ممكن يكون ابتلاء ليك مش اكتر علشان تاخد حسنات ، احنا جايين الدنيا و عارفين انها دار الشقاء و اننا هنفضل نتعب و نجتهد علي أد م نقدر و نقرب من ربنا اكتر و اكتر علشان نلاقي اللي بنحلم بيه في الآخرة.. انصح يعني بإن الواحد يقوي ايمانه بربنا شوية بأي طريقة اسهل و ممكنة .

View more

5
40
Liked by: SARAH Rana sherif Nadaabdelhalem Doaa

Next

Language: English

4.1

1,266,418 reviews
© Ask.fm 2024