@rawanjuneidi

rawan juneidi

Ask me anything Follow
Ask @rawanjuneidi

Sort by:

LatestTop

بعد كل هالسنين وبعدك يا روان تخطري على بالي سبحان الله وجهك في اشي يعلق بالقلب ايش اقول يعني غير الله يسير امرك و الله يسعدك

الله يسعد قلبك يا رب ويعطيك ليرضيك ❤️
شكرًا عكلامك الجميل وصل قلبي ❤️
بس مين ؟

Related users

qudsinfo’s Profile Photo qudsinfo
BeHonest333’s Profile Photo نوووف
Nadaezz18’s Profile Photo Nada e.abdelfattah
mohammed_mosai’s Profile Photo ♪وريد♪
Niveen_1996’s Profile Photo Niveen
haneenalrababah1996’s Profile Photo آلحَنينْ_الربابعةْ
samarnasr432’s Profile Photo Samar Nasr-Eldin
NevienHassan810’s Profile Photo نيفين
elisastucki’s Profile Photo elisastucki
roma2425

الله يبعثلك النصيب الحلو من كلشي ❤️

يارب 🙏
الله يجبر بخاطرك ويعطيك ليرضيك

إن الله إذا شاء امراً كان ، ولو عارضه كل اهل الارض ، ولو عدمت اسبابه ، ولو وقف كل شيء في طريقه اذا شاء الله امرًا فلا مرَد له ✋

❤️❤️

Space 💚

‏أمام وطأة الوجود وبؤس الحياة ومعاناة الإنسان، كان إريك فروم يقول:
الحبّ هو الإجابة الوحيدة العقلانية والمُقنعة على مُعضلة الوجود البَشريّ
The mature response to the problem of existence is love

هل تتقن فن الرد إذا تعرضت لكلام جارح !؟

BeHonest333’s Profile Photoنوووف
أبدآ أبدا!
ترا مش شطارة تعرف تجرح إنسان
تخيل تحكي كلمة او تعمل موقف تخلي اللي قدامك يفكر فيها وقلبه يزعل بسببك؟!
2
Liked by: نوووف

امانه جاوبوني ولا تطنشون السؤال /قدحصل وانخذلتو من أصحابكم او من احد ثاني ؟ وتجاوزتو الخذلان ولا ؟

طبعا.. الخذلان اشي أساسي بحياتنا صار
ما بينفع تتعلم بهالحياة بدون ما تتوجع
بس بدك تعرف انه هالوجع فترة مؤقتة قديش بتستمر بيعتمد عليك انت
بس أكيد بتمر ووجعها بخف مع الأيام وبتنسى وجوده.
بس نصيحة للمستقبل...
دايما اتوقع اي شي من اي حدا
ماشي احسن الظن وتعامل بحب بس خلي عطول مسافة أمان بينك وبين أي شخص

‏أين يذهب المرء إن تراكمت الأمور على قلبه؟

بعد رب العالمين روح لأكتر شخص انت واثق انه بحبك
1
Liked by: Nada e.abdelfattah

حتى تعبير مش عارف اعبر

شوف بدي احكيلك اشي.. يمكن انا ما بعرفك
بس واضح انك انسان واعي وفاهم وبتعرف شو بدك
ماشي ضايع بس بهمك توصل للصح وهاد أهم اشي
اهم طريقة لتحل مشكلة عندك انك تعترف فيها بالأول وهاد اشي انت واصله وفعلا بلشت تفكر بحلول وتجرب
معناته انت مش شخص سيء ولا ضايع ولا يائس
انت بني آدم عفكرة متلي متلك مرات بكون ضايعة مرات ما بعرف شو بدي مرات بقرب من ربنا مرات ببعد
هيك الإنسان الطبيعي ما تلوم حالك ولا تضغط عحالك وتحملها فوق طاقتها
حرام تعمل بقلبك هيك والله مو ناقصه
مشاكل الحياة وضغوطاتها لحالها بتكفي فلا تزيدها على نفسك وترهقها
رب العالمين عطول معك وعطول حيسامحك طول ما انت بترجعله
شوف مهما عملت او حتى حتعمل لا تقطع حبل الصلة اللي بينك وبين رب العالمين
ضلك صلي اعمل اي شي خير بنية منيحة بتقدر عليها
حاول استذكر رب العالمين عطول انه معك وادعي
بتعرف انا الي فترة عندي مشكلة معينة بحالي
وعطول مش عارفة او قادرة اسيطر عليها
الي فترة بستعين بربنا عحالي بدعي
يا رب قدرني اتجاوز هالمشكلة بدعي يارب اهديني
والحمد لله ربنا بعين والله
مش حضمنلك مثلا انك عطول تكون قوي وعطول تكون منيح
لا.. ربنا خلقنا مشان نغلط ونرجعله مشان نبعد ونرجع نقربله
وربنا ما بييأس منك ولا بسكر بابه بوجهك أبدا الا اذا بطلت تدق بابه
لا يمل حتى تملوا
مهما صار اوعك تفقد الأمل بربنا
توثقش باشي بحياتك قد ما توثق بربنا
واحكيلك اصلا عارفه من جواتي انها فترة صعبة بتمر عليك وحتتجاوزها وحترجع احسن من قبل
حاسة فيك والله وفاهمة شو بدك تحكي وحتى الحكي اللي مستحي او خايف تحكيه بعرفه وجربته ومريت فيه.
بالنسبة للخوف اللي جواتك.. من شو خايف بالزبط من اللي جاي ولا بس شعور خوف بضل معك؟
انا من فترة كنت اضل حاسة حالي خايفة زي اللي مستني اشي هوه مش عارف شو هوه بس هيك قلبي مقبوض خايفة اضل لحالي خايفة انام خايفة اعمل اي اشي زي شعور الخوف اللي بتحسه بس تدخل عبلد جديدة مثلا وانت مش عارف فيها حدا او تدخل عجامعة بتعرفش فيها حدا ولا عارف شو حتعمل هيك خوف معبي قلبك وبس
بس الحمد لله بشوية تقريب من رب العالمين وشوية راحة واكلة زاكية راح كلشي

View more

1

#ترخيص_الأبنية_في_القدس بتعرف أنه ممكن توصل كلفة ترخيص البناء في القدس إلى أكثر من 60 ألف دولار؟! 🤔 ----------- الإجابة : https://ask.fm/qudsinfo/answers/165908085481?utm_source=copy_link&utm_medium=android #معلومة_مقدسية #لنكون_منها_أقرب #فلسطين #القدس #القدس_لنا

qudsinfo’s Profile Photoqudsinfo
الله يجزيكم الخير يا رب ما قصرتو 🙏♥️
1
Liked by: qudsinfo

انا ما ببرئ حالي و بقلك انا منهم في نظر أشخاص آخرين و ليش كلنا؟ لانه بشر

مهوه ليش البشر لازم يكونو مؤذيين هالقد؟
حتى لو ما أذيت حدا ما بتسلم من الأذى
+2 answers in: “اديش إحنا منافقين و كذابين كلنا بنعمل حالنا مناح بس كلنا من جوا سيئين و ما عم نطلع المنيح الا للي بدنا اياه و الي بعاملنا منيح ما بنطلعله الا أقذر جانب فينا..”

اديش إحنا منافقين و كذابين كلنا بنعمل حالنا مناح بس كلنا من جوا سيئين و ما عم نطلع المنيح الا للي بدنا اياه و الي بعاملنا منيح ما بنطلعله الا أقذر جانب فينا..

مش صحيح
كل إنسان بعبر عن اللي جواه وكل إنسان مسؤول عن تصرفاته ومشاعره وحتى الناس اللي بيختارهم حوليه
اذا اللي حوليك منافقين وكذابين مش معناته انه الكل سيء
وترا ممكن اللي حوليك كمان مش بالسوء هاد اللي انت شايفه بس انت اخترت تشوف هيك
فش خير مطلق ولا شر مطلق
احنا بشر فينا الخير والشر سوا
انت بتختار
+2 answers Read more

لماذا المرأة تتأثر بالفراق أكثر من الرجل؟

Al3nodmoh’s Profile Photoالعنود
مين قال؟
الاتنين بيتأثرو بس الفرق انه البنت بتعبر.. بتبكي.. بتقدر تزعل
الشب بمجتمعاتنا عيب يزعل عيب يبكي عيب يعبر يمكن كمان عيب يحب

Next

Language: English

4.1

1,266,418 reviews
© Ask.fm 2024