Wish I could

-

‏"إللي بمسك إيدك وانت تايه وضايع، شيله بعيونك لمّا توصل وتصير"

---

اقرأ هاي الجملة مرّة ومرتين وخمسة وعشرة، وضلك عيد فيها لحتى تحفظها منيح ..

---

الناس إللي بتوقّف معك بوقت ضيقتك، وبالوقت إللي بتكون فيه ضايع وما بدهم منك اشي غير تكون واقف على رجليك، بحياتك لا تنساهم!

---

هذول همّه إللي تقبّلوك بمُرّك قبل حلوَك، هذول همّه ناسك، هذول همّه طينتك وحتى لو قسو عليك بقراراتهم ..

---

على قولة أُمي؛ "اتبع مبكّيك ولا تتبع مضحكك."

---

ف بكرة لمّا توصل دير بالك تكون قليل أصل وتنساهم، لإنه بكُل بساطة؛ ربنا رح يخليك تنسى حالك.❤️