ليس الشيطان بمخلوق شرير أحمر بشع له ذيل و قرون!
الشيطان قد يكون جميلاً .. و قد يكون إنساناً.. و قد يقع في حب ملاك .. لأنه في يوم ما كان ملاكاً .. و قد يأتي الحب صدفة في ليلة عابرة .. و يمكن أن يكون الحب من أول نظرة حب حقيقي ..

Liked by: Noor AlDen Khataybeh

Space🌟

April 30, 2019

عرض حالة..
يا ريت الناس الحلوين.. اللي عارفين إنهم حلوين.. وإنا بنحبهم.. يبطلوا مشغولين.. أو يحكوا لنا متى هم بكونوا مشغولين.. لأنه أكيد في بحياتنا شغلات أهم من إنا نسنتاهم.. زي إنا نتفرج على صورهم مثلا .. أو نقرأ محادثاتهم القديمة.. أو نستحضر ضحكاتهم اللي بتفرحنا... هاي أنشطة كثير بتوخذ وقت.. كمان احنا عارفين إنه عندهم أهل وأحباب.. وبقعدوا معهم مرات.. بس يعني هاي مش مشكلتنا.. إحنا ملناش دخل بالموضوع هذا.. ومش عارفين نقعد بصراحة..

كمان.. يا ريت الناس اللي ساكنين جنبهم.. وبشوفوهم كل يوم.. أو حتى الأواعي اللي بلبسوهم.. والمعالق اللي بوكلوا فيهم.. إنهم يحمدوا ربنا على النعمة هاي... لأنه غيرهم مش محصلها.. وبالشكر تدوم النعم.. ويا ريت الشتا يلتزم بمهمته اللي انخلق عشانها.. وهي سقاية الزرع... ويبطل يذكرنا فيهم على الطالعة والنازلة.. لأنه الشتا مش مرسال غرام.. وهاي مش شغلته.. فخليه بشغله أحسن.. كمان الواحد قلبه مش متحمل يعني .. يقعد مع كل شتوة.. يتذكر مشاوير وخطاوي وحكاوي وضحكات وكلمات.. ولا سنّه ولا لياقته بسمحوا بهذا الكلام..

كمان يا ريت.. إذا ممكن.. الناس هاي.. في حياة ثانية.. ما تكون عيونهم حلوة هلقد.. ولا شعرهم مموج هلقد.. ولا عطرهم حلو هلقد.. ولا روحهم خفيفة هلقد.. ولا يحكوا الشي اللي بنتمنى نسمعه.. ولا تكون حتى سخافاتهم حلوة.. يكونوا بشر عاديين زينا.. والأحسن إنهم ما يدخلوا حياتنا فجأة ويكركبوها هيك.. لأنه كنا بألف خير قبل ما يسرقونا من حالنا.. وكان عنا صحاب وأهل وهوايات نمارسها وكتب نقرأها وقرايب يزورونا ونزورهم.. وكانت الدنيا ماشية يعني..

وبالختام.. بنطلب منهم ما يبعتوا طيفهم عند كل قصيدة بنقرأها أو أغنية بنسمعها.. خلينا نعرف نستمتع بالفنّ الإنساني بحيادية وبدون تنهيدات .. و على ذكر الأغاني .. بنطلب من الست فيروز الله يطول بعمرها .. تشوف لنا حل غير "لا قدرانة فل ولا قدرانة أبقى" لأنه مش حل .. و شكراً ..

Liked by: Noor AlDen Khataybeh

space💜

Ayah jaradat

April 17, 2019

لا أعلم إن كان هذا شيئاً جيداً أم سيئاً.. لكنني بعد أن أحببتك لم يعد لدي دافع لأن أكون لطيفاً مع أحد.. أو أن أتودد لأحد، أو يعنيني رأي أحد.. هنالك أنت.. ثم لا أحد..

Liked by: Noor AlDen Khataybeh Ayah jaradat