ومجتمع زي مجتمعنا يبان للبراني إنه مجتمع فضيل لكن في حقيقة الأمر عندنا العيب أكثر قداسة من الحرام
وأكيد ضرب الأخوات أمر مش مقبول وحتى استغربت لأني مانحسابش إنها موجودة في بعض المناطق
والشيء هدا يعرض المعفات لفتن كونها طبيعي لما ماتلقاش احتواء من الأب ولا من الأخ ومش لاقية سند ادور عليه برا
ربي يصلح الحال و يصلح العباد و يتغير كل شي للأحسن 🙏🏻 ما دام ربي موجود كل شي ممكن و الشئ هذا حتي في مجتمعات قريبة مننا مش نحنا بس لكن الفرق نحنا أكثر من غيرنا و ثقافة العيب أكثر من الحرام ماشيين بيها
صح مع الأسف
هليتيني نركز على الجانب المُظلم في المجتمع ونتفكر فيه
ربي يصلح العباد يقال إنه بلد المليون حافظ للقرآن لو عندنا 2 مليون بس يعملو بيه بدون حفظ راه الحال اختلف
وربي يكون في عون كل المنعنفات ويصبرهم ويتثبتهم ويجزيهم الحسنى
ماليهاش حل إلا تكسب حليف في الحوش بوها أو حد من خوتها يدافع عليها
جداً ياريتنا نتعاملو بأخلاق القرآن في كل شي و الدين دين معاملة ياريت نعاملو كل حد زي ما ربي أمرنا ره الحياة كانت أفضل و الدنيا كانت هتكون بخير ديمة المرأة عندنا ظلع مكسور إلا اللي يكون سندها أب أو أخ أو زوج غير هكِ يتمارس العنف تجاهها و هي ما ليهاش حق تتذمر أو تقول لا لأن اكيدة الغلط هيكون فيها و هيقولو روايات في حقها ! و هتطلع مش محترمة و أن هو هكِ يأدب فيها أو دايرة شي غلط و ليس حرام
مزبوط
وأعتقد إن الظلم الأكبر للنساء هو إن في بعض المناطق يبطلو في بناتهم من الدراسة بكري وقبل مايكملو بحجة إن ماعندهاش شن بدير بالشهادة المهم تقرأ وتكتب وفي النهاية مرجوعها لحوش راجلها وهكي
الشيء هدا بجد مجحف ومش مقبول وشكله مزال مطول
فعلاً و انت هكِ تكون أختصرت كل الصفات اللي نكرهن في مجتمعنا من كثر ما هو فيه ظلم و ماشيين بسياسة العيب بعيداً عن الحرام و خوفاً من كلام الخلق و ليس الخالق تستر بمعني الكلمة و من تحت لِ تحت و نبانو لِ اللي برا ان نحنا مجتمع سامي و محافظ و هو العكس تماماً بديت نخاف من مجتمعنا و من تفكيره و بالنسبة للضرب لو أنا ما نعرفش ناس هكِ يصير معاها ره قلت مستحيل المرأة قاعدين يطبقو عليها في أقصي درجات العنف و التنمر بحكم ان هي مخلوق أضعف منهم و مش هتقدر ترد أو تتكلم لأن الحق هيكون عليها هي و هي الغالطة
صح شريعة الله وسنة رسوله واضحة ومش قابلة لتأويلات غلط الشيء هدا يأكدلي إن مشكلة مجتمعنا أخلاقية مع الأسف الأخلاق في انحطاط مستمر وكل ما كبر جيل من الصغار زادت رقعة انتشار مكاره الأخلاق إلا من رحم ربي طبعا
الشيء إلي يخليني نسأل نفسي ليش؟ إذا بالإجابة نلقاها في غياب الوعظ والتوجيه والبعد عن الدين
واضح إن حتى أنا مش جنتل ومنفتح لأن عندي مشكلة مع وحدة من الأسرة تسوق والسبب تعرفيه وهو إني مانرضاش تنحط في مواقف وتتعرض للحاجات إلي قلتيهن
والحق معاك صعب تقدري تغيري طريقة تفكير مجتمع بحاله فالوحد يضطر يحد من حريته لكن احتراما وغيرة على نفسه مش رضوخ للآخرين زي ماقلتي
ما هو لما بتجي تفكر فيها أن ربي خالقنا كلنا زي بعض و مفيش حد له حق أكثر من الآخر في الحياة يعني زي ما علينا زي ما لنا و كلنا واحدالا الفروق اللي في الدين لو كلنا نمشو بمبدأ نخلو كل حد في حاله هيتحسن مجتمعنا واجد و مثال ثاني تحكم الخوت في خواتهن برضا الوالدين لدرجة توصل للضرب حتي ! حتي هذا واحد من صفات و عادات مجتمعنا
فيه أمثلة واجد للعادات الظالمة أقل حاجة بالنسبة لنا نحنا كـ نساء يعني و أنت عارف معاملة مجتمعنا لهن كيف أما بالنسبة للدين هذا شي مستحيل نفتي فيه أو نقول أي حاجة فيه لأن ربي عادل و مش هيظلمنا فيه لكن نحنا أبسط حق وقت وحدة تسوق شوف كمية المسبات و الكلام اللي هي تحصله ، ثاني شئ ثاني لازم ترضي المجتمع و ترضخ للشئ هذا ، ك شكل و أسلوب و حاجات زي هكُ بعني 😅