الأزهر بيعلم عقيدة أصلا؟

April 25, 2020

إيه مفهومك للعقيدة؟

+5 answers in: “هل انتي شايفه ان الدين اللي اتعلمتيه في الازهر واللي زودتي عليه يخليكي قادره انك تربي ابنائك عليه بعد كده ويطلعو مسلمين بجد ؟ فاهماني قصدي ايه ؟ او يعني انتي حابه حياتك تكون ازاي لما تخلفي و هل شايفه دلوقت انك تقدري تحققيه ولا لا ؟”

هل انتي شايفه ان الدين اللي اتعلمتيه في الازهر واللي زودتي عليه يخليكي قادره انك تربي ابنائك عليه بعد كده ويطلعو مسلمين بجد ؟ فاهماني قصدي ايه ؟ او يعني انتي حابه حياتك تكون ازاي لما تخلفي و هل شايفه دلوقت انك تقدري تحققيه ولا لا ؟

April 24, 2020

المعرفة وحدها مش كافية عشان تهذبك أنت شخصيًّا وتروضك..
أول حاجة التربية ليها أسس كتيرة ومهمة، من أهمها: إنك تكون صورة للي حابب أبناءك يكونوا عليه في المستقبل، لما تعرف تهذب نفسك وتطبق اللي بتتعلمه ساعتها هتكون قادر تربي أبناءك كويس، مش بمجرد التلقين الشفهي، ولكن بالممارسة اللي هتأثر فيهم بشكل أكبر.
فقبل ما أفكر إزاي أربي أبنائي صح من خلال العلم اللي بتعلمه، لازم أركز على إني أخلي العلم اللي بتعلمه يأثر فيَّ ويحسِّن مني أولًا، بعد كدا من خلال الممارسة والتطبيق ممكن أطلع نشء كويس.
العلم الشرعي مهم، ولازم تكون على الأقل ملم بأبسط أساسيات العقيدة، عشان تعلمها أبناءك بصورة صحيحة، وأظن الأزهر بيركز على الأساسيات، فدا شيء كويس وبمثابة خطوة أولى.
التربية حاجة صعبة جدًّا حقيقةً مش هينة، وبعجب للي بيستعجل عليها بعد الجواز على طول، كأن أقصى هدفه الإنجاب مش اللي بعد الإنجاب، لما بفكر فيه من دلوقتي مش هبالغ لما هقول بترعب!
لأن التربية الصحيحة شيء مهم وبقدر أهميتها هي صعبة، فلازم تحطها في دماغك على أنها حاجة من الأولويات اللي لازم تمسك لها ورقة وقلم وتبدأ تتعلم لها من الألف للياء.
ما أظنش إني ممكن أوصل في حياتي لفكرة إني مؤهلة تمامًا لفعل أي شيء مش التربية بس، لازم يفضل عندي تشكك، والتشكك ده هو اللي بيخليني أنجح، والاطمئنان التام خدعة بتهلك صاحبها.

Liked by: مَهدي

+5 answers Read more

لي تجربة لطيفة مع الغضب. جت علي فترة كان سهل جدا أستشيط غضبا إلى حد يكاد يصل للجنون، ولكني ولله الحمد فطنت لأن ده أقل وصف ليه شيء مأساوي، وبفضل الله أدركت أسبابه وبدأت أتجنبها+إني كل ما ألاقيني على مشارف الجنون ده أجبر نفسي على الهدوء، وبتعدي الحمد لله. قلت أشاركك تجربتي باختصار يمكن يفيدك منها شيء.

April 24, 2020

بتتكلم شبهي. 😅
حسيت كأني أنا اللي كاتبة الكلام ده. 😅
عمومًا أشكركم شكرًا جزيلًا، أنا بحاول مع نفسي قدر المستطاع في موضوع العصبية، وإن شاء الله نتخلص منها. :)
دعواتكم، وكل سنة وأنتم طيبين.

- هل تمشي سعياً أم هرباً؟

April 24, 2020

سعيًا لله
هربًا ممَّن دونه.

Liked by: ـ ـ ـ عَابِرٌ.

مضبوط. 🙂 كنت سأكتفي بتوكيدك تمام الإدراك، ولكن لا بأس من التفصيل.

April 24, 2020

:)

+3 answers in: “بجانب الصفات الأساسية زي التدين وحسن الخلق، أيه الصفات اللي أنتِ شخصياً تحبي أنها تكون موجودة في شريك حياتك؟”

عارفه الفصل مش لك في أنك تبقي كده الفضل لوالديك أنهم أحسنوا تربيتك اللهم بارك في عمرهما و احفظهم

April 24, 2020

ربنا يجازيهم خير ولهم عليَّ فضل علشان صرفوا عليَّ وقدموا لي ماديَّات، لكن الفضل في ما أشرت إليه لله ثم دروس الدنيا ونفسي.

Liked by: نهلة.

سؤال بس و النبي بالله عليك جاوبي هو انتي بتكتبي الكلام ده ازاي انت بتفكري في الكلام الأول و بتنتقي الألفاظ و العبارات و كده أقسم بالله بحس في كلامك أنك حكيمه و أكبر من سنك بكتير اللهم بارك طبعا مش بجسد والله بس مستغرب و مندهش جدا جدا !!!!!!

April 24, 2020

بكتب بعفويَّة.
طريقتي كدا. 😅

Liked by: نهلة.

اول حاجة هتعملها/هتعمليها لو كنت/ي وزير/ة التربية و التعليم؟

April 24, 2020

مش عايزة أكون وزيرة تربية وتعليم.

Liked by: نهلة.

ده اللي كان في بالك وقتها يعني؟ عشان لعلك مدركة إن مفهوم القوامة أوسع بكتير من ده كمان.

April 24, 2020

وإن يكن؟
فلتكن له القوامة بمعناها المطلق كمان!
دا شيء يرفعني ماينقصنيش.
هوضح بس قصدي من الإجابة السابقة، الأصل في الرجل إنه صلب متَّزن العاطفة بيشيل المسؤولية وبيقدر عليها! عكس كدا بنعتبره غير مؤهل بعد إنه يفتح بيت ويكون رب أسرة، بالتالي بتحس إن جزء مهم من رجولته ناقص، الصفات ديه بتجعل الزوج قائدًا مهابًا في بيته، قادر على السيطرة والتأثير والتوجيه والتحكم، علشان كدا لو زوج ضعيف الشخصية وغير مؤثر مش هتكون له قوامة في بيته على زوجته!
دا بعيدًا عن الصفات الخِلقية للرجل اللي أصلًا بتفرض له قوامة من غير حاجة، أنا أقصدها بالصورة المعنوية، واللي هي أهم بالمناسبة.
فكوني أشرت للجزئية ديه في إجابتي السابقة فدا اختصارًا لمجموعة صفات أحب تكون متوافرة فيه عشان يرضيني.
كلها ممكن نختزلها في كلمة "قوامة".

+3 answers in: “بجانب الصفات الأساسية زي التدين وحسن الخلق، أيه الصفات اللي أنتِ شخصياً تحبي أنها تكون موجودة في شريك حياتك؟”

معلش حاجة استشكلت علي هنا 😅 قصدك القوامة في المطلق ولا حاجة معينة كانت في بالك وقت الإجابة؟ أنا غير السائل/ة

April 24, 2020

قائد، مؤثر، شخصيته قوية.
بعيدًا عن الشغل والنفقة. 😅

Liked by: نهلة.

+3 answers in: “بجانب الصفات الأساسية زي التدين وحسن الخلق، أيه الصفات اللي أنتِ شخصياً تحبي أنها تكون موجودة في شريك حياتك؟”

متى يصل الإنسان إلى الحرية ؟

نـُـــور ||

April 23, 2020

من وجهة نظري: عندما يتخلص من هوسه بآراء الناس وأفكارهم تجاهه.

Liked by: نهلة. نَجم . نـُـــور ||

رَمضانك أنتِ والأهل والأحباب مُبارك يا لَيلى. 😅

April 23, 2020

الله يبارك فيكم ويزيدكم!
كل سنة وأنتم طيبين.

+5 answers in: “كل ما بقرأ أسمك بقول قبله: بغيرِ خُطاكِ يا ليلى 😅”

عاوزه أسألك علي حاجه ممكن انت بتسجلي القرآن بصوتك

April 23, 2020

ناس اقترحت عليَّ الفكرة بس أنا مش شايفة نفسي أهل لكدا.
بسجل كام آية ساعات.

اسلوبك في الرد و طريقة التعبير حلوه جدا جدا و إختيار الألفاظ اللهم بارك

April 23, 2020

❤️

هل ندمت على شيء ما؟

April 23, 2020

نعم.

غير السائلين.. لو فرضنا حد بدا عليه فعلا إنه جاد في أخذ خطوة في الطريق ده من خلال هنا أو الفيس، هل ممكن تغامري وتشوفي؟ على اعتبار مشروعية الطلب وسلامة الوسيلة.

April 23, 2020

رقم واحد: أنا بتعامل على السوشيال بعبثية مفرطة، بشكل أوضح: بعتبرها منفذ للطاقة السلبية بعيدًا عن حياتي الواقعية، ومن هذا الاعتبار فنسبة تقديري لمعظم الأمور هنا ضئيلة شوية، فلو فرضًا حصل كدا هكون غير مكترثة وهعتبر الموضوع لا يتعدى كونه رسالة على الفيس أو سؤال من مجهول على الآسك!
ولو صاحب الطلب جاد ربما ألحظ ده في كلامه، هيكون مركز على هدف معين مابيلفش ولا يدور، وبيتهيأ لي هعرف نواياه بسرعة.
عمومًا يعني كل شيء وارد.

Liked by: نهلة. عاصم ختعن

+3 answers in: “انا دكتور ٣٢ سنة تقبلي تبقي زوجة ليا اذا في زوجة أولى.. طبعا مش هقدر أتكلم كتير هنا عن سبب اعجابي بيكي وكدة بس حبيت أسألك الأول علي المبدأ نفسه ..”

نصيحة من أخ: تبسط بعض الرجال في رسائلهم هنا أمر غير لطيف، يستحسن -من واقع ما شهدتُ في مواقف أخرى- أن تقطعي هذا السبيل مبكرًا، مع كفالة حسن الظن بك وبهم. أرجو أن تقبليها نصيحة، واغفري إن بدت منها إساءة.

April 23, 2020

أشكركم.

_⁦🌷

هَدِيرَة

April 22, 2020

مع كلِّ زفرةٍ تخرج في سجودي،
أشعرُ بثقلٍ في روحي يخفُّ تدريجيًّا
فأطيل السجود بينما أتنفس بقوة، فتنفض نفسي غبارها، ثم أقومُ كأني لم أحمل من عناء الدنيا شيئًا!
ثم إذا اعتدلتُ قائمةً، شعرتُ بالدنيا تلقي حملها كله على كتفي لتقعدني، وإذا بي أتحمل وأتماسك، بجسمٍ صلبٍ وقلبٍ رقيقٍ لا يقوى عليها، فإذا سجدتُ رمت عني أثقالها، وهكذا أعاودُ الكرةَ مرةً بعد مرة!
لا أدري كيف تطرقتُ للحديث عن الصلاة وأنا في الأصل أود الكلام عن مدى شوقي إلى ضمةٍ طويلةٍ جدًّا من صديقة!
ربَّما يقيني بأن الإحساس الذي قد أجنيه من ضمةٍ صادقةٍ يشبه إحساس السجود بين يديّ الله!
وأنا أحبه، وأصدق بوجوده، وأعلم أنه معي، لكني والله- ومع الأسف أفتقدُ صديقةً، وضمَّة!

Liked by: عَابِرٌ.

حق طبعاً بس الفكرة إنك مش متابعة بس 😅 السؤال دا والكام سؤال اللي فاتو زيه بقالهم ٥ ايام بيلفوا على حسابات البنات اللي ظاهرهم التدين على الأسك.. بنفس الصيغة والحرف.. غالباً كام عيل عندهم ١٥ ١٦ سنة وقاعدين فاضيين 😂😂

April 22, 2020

😂
ربنا يصلح الحال.

+3 answers in: “انا دكتور ٣٢ سنة تقبلي تبقي زوجة ليا اذا في زوجة أولى.. طبعا مش هقدر أتكلم كتير هنا عن سبب اعجابي بيكي وكدة بس حبيت أسألك الأول علي المبدأ نفسه ..”

نصيحة من محبة، نزهي نفسك عن الإجابة عن مثل هذه الاشتغالات ^_^

April 22, 2020

جميلة النصيحة! ❤️
بحب الناس العاقلة أنا.
بحس إني طالما جاني سؤال أملكُ عليه إجابة إني لازم أرد.

Liked by: نهلة.

+3 answers in: “انا دكتور ٣٢ سنة تقبلي تبقي زوجة ليا اذا في زوجة أولى.. طبعا مش هقدر أتكلم كتير هنا عن سبب اعجابي بيكي وكدة بس حبيت أسألك الأول علي المبدأ نفسه ..”

انا دكتور ٣٢ سنة تقبلي تبقي زوجة ليا اذا في زوجة أولى.. طبعا مش هقدر أتكلم كتير هنا عن سبب اعجابي بيكي وكدة بس حبيت أسألك الأول علي المبدأ نفسه ..

April 22, 2020

مرفوض، معذرة!
أهلًا بكم. :)

+3 answers Read more

-؛

April 22, 2020

لا تتعجل القدر ولا تختط لله خطة المستقبل ولا تغذ النسيان بأفكارك حين تفكر في البعيد، فإنك في حاجة إليها، واعلم أن الآلة التي تدير هذا العالم إنما تدار من فوق حيث لا تصل إليها اليد التي تحاول أن توقفها أو تبطئ من حركتها أو تزيد فيها، يد المجنون الذي يصيد النجوم بالشبكة حين تنبعث أخيلتها في الماء الصافي..
وكن إنسانًا لا أكثر، فإنك تحاول أن تصير إلهًا فتصير شيطاناً؛ واجعل من فقرك ومصائبك وأحزانك سمادًا لهذه الزهرة الناضرة، زهرة الروح الحية، فإنها تغتذي بكل ذلك وتحيله إلى نضرة وجمال وعطر يتارّج؛ وأضئ نفسك، فإن حولك ضیاءً يغمرك من لدن تفتح عينيك إلى أن تنام؛ ولا تكن كالسفعة في وجه الشمس، ولا كالغبار في النسمات، ولا کالریح الخبيثة في أريج الأزهار، وإن عرض لك شرٌّ أو طمع أو شیطان فاجعل السماء بينك وبينه فإن في باطنك قطعة منها؛ وترفق بصبرك لا تجهده، وبدمعك لا تفنه، فإنهما الزاد والماء لمن يقطع هذه المفازة المهلكة من الدنيا سالمًا ولا يريد أن يأكل من جيفها أو يكون فيها جيفة تؤكل، ولا تُراءِ الناس في شيء فإنك تفقد نفسك بينهم ولا تحصل عليهم إلا ظلالًا وخیالات؛ ولعمري ماذا ينفعك أن تمشي وراء الملك لتقيس خطواته؟

Liked by: عَابِرٌ.

؛

أُسامة مسلّم

April 22, 2020

والحقيقة محدودة دائمًا بذاتها، ولكن الوهم قبَّحه الله! هل رأيتَ رجلًا ينظر بعيني رأسِه إلى شرفٍ مرتفعٍ فيلمحُ فيه رأس رجلٍ قد أطلَّ ثم يحسبُ ضلةً أن هذا الرأس قد انخلع من مغرزِ العنق فارتفع حيث يلوحُ وترك جثته متخلِّفة على الأرض؟
إنك لا تجدُ هذا الرجل ولا بين المجانين، ولكنك تجدُ عالَمًا بين الفقراء كله ذلك الرجل متى التبس الأمرُ قليلًا وصار الارتفاعُ في طبقات الغنى دون طبقاتٍ الهواء، لأن الفقيرَ ينظرُ إلى الغنيِّ بإرادتِهِ لا بعينه، فإذا كانت إرادتن في الغنيِّ لا حدَّ لها فهو لا يرى حدًّا للغني بل قد يراه من الارتفاع والسموّ في مكانٍ لو قذفه منه بكلمةِ سخطٍ لقتله!
....................
تشبيه مدهش!

Liked by: عَابِرٌ.

-

عَابِرٌ.

April 22, 2020

فدعني أيُّها القمرُ أحمل بقايا عمري، إني كلما قطعتُ مرحلةً في سبيل الحياة وضعتُ عندها أحمالي وعدتُ أدراجي لأجمعَ ما يكونُ قد تناثرَ منِّي، فأقطعُ كلَّ مرحلةٍ ثلاث مرَّات؛ أما إحداها فأكونُ فيها كالشيخ الفاني يدلفُ مثقلًا بأيَّامه، وأما الثانية فأمضي فيها خفيفًا لا أحملُ إلا النوم في أجفاني، وأما الأخرى فأعودُ منها بأثارةٍ من الأحلام تخفُّ على نفسي لولا ما يُخالطُها من ثقلِ الفكر في قطعِ مرحلة النهار الجديد

Liked by: منار ^^ عَابِرٌ.

كل سنة وأنتِ طيبة يا ست ليلى ، رمضان مبارك عليك ربنا يجعلك من عتقاء الشهر 💙

مَريمَ إِإبراهيم -مَريمة

April 22, 2020

الله يكرمك ويرفع قدرك
اذكريني في دعائك هذا الشهر، ربنا يجعله شهر كريم عليكم وأحبابكم.

ليلــىٰ.

Nothing here yet