انا لبسي كله واسع ومش بحط ميك اب بس بنات العيلة اللي من سني طبعا علي الموضة وبيحطوا الميك اب وبيقلولي أنت طول ما انت كدا حد هيبصلك دا احنا حتي مشفناش واحد خبط علي بيتكم ، أنا مش عايزة اغير من مبادئ وانا حابة نفسي كدا بس كلامها بيأذيني وانا مبقتش عارفة من فينا اللي صح ؟ وفعلا الأغلب بيمدح ف جمالهم

April 20, 2023

الدنيا قصيرة اعملي اللي يرضي ربنا وينفعك في الآخرة بإذن الله واتعاملي معاهم ومع موضوع العرسان على إنهم اختبار من ربنا هتثبتي على الطاعة ولا هتقعي والعياذ بالله
ادعي واصبري ودوري على صحبة صالحة تعينك وربنا يثبتك ويعينك ويرزقك بالزوج الصالح اللي يسعد قلبك والصحبة الصالحة اللي تفكرك دايما بالطاعة ويصرف عنك شر خلقه ♥️

عجبني ردودك فاديني نصيحتك لو سمحتي في واحد كان بيكلمني بقاله سنه والمفروض كان هيخطبني بعدها وبعدين انا حاسه بشعور غريب كأنه اتغير كأنه بيحاول يطفشني انا مش عارفه اعمل ايه ومش فاهمه حاجه هو ده ايه ؟!

April 20, 2023

يا رب تكوني بخير ♥️
بصي يا جميلة لو لسه محصلش حاجة رسمي ابعدي وفهميه إنه يا يجي يا يبعد وإن مفيش كلام تاني مع بعض ..
مينفعش التعليق ده عمرك ونفسك أغلى بكتيييير من إنك تضيعيهم في علاقة مالهاش مسمى شرعي حلال ترضي ربنا وتطمنك .. وخدي بالك من الذنوب ♥️
ربنا يرزقك بالزوج الصالح اللي يسعد قلبك ويبعد عنك شر خلقه ♥️.

هو الي قلبة موجوع يعمل اي

December 12, 2021

بعد الاستعانة بالله

يصبر ويحتسب إن الحزن اللي بيمر بيه يكون سبب في تكفير ذنوبه ورفع درجاته في الجنة

يصلي بخشوع

يقرا قرآن بتدبر

يواظب على أذكار الصباح والمساء والنوم

يكتر من الذكر عامة ( لا إله إلا الله/ الصلاة على الرسول صلى الله عليه وسلم / الاستغفار / لا حول ولا قوة إلا بالله العلي العظيم / سبحان الله وبحمده / ....)

يدعي ويحسن الظن بالله

يشغل وقته باللي ينفعه دينيا ودنيويا

ودي أدعية للمكروب من السُنة
https://www.islamweb.net/ar/fatwa/103409/

ربنا يفك كربك ويسعد قلبك ويقر عينك 🤍

انا كنت مخطوبه لواحد مراعيه ربنا فيه ورغم ده كان بيظلمني و مش امين علي اسراري ولا حتي عليا وعديتله مواقف كتير عشان باقيه عليه وف الاخر هو اللي سابني انا مقهوره و نفسي انتقم منه وهو عايش حياته عادي وحاسه انه جيه عليا كتير اعمل ايه عشان انتقم

November 02, 2021

لو هو زي ما بتقولي كده تزعلي ليه وتحاولي تنتقمي منه ليه دانتي المفروض تسجدي شكر لله إنه صرفه عنك وسبحان الله ربنا أرحم بيكي من نفسك أنتي مرحمتيش نفسك وكملتي مع حد بيأذيكي وربنا أرحم الراحمين رحمك منه . فالحمد لله
احمدي ربنا بجد وقولي "إنا لله وإنا إليه راجعون اللهم أجُرني في مصيبتي وأخلف لي خيرا منها "
واقري قصة سيدتنا أم سلمة مع الدعاء ده أنا بحبها أوي
https://dorar.net/hadith/sharh/20590

وبالنسباله هو يا إما تعفو عنه عشان تاخدي ثواب العفو بإذن الله يا إما تقولي حسبي الله ونعم الوكيل وأفوض أمري إلى الله إن الله بصير بالعباد .. ومتراقبيهوش ولا تحاولي تعرفي عنه حاجة اقفلي الصفحة دي من حياتك .

وعليكي بالصبر والصلاة والدعاء والقرآن والصلاة على الرسول صلى الله عليه وسلم والاستغفار والذكر و اهتمي بنفسك وبأهلك وصحابك و ساعدي الناس لوجه الله وفكري في حكمة ربنا من اللي حصل ده هتلاقي حاجات كتيرة أوي خير هتتعلميها وحاجات مش خير هتبعدي عنها بإذن الله..

ربنا يرزقك بالزوج الصالح الرحيم اللي يحبك ويرحمك ويسعد قلبك 💛

هو لو بنت حلوة بس محدش بيتقدملها و بدات تفقد ثقتها ف نفسها اعمل ايه علشان ارجعلها الثقة دي تاني

November 02, 2021

خليها تشغل دماغها بحاجة مفيدة ليها دينيا ودنيويا عشان طول ما هي فاضية الشيطان هيتسلى بيها حرفيا بوساوس دينية وأفكار سلبية عن نفسها وعن الناس لحد ما تكره نفسها والناس كلها .. كلميها عن الرضا بقضاء ربنا وإن ربنا جميل يحب الجمال وكل أفعاله سبحانه وتعالى جميله وصنعه جميل .. وقوليها تقرب من صحبة صالحة تشجعها على الرضا والأعمال الصالحة ..

عاوزه اموت

October 17, 2021

فعن أَبي هُرَيْرَةَ رضي الله عنه عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قال : ( لا يَتَمَنَّى أَحَدُكُمْ الْمَوْتَ , وَلا يَدْعُ بِهِ مِنْ قَبْلِ أَنْ يَأْتِيَهُ ، إِنَّهُ إِذَا مَاتَ أَحَدُكُمْ انْقَطَعَ عَمَلُهُ ، وَإِنَّهُ لا يَزِيدُ الْمُؤْمِنَ عُمْرُهُ إِلا خَيْرًا ) رواه مسلم (2682) .

فجمع بين النهي عن تمني الموت ، والنهي عن الدعاء به على النفس .

وعند البخاري (7235) بلفظ : ( لا يَتَمَنَّى أَحَدُكُمْ الْمَوْتَ ، إِمَّا مُحْسِنًا فَلَعَلَّهُ يَزْدَادُ ، وَإِمَّا مُسِيئًا فَلَعَلَّهُ يَسْتَعْتِبُ ) .

قَالَ النَّوَوِيّ : فِي الْحَدِيث التَّصْرِيح بِكَرَاهَةِ تَمَنِّي الْمَوْت لِضُرٍّ نَزَلَ بِهِ مِنْ فَاقَة ، أَوْ مِحْنَة بِعَدُوٍّ ، وَنَحْوه مِنْ مَشَاقّ الدُّنْيَا , فَأَمَّا إِذَا خَافَ ضَرَرًا أَوْ فِتْنَة فِي دِينه فَلا كَرَاهَة فِيهِ لِمَفْهُومِ هَذَا الْحَدِيث , وَقَدْ فَعَلَهُ خَلَائِق مِنْ السَّلَف .

وَقَوْله " يَسْتَعْتِبُ " أَيْ يَسْتَرْضِي اللَّه بِالإِقْلاعِ وَالاسْتِغْفَار .

فعَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ النَّبِيُّ صَلَّى اللَّهُ عَلَيْهِ وَسَلَّمَ : ( لا يَتَمَنَّيَنَّ أَحَدُكُمْ الْمَوْتَ مِنْ ضُرٍّ أَصَابَهُ , فَإِنْ كَانَ لا بُدَّ فَاعِلا فَلْيَقُلْ : اللَّهُمَّ أَحْيِنِي مَا كَانَتْ الْحَيَاةُ خَيْرًا لِي , وَتَوَفَّنِي إِذَا كَانَتْ الْوَفَاةُ خَيْرًا لِي ) متفق عليه .
والله أعلم

https://islamqa.info/ar/46592

انا عارفه ان انتحار حرام بس مش قادره اشيل فكره من دماغى ولا حتى عندى قدره انى انفذها الان جبانه اصلا بس انا محتاجه فكره دى تروح عن بالى انا بصلى وملتزمه الحمدلله بصلاه وبحاول اقرب من ربنا بس مش عارفه اعمل ايه تانى

October 17, 2021

ربنا يثبتك ويتقبل منك يا رب ♡
بصي اسمعي الحلقة دي هي صغيرة متقلقيش لباشمهندس فاضل سليمان وربنا يصرف عنك وساوس الشيطان وابقي طمنيني عليكي ♡
https://youtu.be/pKwxIjaYIbY

sara19930331’s Video 167769363553 pKwxIjaYIbY

عايزه اسم حد ع اليوتيوب يكون بيفسر القرآن، معلش يكون الشرح كويس ومؤثر علشان اتابع معاه؟

July 29, 2021

دكتور أحمد عبد المنعم وباشمنهدس فاضل سليمان الاتنين حلوين أوي وأسلوبهم مختلف عن بعض .. ربنا يجعلك من أهل القرآن ♡

+ 1 💬 message

read all

يعني ايه كلمة (حوقلوا) ؟؟؟؟؟؟؟!!♡♡

June 15, 2021

يعني تقول لا حول ولا قوة إلا بالله 🌼

ايشقى الإنسان بلين قلبه!؟

June 04, 2021

في مسند الإمام أحمد "حرم على النار كل هين لين سهل قريب من الناس" وصححه الألباني. والله أعلم
حتى لو شقي في الدنيا كفاية إنه هيحرم على النار بإذن الله ورحمته 🌼
تفاصيل الحديث :
https://www.dorar.net/hadith/sharh/117806

يارتني كنت حلوه كنت اتحبيت بجد 💔

June 04, 2021

صنع ربنا كله جميل وأنتي صنع ربنا فأكيد جميلة اللهم بارك ♥️
اصبري ومتتسرعيش ومتفتحيش قلبك لحد متعرفهوش عشان متتصدميش وادعي ربنا يرزقك بالزوج الصالح الرحيم اللي يحبك وتحبيه ♥️

بقاله تلت شهور مفيش اي تواصل خالص، من آخر مرة قايلين مش هنتكلم لحد ما يجي يتقدم بس حاليا مفيش حاجة واضحة حتى آخر مرة اتكلمنا فيها موضحش حاجة إن استناه ولا لا وساب الباب موارب لا منه نهي خالص ولا منه عمل رد فعل نهائي انسي الموضوع لأن هو كده نسي صح؟

June 04, 2021

ما شاء الله اللهم بارك خطوة حلوة ربنا يثبتكوا.. من ترك شيئا لله عوضه الله بخير منه ♥️
توبي واستغفري واقفلي الصفحة دي من حياتك ولو أي حد اتقدم سواء هو أو غيره صلي استخارة واستشيري وفكري إن شاء الله وربنا يرزقك بالزوج الصالح الرحيم اللي يسعد قلبك و يقر عينك اللهم آمين ♥️
و بالنسباله لو في حد وسيط بتثقي فيه وفي عقله خليه يتكلم معاه بصراحة ناوي يجي ولا خلاص كده ولو حسيتي برد مايع منه ابعتي مع الوسيط إن الحوار اتقفل وربنا يكرمه مع واحدة تانية..
أهم حاجة تثبتي على قرارك بإن مفيش كلام من غير حاجة رسمي ولو الموضوع هيتقفل خلاص حاولي تقفليه بطريقة متأذيش حد فيكوا..
ربنا يقدملك اللي فيه الخير ويصرف عنك شر خلقه ومكرهم ♥️

محتاجة الرد ضروري .. عايزة نصيحة لان مليش حد اعرف احكيله انا كنت مرتبطة بواحد م البلد بس سوشيال يعني لا في خروجات ولا هدايا ولا مكالمات خاالص اخرنا شات لمدة ٣ سنين هو سابني وخطب ودلوقتي متقدم ليا واحد تاني كويس هل اعرفه اني كنت مرتبطة ولا لا لاني خايفه يعرف بعدين

June 04, 2021

لأ يا جميلة متحكيش على حاجة خالص ولا ليه ولا لأي حد تاني واقفلي على الموضوع ده واقفلي الأكونت بتاعك واعملي أكونت جديد واستغفري وتوبي وابدأي صفحة جديدة ومتكلميش حد تاني بإذن الله ♥️
ربنا يتمملك على خير ويرزقك الزوج الصالح الرحيم اللي يسعد قلبك و يقر عينك اللهم آمين ♥️

‏- ماذا تقول لمن فقد الأمل في شيء؟

February 09, 2020

إن الله على كل شيء قدير 🌷

اكمل ولا اوقفف ؟

December 09, 2019

استخيري
و نفذي رسايل ربنا من غير تفكير أو عناد حتى لو كانت عكس هواكي و ادعي ربنا يعينك في الحالتين..

دلوقتي انا دخلت كليه الهندسة وحاسس انها صعبه ومش هكمل فيها وعاوز أحول ممكن نصيحه

November 02, 2019

نفس الإحساس ده حسيته أول سنة و بذات أول ترم في كليتي و كنت عايزة احول من أول شهر بس كملت و اتخرجت ووحشاني الكلية أوي دلوقتي .. مش لازم ده يحصل معاك إنت كمان وممكن الخير ليك يكون في كلية تانية الله أعلم عشان كده استخير ربنا و ادعي كتير إنت متعرفيش الخير ليك فين في هندسة ولا في كلية تانية و من هنا لحد ما ربنا يفتح عليك و تستقر على قرار ذاكر و اسعى على اد ما تقدر متخليش السنة تروح ع الفاضي أعمل إللي عليك لحد الأخر .. ربنا يوفقك

٨ ههههههههه يعنى انا متخفيه و جايه بحاول اكتبلك من غير ما حد ياخد باله تفضحى نفسك و تفضحينى كده يا سو 😂😂😂 حياتى 💜

September 13, 2019

اومال اتشبه يعني 😂😂

+1 answer in: “انتى جميله جدا و روحك حلوة اوووى و بحبك بس مش عارف اقولهالك ازاى تفتكرى اقولك بحبك ازاى ؟ او اوصلهالك ازاى و لو قولتها خايف ملقيش رد مناسب منك اتحرج 💔”

انتى جميله جدا و روحك حلوة اوووى و بحبك بس مش عارف اقولهالك ازاى تفتكرى اقولك بحبك ازاى ؟ او اوصلهالك ازاى و لو قولتها خايف ملقيش رد مناسب منك اتحرج 💔

September 13, 2019

وأنا كمان بحبك أوووي 😘
بس أخرة الحب ده أيه 🤔
هتشبهيني يا دودو 😂

Liked by: Dina Ahmed

+1 answer Read more

ولد وبنت اتعرفوا والولد محترم وصالح والناس بتحبه وهو بيحب البنت جدا وهي بدأت تحبه بس مش اوي زيه ، الولد اتقدم لها بعد شهرين ماعرفها عشان يبقى في الحلال وهي قابلاه واتعلقت بيه لكن محبتهوش اكتر ما بيحبها هي عادي شايفاه كويس ومحترم ولطيف وحنين بس محبتهوووش لدرجة تقول مش عاوزة حد غيره ! ايه الحل ؟

July 21, 2019

ماهو مفيش مشكلة عشان ندورلها على حل...
قلوبنا بأيد ربنا مينفعش نضغط على حد عشان يحب حد و يحبه كمان بدرجة معينة إحنا عايزينها أو نضغط على حد عشان يكره حد...
ثانيا عمليا الخطوبة اتعملت للتعارف مش للحب ( عشان نعرف بعض و نشوف إحنا مناسبين لبعض ولا لا و نتعامل إزاي مع بعض و هكذا ).. و فعلا فكرة الحب أو بمعنى أدق التعلق المبالغ فيه في الخطوبة ده مرهق جدا افرض محصلش نصيب نوجع نفسنا؟..
ثالثا ممكن يكون إللي هو فيه ده مش حب ده انبهار البدايات أو انجذاب جامد .. الحب بيظهر فعلا في المواقف الجد و وقت التعب و المشاكل و الخنقة ولما نكون مضغوطين من المسؤولية ( عشان كده الحب الحقيقي بيظهر اوي بعد الجواز إللي هو ذروة المسؤولية) ....
الملخص اصبروا و سيبوا الدنيا تمشي زي ماهي بس أهم حاجة آلأتنين يفضلوا يستخيروا ربنا لحد قبل كتب الكتاب ب ٣ دقايق ....
ربنا يقدم لهم إللي فيه الخير 🌼🌼