الواحد ندمان ع أي وقت ضيعه في المذاكره. ندمانه إني سبت قعده حلوه ع اذاكر، ندمانه إني سبت خروجه حلوه ع اذاكر،ندمانه إني مبحضرش افراح ع المذاكره، حتي فرح صحبتي مروحتش ع مذاكره و امتحانات، ندمانه إني قللت نومي و أرهقت نفسي و خسيت و جيت ع صحتي ونفسي عشان حاجه سخيفه في بلد أسخف إسمها مذاكره .. ندمانه علي كل زياره سبتها، علي جسمي اللي محتاج ينام وبعاند فيه، ندمانه علي كل حاجه والله، كنت فاكره ده آخره الثانويه و للاسف طلع ألعن ف الكليه و فوق كل ده مفيش دكاتره بتراعي ولا بتحس ب كم المواد اللي علينا و إننا لسه طالعين من ثانويه وصدمه و تعب والله ما هيعافيه سنين كتير لقدام، ليه يعملوا كده و يجيبوا إمتحانات تسقطنا و تبين قد إيه إحنا عاجزين، وافوض امري إلي الله إن الله بصير بالعباد 💔. اللهم هون ثقل الأيام و واجعل لنا من جبر الخواطر نصيب.. " قَالَ إِنَّمَا أَشْكُو بَثِّي وَ حُزْنِي إِلَى اللَّهِ وَ أَعْلَمُ مِنَ اللَّهِ مَا لَا تَعْلَمُونَ "...
وجهه نظري الجهل بيدمر كل حاجه و بيدمر أمم، لو مفيش جهل مش هيكون فيه فقر و الناس هتتعلم و تشتغل والفقر هيقل جدا، لكن الجهل ده وحش جدا و للاسف مجتمعنا مليان بالجهل سواء جهل علمي أو ديني أو أخلاقي أو سلوكي ... والجاهل ده بيمثل خطر كبير جدا ع الدوله.