عادي انفصل عن خطيبي وعرسنا الشهر الجاي وكل اشي جاهز بيت وصالة محجوز ؟
السبب اني حاسة انو ما في تفاهم بينا بقدر كافي يخليني اشعر بأمان
بنعشق بعض النا ٤ سنوات وحاربنا الكل بس بعد الخطبة ظهرت امور اوضح ومن يوم ما خطبت لهسا وانا مترددة من الزواج
ما انتي بتقولي اربع سنوات والله زهق
اصلا شخصية الرجل فعليا وطبعه وكل شي بخصه ما بتبين الا بالزواج هي الي ٣ سنين ونص متزوجة لحد هاللحظة بكتشف اشياء جديدة.. لانه التجارب المحن الظروف الها دور تكشفلك
ولا تنسي الشيطان مدخله على الانسان كيف وانه هدفه التفريق ويوسوسلك .. برأيي مش عادي في امور عظيمة الواحد المفروض يترك .. والخطيب مع صغط التحهيز بكون غير ومعجوق ومضغوط
يعني الصراحة الاشي متناقض ٤سنين حب وبعد الخطبة بين شغلات ثانية يعني لهدرجة العلاقة سطحية كاينة بينكم بلاربع سنين 😀الا اذا امو ماعجبتك وطلعت قوية الي هي حماتك هون اشي ثاني 😁
مش فاهم !!! ٤ سنين كانو كافين يبينو أنه فش تفاهم ؟!
اعطو حالكم فرصه وكملو الحرب عشان بعض وحاولوا توصلوا طريق تفاهم حرام. تضيعو بعض
يعني باخر لحظه بعد اربع سنين قررتي مسكين بلع فلم
اه
بعد الزواج رح تختلف اشياء اكثر ورح تقدرو تتفاهمو وتكونو احسن من اول
اتركييه لانه بستاهل حد احسن منك والله
بعد 4 سنين لساتك متردددة
لك روحيي عن وجهي نخنقت 🙂
مو غلط في نهاية مو حرام 😊
اكيد مش شي عادؤ الكم اربع سنين بتعرفوا بعض طول هاي المده ما قدرتوا تفهموا بعض معقول
الموضوع بتوقع مش الشخص
الموضوع انه لما صار في شيء رسمي وح يترتب عليه مسؤوليات ممكن تكوني خفتي او اتردتي
حسب شو طبيعة الاختلافات بينكم ، هل هي بتأثر ع مسار الحياة وبتعكر صفوها او اشياء قابل التفاوض والتشاور فيها ،
الاحترام ، التفاهم ، التنازل ، ويكون في نقاط مشتركة مش كل واحد من كوكب ،،
طبيعي الا تصير في خلافات وممكن مشاكل بس ان قدرتو تتجاوزوها وتحلوها مع بعض ف ما تخافي ع علاقتكم ، اما ان كان في طرف بضحي وطرف لا ف يجب اعادة النظر في العلاقه ،،
والزواج بختلف كليًا عن الخطبه ،، انت بأيدك تخلي جنه وبايدك تخلي جحيم ،
