المثل يقول لا تثق في احد ! بس انا اخالفه شوي .. اساس الصحبه ثقه .. اوثق فيهم بس بحدود يعني مستوى الحاجات الي اامنهم عليها ما يكون شي خاص مره مره مره، والي يجول في خاطري م اقوله لاحد 🌚 ، احذر من الكل .. الحياة بتعلمك تحذر من القريب قبل الغريب 🎶👌
كم معلومه ع الطاير ؛ البنات بالذات يعني ينتبهوا للرسائل الواتس اب او الاتصال الي يقول اعطينا الباسوورد حق البنك في تحديث ومن هالامور .. طبعا حتى الرجال لان فلوسكم بتطير ، لما كنت في البنك جالس اسولف مع مسؤول القسم فكان يقول لي ان قبل كم يوم جه واحد وقال اتصلوا لمرتي او رسلوا لها م اذكر الزبده عطتهم وباقوا كل شي والمبلغ خيالي يعني قريب ٨٨ الف كلها طارت ، فحطوا بالكم مع هالامور ولا تصدقوا اي شي واي رساله المعلومه الثانيه ؛ اصحاب اجهزة ال Android اكثر عرضه للاختراق بسبب سهولة الدخول للبرامج وفي برامج واجد في الماركت تكون مهكره .. فيحذروا من هالشي ولا تنزلوا برنامج مو موثوق ( حاولوا تنزلوا البرامج الي مصدرها معروف مثلا شركة قوقل مسويه هذا البرنامج او مكروسوفت او او .. الخ) وبس والله 🎶❤️
مسؤوليات المرأة من إرضاء زوجها والعناية بمنزلها وتربية ومراعاة أطفالها حتى و إن كانت تحمل في أحشاءها مخلوقاً، مسؤوليات الرجل من توفير سبل الراحة لأسرته والحرص على تلبية كافة احتياجاتهم،أيهما أكثر مشقة برأيكم؟
لان مستوى التفكير يختلف من شخص لاخر ، م احبذ هالنوع من الاسئله الزوج والزوجه عدهم مسؤوليات بعضها مشتركه وبعضها فرديه والزوجين يعانوا بعض المشقه في سبيل سعادة ونجاح هالعلاقه واستمرارها بالنسق والشكل المطلوب ، ولان مستوى التفكير مختلف عند الناس ، تجي بعض الزوجات وتقول هالرجال يطلع وما يحس بالي اسويه واني اتحمل اكثر ، ويجي بعض الازواج يقول انا اطلع في هالشمس واحارب كل هالمشاكل والتعب وبعيد عن البيت بس علشان اسعدها وهي م تقدر ! فندخل في دوامه مره مره خطأ التفكير فيها لذلك انا ضد هالنوع من المقارنات لان بعضها هدامه لبيوت للاسف ، الزوجين يتحملوا مشقات الله يعلم فيها لذلك التقدير من الطرفين واجب واجب 👌🎶❤️
اكرهه شي لما تنزل حلقه من مسلسل تتابعه ولسى ما شاهدتها ، تدخل الانستقرام كل الصفحات منزله مقاطع من الحلقه 🙂🔪 ، امشي في الانستقرام وانا مغمض كان م تحترق الحلقه 🤦♂️😂💔
اهم حاجه واول حاجة ثقتك في الله اذا عشت هالشعور بتحس بفرق حقيقي والله وثاني شغله والمهمه ثقتك في نفسك وحبه لنفسك .. ثقتك في نفسك تشمل امور عدة .. منها الثقه الداخليه النفسيه ، الثقه المعنويه .. الثقه الجسدية اقدر اسميها 🎶 قبل تفكر تحسن نفسك ك تصرفات .. عزز جانب الثقه لان ببساطه هو الدعامه الحقيقه لك هذا ظهرك الحقيقي وبعدها ابدا انظر لنفسك كتصرفات هل انت انفعالي او نرفزي او او او حليو الواحد يجلس مع نفسه كل فتره ويكتب او يرسم في ورقه ويشوف في شنو قاعد يتحسن وفي شنو قاعد يسوء وشنو الظروف الي قاعده تساعدك في هالتطور والانخفاض 👌 بعد هذا خلي هالظروف م تكون شخص معين يعني حاول انت تصنع هالظروف لسبب انك ما تعتمد ع غيرك ممكن هالشخص في يوم من الايام يروح ! ممكن يكون مشغول ممكن ممكن ! صح وله ؟ لكن انت م بتكون مشغول عن نفسك سو .. اصنع ظروفك بنفسك 👌💪 وبس والله في امور تجي لاحقا ومع الوقت بس هالنقاط الرئيسيه جدا مهمه وحساسه 🎶❤️