اكيد مو المكياج 🌚😂 في الرجال وجود اللحيه يغير من شكل الشخص 180 درجة وفي النساء احس الشعر .. من ناحيه صغره وطوله .. يأثر في الملامح بشكل كبير خصوصا لما يكون التغيير كبير من طويل مثلا لبوي .. الاختلاف في الملامح يكون هائل
زهره هالشباب مفروض تضيع في بناء رفاهيه المستقبل .. دامها تعب في تعب وجهد .. ليش تضيعها فقط في علاقات مثلا او اشياء تستنزف الانسان من بدون مستقبل ؟ الافضل انك تضيعها في انك تبني شي ترتاح بسببه مستقبلا سواء دراسه وعمل او او ما بحدد الاشياء. الاغلب يقول زهره الشباب ضاعت ولها اسباب .. اما ما بدأ صح مثلا في دراسته واختار شي ما يحبه وصار يعاني او ما توفق في اختياراته وجلس يعاني بعدها او يكون هو اهمل .. او ان ضيع وقته في علاقات مر منطقيه لين استنزف نفسه 🎶
بضحك معاه دامه طفل ، صحيح احراج شوي لما يتكرر الكلام بس عادي بجننه شوي لين تخلص هالزياره 🌚 انا ما بعاتب ابوه مثلا اطلاقات .. بس هو من نفسه الاب مفروض يتكلم معاه بعدين ويفهمه علشان ما يصير هالموقف مع شخص زعول وتصير مشكله من موقف تافه 🦦🤍
"أؤمن بأن شخصًا يعوض شخص آخر، وأن اللّحظات الجميلة تُنسي الذكريات الحزينة، وأن لله عوض يُبلل جفاف القلوب ويمحو أثر الندوب، لا يتركنا الله عند موقف وكسر دون جبر، فالحياة تستمر بألطافه ورحمته ومعيَّته". 🎶🤍
ممكن تكون في صفات وراثيه ان هالعائله عصبيه مثلا .. رغم ان هذي اشياء تقدر تحاول تخففها وتتغلب عليها لكن موضوع الحنان والقسوه احسه اختيار الانسان .. الحنان في حد ذاته احساس وشعور .. لما تحس وتشعر مفروض تحن !ما اشوفه مبرر ان ابوي او جدي او اي احد من عيلتي قاسي وانا اصير قاسي واحط هذا عذر ! القسوه بعض الاحيان تجي من عدن الاحساس وانصح اي احد يشعر بهذا الشي ويحس ان لسى مو قادر يسيطر عليه ان يجلس مع نفسه اكثر واكثر ويحاسب نفسه وياخد خطوات جديه في سبيل ان يغير هالشي خصوصا مع عائلته مع زوجته مع عياله 🎶🤍