ربنا يبعتلك سعاده تنسيكي اي حزن او زعل لمس قلبك ف يوم م الايام ربنا يحققلك جميع احلامك ال بتتمنيها ويقرب منك اي حاجه بتحبيها ربنا يكتبلك ف كل خطوات حياتك الرضا والقناعه ربنا يقربك م جميع احبابك ويفرح ايامك بيهم وتعيشوا ديما فرحانين ومبسوطين بوجود بعض ربنا ينور قلبك بجميع انواع السعاده والبهجه?
"الكراهية تكلف اكثر من الحب..لأنها إحساس غير طبيعى.. إحساس عكسى مثل حركة الاجسام ضد جاذبية الارض.. تحتاج الى قوة إضافية وتستهلك وقودا اكثر." - مصطفى محمود
"أنا خجول، لهذا قد أبتلع بعض آرائي وأفضل الصمت، لكن لا توجد قوة على الأرض تجعلني أقول ما لست مقتنعًا به، أي إنني قد لا أقول كل الحقيقة لكن لا أقول شيئًا سوى الحقيقة" أحمد خالد توفيق*
صدقيني لو قولّتلك إني عمري ما شوفته إنسان وحش أبداً، و عارفة إنه هينساني عادي و كأني لم أكن أصلاً في حياته، و بالنسبة ليَّا حياتي هتقف فعلياً، أنا ٢٥ سنة مش صغيرة و مش مراهقة، أنا بس زعلانة إنه استسلم و قرر يبعد خلاص، لكن أنا حاربت مع أهلي علشان يوافقوا أبعد رغم إن ده صعب بس حاولت لحد ما وافقوا??
سن إيه بس ! ماهو الحسابات والمواضيع دي مش بإيدي ولا بإيدك ولا عقلك ولا عقلي هيعرف يوصلها اصلاً ، الحاجات دي ربنا بيدبرها من عنده متعرفيش ازاي ،بتيجي فجأة كدا .. هيعوضك متقلقيش ونصيبك هيجيلك لحد عندك علشان ربنا مبيبتليش حد الا وهيعوضه خليكي واثقه من كدا :) لا حياتك هتوقف ولا غيره شيلي الكلام دا من دماغك ،وخلي ظنك بالله احسن من كدا ...واللي نسيكي انسيه ومتبقيش عليه ،كان كويس ماشي بس طلعله وش تاني كان مختفي وربنا اظهرهولك هتعترضي ع قضا ربنا ، افرضي كملتي معاه وحصلت مشاكل مع اهله هيوقف معاهم اكيد ،اذا كان من قبل الجواز اصلا وهو معاهم وموقفش ضدهم علشانك ،يبقي هيبهدلوكي في غربتك بعيد عن اهلك وحتي جوزك مش هيوقف معاكي .. اصبري واحمديه في الخير والشر علشان هو الاعلم بالأصلح ليكي وربنا يهون عليكِ وع الكل يارب ،ويكرمك عاجلاً بابن الحلال اللي يستحق واحدة طيبه وجميلة زيك كدا ♡
انا عندي ١٩ سنه،اتعامل ازاي مع اهلي..اللي اهم حاجه توفير المال وبس ومفكرين كدةكل حاجه،انما التقدير والكلام الحلو والثقةواني خلاص بقيت راجل قليل اوي لما اشوفها في أفعالهم وكلامهم ليا..مفيش مرةنتكلم غير لما الحوار ميكملش بسبب او بغيرةوالصوت يعلي✋
انا بحترمهم والله لكن اعمل ايه مش قادر استحمل انا اكتر!
اغلب البيوت كدا والله ، خليك مقدر انهم من زمن غير زمنا وانهم اتعودوا ع كدا من اهاليهم ،هما غلطانين في الحتة دي معندهمش ثقافه القرب من عيالهم ...ودي اول حاجة لازم تتعلمها انتَ انك تقرب من عيالك مستقبلاً وتفهمهم .. كمان لازم تراعي ضغوط الحياة اللي هما فيها من مشاكل وغيره ،حاول بس تعاملهم بالكلمة الحلوة واللين وع قد ما تقدر ما تعلييش صوتك .. اما حكاية المناقشه وكدا فسايسهم وحسسهم انهم هما الاصح ،هما مبيحبوش رأيك انت يبقي الأصح منهم لانك الاصغر سناً ،كمان يعني لو عندك موضوع تناقش فيه محدش هيفهمك غير صحابك ،هما مش هيستوعبوا كدا وهيكبروا الدنيا فعليك بإيه يعني ...عاملهم كويس وخلاص وفكك من حوار المناقشات دا بينتهي نهايه نارية :""D والنت مخلاش اي حاجة ،اللي عايز تعرفه اعمل سيرش عنه ..اديهم رأيك باحترام وهيترفض متقلقش .