" there's something you're afraid to say , Or someone you're afraid to love , or somewhere you're afraid to go . It's gonna hurt , It's gonna hurt , because it matters"—"John Green"
المرة دى بقي هجيب السمكة هانم واطلع راسها من البحر واغطسها تاني وهكذا واضغط عليها بشر كدا ،، واقولها حبيتي العبد ؟هترد طبعاً ست الهانم : نعم حبيته ! (عبلة الأسماك طبعاً ) واطلعها من الميا واخلص منها هي والعبد بتاعها دا ع الطائر ع اللي بيحبوا ع الاسماك كلها ع الآسك كله ?،، قرفتوني بام السؤال دا اقسم بالله دا انا حفظته اكتر من اسمى ?
انا تافهة جداً ومش أهل للمسئولية ، ايوة بخلص لآخر نفس فيا بس متعودتش ع المسئوليات الكبيرة أو يمكن متعودتش علي ان حياتي تتغير مرة واحدة من غير ما احس والاقي نفسي في بلد بعيدة لوحدى، عندى ناس بتكرهني اكتر من الناس اللي بتحبني ، بتأذى منهم جامد يمكن علشان حساسة لكن عمرى ما قدرت ارد آي اذي ، كان حقي بيجيلي من عند ربنا ، يمكن اهتماماتي مختلفه شوية عن البنات بس مادام بتبسطني ? فمش فارق معايا كلام آي حد ، ساذجة لدرجة كبيرة مش غباء (انا مؤمنة اني ذكية جدا) ولكن بصدر حسن النية في آي موقف وبفضل واخدة فكرة حلوة عن الشخص لحد ما اخد الضربة القاضيه ، بس عامةً انا بحب في نفسي اني قريبة من ربنا شويه ، ودماغي حلوة وقلبي طيب ومرحة جداً ومسخرة في الهزار ممكن اخليك توقع من الضحك بسببي ، ومبحبش اشوف حد زعلان الا ولازم اهون عليه ، عندى انتماء فظيع لأي حاجه بحبها علشان كدا بخاف من فكرة الحب علشان لو حبيت هندفع بكل مشاعرى وهستهلكها كلها لدرجة ممكن تدمرني بعدين ومش هتعافي بسهولة ، سر بقي انا من النوع اللي بيحب الجمال اللي عنده وفكرة اني في يوم هفقد الجمال دا بترعبني ، وسر اكبر بترعب من فكرة الارتباط بشخص ميفهمنيش ويقدرني واني هفضل باقي عمرى ادفع تمن الغلطة دى وحياتي تقلب جحيم !