@omarkhater97

Omar Khater

Ask @omarkhater97

Sort by:

LatestTop

_

nourr12345’s Profile Photoꪀꪮꪊ᥅ ❦︎
“Metrooo this wayyy”
في شاب جميل إسمه أبو بكر عباس عنده ٢٣ سنة من كينيا..خد بعضه وقدم علي الوظايف اللي مفتوحة في قطر في خلال كاس العالم لخدمة المونديال..
أبو بكر إشتغل شغلانة مملة جدًا لو بس فكرت تحط نفسك مكانه إستحالة ترضي بيها .
الشغلانة عبارة عن إنه قاعد علي كرسي جنب الإستاد وماسك ميكروفون زي بتاع الروبابيكيا ده ولابس كف كبيييير وكل شغلنته إنه يقول الجملة ده بس فقط لا غير "Metro this way”علشان يوجه الجمهور والأجانب لإتجاه المترو !!
إنت متخيل قاعد ٨ او ٩ ساعات ومش بتقول غير الجملة ده بس.
أبو بكر قرر يسلي نفسه فبقي يقولها بطرق مختلفة ومتكررة ويغنيها للناس وبرضه مش بيقول غير الجملة هي هي بس بطريقة لذيذة.
يشاء القدر إن الجماهير والناس والمواطنين يتفاعلوا معاه ويتحول أبو بكر من مجرد شخص قاعد علي كرسي كمرشد للزوار للمترو إنه يبقي "أيقونة" المترو والمونديال لكل الناس..
الجماهير بقت تروح هناك تقول معاه وتغني معاه ويتصوروا معاه ويصوروه.. كل الصحف العالمية والمحلية فضلت تتكلم عن العظمة ده.. لدرجة إن "الشيف براك" يروح عنده ويقف قدامه ويقلب حلة المحشي الشهيرة بتاعته علي أنغام "Metro this way" ويتصور معاه كمان وينزله علي صفحته الرسمية.
دولة قطر بقي قالت لا إحنا مش هنفضل ساكتين علي الجمال والعظمة اللي بيعملها أبو بكر ده.. فجابوا أبو بكر وكرموه وإدوله كمية هدايا لا تعد ولا تحصي من كل البرندات.. ومش بس كدة دول مدوا الفيزا بتاعته سنتين .. ومش بس كدة لا دول خلوه "سفير مترو قطر".. وراحوا مسجلين صوته وطريقته وحطوها علي كل ميكروفونات مرشدين السياح للمترو وبقي صوته هو الصوت الرسمي لإرشاد مترو قطر خلال المونديال فبقيت تسمع صوته وطريقته في كل حتة في قطر..
راحة اللجنة المنظمة لكاس العالم قالت هيا الناس ده كلها تقدر الراجل ده وإحنا اللي راجل جاي من بلده علشانه منعملش واجب معاه.. راحوا بعتين للراجل دعوة VIP لحضور مباراة إنجلترا وأمريكا.. وهووووب بين الشوطين نزلوه الملعب وادوله المايك وأبو بكر يقول "Metro” وكل الجماهير اللي في الإستاد ترد عليه “This way” .
أبو بكر عمل بروفايل علي كل السوشيال ميديا والفيديوهات بتاعته تخطت المليون مشاهدة… وكأن ربنا بيقوله مش انت تعبت وسعيت فخد من حيث لا تدري ❤️.
الخلاصة هنا إنك طالما قررت تسعي وتقبل شغلانة حاول تعملها بحب وبطريقتك وطول ما انت بتشتغل كويس فشغلك هيبان وهيسمع غصب عن عين أي حد..
مبروك علي أبو بكر كل الخير والرزق اللي ربنا رزقه به وشكرا ليه إنه علمنا درس كبير.

View more

Metrooo this wayyy
في شاب جميل إسمه أبو بكر عباس عنده  سنة من كينياخد بعضه

*_*

roaaahmed171’s Profile Photoإسراء
في مرة من المرات آللي بتعيط فيها على حد مِشي ..
هتكون المرة الاخيرة ؛ وهيوحشك للمرة الاخيرة ؛ وهتحبه للمرة الأخيرة ..
ومش هتكون عارف حتى إن دي آخر مرة ..
ومن بعدها هتصحي من النوم ومش فارق معاك أي حاجة !

People you may like

shehab241’s Profile Photo She Hab
also likes
MohamedAbdEL4akor’s Profile Photo 3b 4kour
also likes
hemo855’s Profile Photo Hemakassas
also likes
MirRroooo’s Profile Photo Amir Saad
also likes
romio_9955’s Profile Photo Mohamed
also likes
Amressam00’s Profile Photo ﮼عمرو
also likes
shadyuwk_98’s Profile Photo shady abaza
also likes
MahmoudSeif650’s Profile Photo ma7moud $eif
also likes
looma96’s Profile Photo Eslam
also likes
PeterRamses805’s Profile Photo Peter Ramses
also likes
Ayaibrahimmohammed’s Profile Photo Aya Gebreel
also likes
ashoeb’s Profile Photo Ahmed Shoeb
also likes
ahmed_eldeeb17’s Profile Photo DeboO
also likes
loma140’s Profile Photo loma
also likes
ahmedbesoo1’s Profile Photo #707
also likes
AliFayyad20’s Profile Photo Ali Fayad
also likes
Want to make more friends? Try this: Tell us what you like and find people with the same interests. Try this: + add more interests + add your interests

_

farahahmed576’s Profile Photoفرح أحمد
خلي عندك مبدأ في حياتك أسمه ..
" لو مش هقدر أساعد هكون مُعين "
يعني لو مش هتقدر تروح مع فُلان مشوار ، أسأل و أهتم وصل لحد فين و عمل إيه ..
لو مش هتقدر تساعد فُلان ماديًا ، أقف جنبه معنويًا ..
لو مش هتقدر تحقق حلم فُلان ، أدعي له دائمًا ..
لو مش هتقدر تحل مُشكلة فُلان ، أوجد له حلول ولو بسيطة ..
أحيانًا لما تساعد آللي قدامك حتى ولو بأبسط الأشياء ..
بتكون أفضل من مفيش خالص !

_🦚

roaaahmed171’s Profile Photoإسراء
انا كنت بقفل شباك اوضتي لقيت المنظر دا
ف سمعت الحوار لقيت بيقولها علي مهلك اكتبي براحه انا جمبك وبتقوله ايدي وجعتني يشد ايديها ويبوسها يقولها معلش تقوله حاضر يابابا هكتب اهو وتتضحك وتكرر الكلمه ويبوسها ويطبطب عليها
يبتسم ليها تقريبا علي مافهمت
نسيت تكتبه بالبيت وعندها درس
لا عنفها ولا قالها اصلك ساقطه ولا قالها مكتبتيش الواجب وضربها قلم وجرها تعيط بالعكس قعد ع الارض وفالشارع عالرصيف
حاله روعه
يعني هو اكيد قاعد ع ركبته اكيد بتألمه من القعده دي بس هو بيدعمها اكيد البنت دي هتطلع قويه جدا لما تكبر وشجاعه وبميت راجل عشان اللي طبطب راجل واب اللي احتوي راجل واب اللي سند راجل واب
الأب ♥
انا كنت بقفل شباك اوضتي لقيت المنظر دا
ف سمعت الحوار لقيت بيقولها علي مهلك اكتبي

🖤OMAR🖤

لو عندك صديق مَر بأزمة مُعينة ولسه بيحكي عن تأثيرها فيه برغم إنها انتهت ..
أبسط حاجة ممكن تقدمهاله إنك تبقى جنبه من غير تأنيب وكلام من نوعية ..
"تاني؟ نفس الموضوع تاني؟ مش خلصنا ياابني! مش انت نهيت الحوار؟ إلخ.."
طبطبوا عليهم بس لحد ما الوقت يداويهم ..
‏and don't forget that :
إحنا بنبطل نحكي لما مشاعرنا بتخلص .. مش لما الموضوع بيخلص

Space ..💙🦋

vetxxxx’s Profile Photoسَارّة نَاصِر
جربت تبقي في presentation فتتوتر فتلاقي حد راح ساندك في الكلام
او كلامك يتفهم غلط فحد يقول "لا يا جماعه هو ميقصدش كده هو يقصد كذا"
او متعرفش تعبر عن الكلام فحد يقرأ تعبيرات وشك ويفهم كلامك ويفهم انت عايز ايه
ده اسمه شد الأزر، هو اني اقويك بوجودي لحظه ضعفك وخوفك
"اشْدُدْ بِهِ أَزْرِي"

+ 1 💬 message

read all

عُمــر✨'.

saramontaser7’s Profile Photo" Sara ..♡ "
تقريباً أنا مشوفتش حزن قد ما بشوفة في عين حد بيحكي عن حاجة كان حاطط فيها كل أملة ومكملتش ..
تلاقية لسه بيحكي عن الحاجة دي بنفس الشغف والحب لكن بعد كدة بكل أسف وشعور بالهزيمة وخيبة الأمل يقولك بس للأسف مكملتش وعنية حزينة كأنه لسة مهزوم دلوقتي مش من كام سنة مثلا ..
وتقريبا مفيش حاجة بتعدي ، وحقيقي مفيش حاجة أصعب من انك تخسر قبل لحظة الوصول بلحظة .. يعني خلاص هتمسك الحاجة فجأة تلاقيها راحت اتبخرت ..
وبعدها تاخد نفس عميق وتقول 'كل دة كان ليه'

Space 🤍✨

‏إبعدوا عن الحاجات آللي من طرف واحد ..
زي إنك تستنى والطرف التاني ميجيش ، إنك تشغل بالك بيه وهو آخر همه يفكر فيك ، تكتب وهو مايقرأش ، تقلق و هو يضحك ، تتعب وهو يريحّ دماغه ، تزعل وهو ينفّض ..
يعني عموماً إبعدوا عن أي حاجة تقلل من قدركم لنفسكم !

_

farahahmed576’s Profile Photoفرح أحمد
الإنسان بطبعه شخص عاطفي جداً ..
أقل التفاصيل بتفرق مع كل واحد يعني مثلاً الواحد اما بيلاقي حد بيدعمه حتي في اتفه الأمور بيبقي فيه شعلة نار كفيلة تخلي الشخص دا في مكان تاني في نفس الوقت اما حد يحبط اللي قدامه الشخص دا بيبقي هاين عليه يقفل علي نفسه
الأولويات بتختلف من واحد لـ التاني بالتالي متخليش حاجة ثابته وشجع غيرك لان كل واحد فعلياً فيه اللي مكفيه وكل واحد محتاج الدعم بس علشان يقدر يجاري مشاكل وتخبطات الحياة ..
خليك الجانب المضيئ في حياة كل واحد تعرفه

مساحة لطيفه زيكم 💙🦋

vetxxxx’s Profile Photoسَارّة نَاصِر
لاحظت مؤخراً إن معظم أمنياتي في الحياة تتلخص في أمنية واحدة بس وهي اني أكون "مستقر نفسياً" أكون عادي.. لا متوتر ولا قلقان ولا زعلان ولا مستني حاجة من حد، أكون متطمن لا أكثر ولا أقل ❤️

مساحة':💭💙

farahahmed576’s Profile Photoفرح أحمد
لازم تتأقلم مع فكرة إن مش كل شخص هتتمناه هتطوله ..
ولا شرط إن كل حلم هتعوزه هتحققه.. دورك إنك بتعمل اللي عليك كله وللآخر.. جه يبقي خير.. ماجاش يبقى إقلب الورقة، وشوف غيره ..
ضياع بعض الفرص أو الناس هو جزء من معادلة الحياة، وضياعهم ده هو إتاحة فرصة لـ البديل "الأنسب"، "على قدك"، واللي غالباً بيبقى أفضل

_♡

nourr12345’s Profile Photoꪀꪮꪊ᥅ ❦︎
الدنيا مش مستاهلة أي حرب نفسية، سواء جواك أو مع حد تاني ، ف لحظة بتتقلب ، صحتك بتخونك، وحبايبك بيروحوا منك، مفيش أي حاجة مضمونة لحد دقيقة جايه ، في ثواني الأحوال بتتبدل..
مش مستاهله صراعات، اللحظات إللي بتعدي عليك وأنت سليم ومعافى وحبايبك حواليك بعمر كامل من التوتر والقلق والتفكير..
ربنا يجعلنا خفاف على بعض، ويريح بالنا، عشان راحة البال دي مبتتشراش بفلوس الدنيا..

Pic ..💙🍃

vetxxxx’s Profile Photoسَارّة نَاصِر
متسيبش أبوك يموت قبل ما تكون شبعت منه(ولو ان دة مش هيحصل) وتكون واثق انه راضى عنك
انا هقول فى البوست دة كام نقطة عشتها بنفسى وشوفتها أو سمعتها من ناس قريبين منى
١- أتصل أسمع صوت أبوك كل يوم والله أهم شخص فى الدنيا هو ووالدتك (علشان صوتوا هيوحشك قوى)
٢- أحكى لأبوك وخد رأيه فى شغلك و صحابك وبيتك حتى لو مش هتعمل برأيه بس أشركوا معاك علشان هتحس بمتعه جميله جدا ان فى حد فى الدنيا دى فعلا نفسه تبقى أحسن منه
٣- زى ما بتبعت لصحابك ومراتك أنهم وحشينك فى رسايل أبعت لأبوك علشان هو نعمه من ربنا عليك ويارب متزولش منك
٤- لما تنجح وتترقى او تعمل حاجة جميلة زى ما بتقول لمراتك وصحابك ربنا يخليكوا ليا أفتكر ان اللى جابك للدنيا وكبرك وصرف عليك كل فلوسة هو أبوك فدايما ادعيلوا قدامه ان ربنا يبارك فى عمرة وصحتة علشانك
٥- أبوك لما صرف دم عمرة عليك مطلبش منك مليم أنت بقى لازم تعمل مرتب شهرى لأبوك (حتى لو أبوك مش محتاج) أديلوا الفلوس قولوا طلعها لله ياحج وانت ادرى منى بالناس اللى محتاجة فى منطقتنا
٦- أخرج أنت وأبوك وأعزموا برا وخليه هو اللى يختار المكان كل مرة مش انت ومرة من المرات أبقى خدة أحب الأماكن على قلبك وقولوا انت ازاى بتحب المكان دة وليه
٧- روح مع أبوك الجامع ودايما خليك جانبة وقريب منه بيحب يتفاخر بيك قدام الناس ودايما روح وسط صحابة علشان يتشرف بيك قدامهم
٨- عارف البرفان اللى ابوك بيحطة أسمة ايه ؟ طبعا متعرفش . صدقنى هتعيط بدل الدموع دم علشان تفتكر اسمه ايه علشان تبدأ تستخدمة ولما تشمه مرة على حد هتبقى عاوز تخدم الشخص دة بعنيك
٩- صدقاتك لأبوك وأمك وروح وفرح أبوك وقولوا انك دفعت فى الجامع و بتتكفل بيتيم وبتحفر بئر مياة و بتنفق فى صدقة علم بأسمة هو وأمك علشان قلبه يطمن وهو عايش أن فى ولد صالح هيدعيلوا وصدقة جارية موجودة له دايما
١٠- متتكسفش تستلف من أبوك رقم بسيط حتى لو مش محتاجة وأفتكر تردوا فى ميعاده وحسسة انك دايما محتاج له مهما كبرت
١١- عربيتك الجديدة تليفونك الجديد شقتك الجديدة ايا كانت ابوك اول واحد تكلمة يركبها يدخلها علشان بيفرح من قلبوا وبيدعيلك بالبركات فيها وربك الحافظ
١٢- راضى صحاب ابوك و كلمهم علشان هيبقوا ذكرى واحدة لسه عايشة لما هتسمع صوتهم او هتشوفهم ودايما هيدعولوا لما تكلمهم
١٣-أدعوا لأبويا وأمى ربنا يرحمهم ويسكنهم فسيح جناتة (علشان خاط الملايكة تقولك ولك بالمثل)
صدقنى أبوك مش محتاجك بس أنت هتفضل طول عمرك محتاجة والصعب فى موضوع وفاة أبوك ان كل مرة هيتقال أسمك فى نجاح او مناسبة او بتكتب شيك او بتفتح حساب او بتسجل اسم ابنك فى شهادة ميلاد قلبك هيوجعك وهتفتكر أبوك
من رأيى النبى وصانا على الام ٣ والاب مرة واحدة بس علشان هتفتكر أبوك دايما اكتر من امك

View more

Pic

+ 2 💬 messages

read all

_

roaaahmed171’s Profile Photoإسراء
أعتقد من أسوأ اللحظات الـ ممكن تمر على الإنسان لحظة أكتشافه قد إيه هو مغفل .. وإنه كان مضحوك عليه ، وهنا بقا بتبدي دماغه تسوحه وتخليه يشك في كل ذكري وكل كلمة اتقالتله
الـ هو بص ياعبيط بص كل ده كان كدب وأنت زي الأهبل صدقت وطلعت زيك زي أي حد عادي بلا سبيشيال بلا نيلة !

+ 1 💬 message

read all

Space...💙🦋

vetxxxx’s Profile Photoسَارّة نَاصِر
مفيش مرة قربت من شخص من أصحاب الهالات شديدة الجاذبية ..
إلا ولقيت في حياتهم تفاصيل صعبة أوي
كل آللي بيظهر منهم للناس هي هالة الضوء والتميز
حياتهم وصحتهم ونفسيتهم ضحية للهالة دي

_

saramontaser7’s Profile Photo" Sara ..♡ "
صدقني و الله كل واحد منا ناجح بطريقته…
مفيش مقياس محدد للنجاح أو حاجة العالم كله أتفق عليها إنك لما تعملها يبقى كده إسمك ناجح ، وعشان كده كل واحد ناجح بس بطريقته ..

*_*

roaaahmed171’s Profile Photoإسراء
عشان تقدر تعيش لازم تدرب نفسك على الإستغناء ..
تستغنى عن صاحب طلع مش جدع.. تستغنى عن قصة حب لو هتبقى مؤذية.. تستغنى عن شلة مش مقدرة قيمتك.. تستغنى عن القبول المجتمعي
تستغني عن شغل انت مش مستريح فيه
وكل ما تقدر تستغنى..
كل ما هتكمل وهتعرف قيمة نفسك وتحبها وتحبب الناس فيها

Space..💙🦋

vetxxxx’s Profile Photoسَارّة نَاصِر
* قالوا ( ايه يا عم المناخير دي ، ولا الشكل ده)
وقال الله (الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الْإِنسَانِ مِن طِينٍ)
* قالوا (انت ليك لازمه، انت متخيل انك لو مت الكون ده هيتاثر)
وقال الله (إِنَّا كُلَّ شَيْءٍ خَلَقْنَاهُ بِقَدَرٍ)
* قالوا ( مستحيل الحاجه دي تجيلك لانك انت ملكش واسطه ولا حد هيقدر يساعدك )
وقال الله ( إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ ، فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ )
* قالو (انت نحس كل حاجه دايما واقفه ضدك)
وقال الله (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ)
قالو وقالوا وقالوا …الخ فكذبوا وصدق الله

Next

Language: English