جماعه انا جوزى بيشتغل اسبوعين وبيقعد معايا اسبوعين، فالاسبوعين اللى مسافر فيهم دول انا بروح عند اهلى، وانتوا عارفين الدنيا غاليه وكده وهما متكلموش بس انا حاسه انى عبء عليهم اسبوعين كل شهر، هو المفروض جوزى يصرف عليا وانا عندهم يعنى اكل وحاجات وكده ولا ايه، مصاريف اخواتى كتير عليهم وكده+ بقيت انا كمان
أيوه المفروض جوزك يصرف عليكي
كل ما تكوني رايحه ادخلي عليهم ب حاجات للبيت
خلاص متقعدى فى بيتك احسن ولو جوزك هو اللى عايزكى تروحى عند اهلك يصرف هو عليكى
اقعدي ف بيتك لما جوزك يسافر
طالما حاسة ان ممكن تبقي عبء اقعدي ف بيتك وخلي جوزك يصرف عليكي ودة المفروض اللي يحصل اصلا ..
طبعا انتي ملزمه ان جوزك يصرف عليكي لو مش عجبه خليكي في بيتك و يصرف عليكي
هو المفروض كدا كدا أو تقعدي ف شقتك
ممممم مهو زوجك لو مقتدر المفروض يديكي مصروفك يعني .
بتروحي بزيارتك يعني فاكهه ورز فراخ او لحمه وكدا مثلا ف طلب عايزينه هيه اتني وكدا خففتي بسكل غير مباشر
ايه العبط ده اومال انتي اتجوزتي لي يصرف عليكي و يبعتلك مصاريفك حتي لو عند اهلك