لو حد حب يقرب منك، وانت قابل ده .. ياريت متصعبهاش عليه، وأبعد عن مبدأ أتقل حبة تزيد محبة لان كده هتبقي انسان غير سوي نفسياً، تجاهلك هيخلي الطرف التاني يفقد شغفه، ويشوف حياته في سكة تانية وانت عايش في وهم انك بتعلقه بيك أكتر، اللي بيستني كتير بيفقد الرغبة حتي في الحاجة اللي استناها ..
العلاقات اللي بتدخلها بسبب الفراغ عُمرها ما بتكمل، بتدخل الشخص ف حياتك سد خانة، وبعد لما تبدأ تنشغل بتهمله تدريجياً، لإن دوره في قلبك أنتهى، لكن العلاقات الصحية اللي بتكمل هي اللي بيكون حواليك ناس كتير ومشاغل وتلاقي نفسك برضه في أحتياج للشخص ده، هنا دوره ف قلبك عُمره ما ينتهي.