بنفع طبعا ") رغم انه حدث الكثير من الامور السيئة ، فقدت الحب والشغف بشكل كلي تقريبا
بصراحة مش عارفة شو احكي بالضبط، بس بقدر اشارك جزء من تجربتي ممكن يكون فيها إجابة على سؤالك 😅اول ما بلشت فكرة التطوع، كانت من باب انه عندي قدرات ومن حق مجتمعي علي اقدمله ضمن قدراتي، ولما كملت 18 سنة تطوعت رسمياً بمؤسسة صابرين للتنمية المستدامة. المشجع بالموضوع، اني ضليت فترة اتابع وين في جمعيات او مؤسسات بقدر اتطوع معهم وكانوا كلهم تقريباً بمناطق بعيدة ولما تم افتتاح مؤسسة صابرين وهي قريبة جدا على بيتي فكانت نقطة ايجابية ومشجعة جدا بالاضافة لفريق العمل الرائع في المؤسسة بكامل افراده دون استثناء وجود فريق مليان طاقة كان يشحن همتي كل ما تفتر، وكان يشجعني افكر بأفكار جديدة لتطوير العمل. وفي نقطة مهمة جداً، النية، انت شو نيتك من التطوع؟ بتحس انه واجب مفروض عليك ومجبَر تعمله ولا اشي جميل وتستمع فيه؟ لما تعطي بتكون مبسوط ولا متضايق؟ فكر بالأجر اذا اخلصت النية لله - سبحانه وتعالى- فكر كيف بتساعد مجتمعك يصير احسن فكر قديه العطاء وانك تساعد غيرك يكون سعداء بيعطيك سعادة الك بالأول ابذل جهدك وقدّم حسب استطاعتك، لا ترسم آمال كبيرة كتييير ولا تكون مثالي ولا تلوم حالك اذا حسيت بالتقصير، شوف كيف بتقدر تتطور عملك وتحسّنه ويصير للافضل وتعلم من اللي راح الماضي تعلم منه وانساه، عيش اللحظة لتصنع مستقبل حابب توصله ولا تنسى، الفتور والتعب النفسي والجسدي والضغوطات كلنا بنمر فيها، هي اشي طبيعي فلا تلوم حالك وأعطي حالك فرصة تتجاوزها بأفضل النتائج ومش غلط تطلب المساعدة من الشخص المناسب لتقدر تتعامل مع الضغوطات وتنهيها. انا عارفة يمكن تكون هالفترة صعبة 💔 وممكن تشوف كلامي مثاليات وشوية مسكنات لا أكثر وعني شخصيا مريت بفترة طاقتي فيها كانت تنازع ومتشتتة ومش قادرة اقدمواعطي زي قبل وهالكلام برغم اقتناعي فيه بس ما حسيته ساعدني كما يجب وبمشورة ناس عندهم علم وبوثق فيهم مع ارادة وتوفيق من ربنا عدت المرحلة ع خير، وصرت حاسة فعلا بكل شخص بيمر بفترة فتور وقلق وتشتت، ونفسي لو كلهم يعدّوا هالفترة بأفضل النتائج وما يرجعوا يعيشوها أبداً. بعتذر للاطالة، وبعتذر اذا تشعّبت بكلامي، بتمنى أكون جاوبتك وبتمنالك كل التوفيق وهداة البال 🌸
معنى اسم "شيماء": *ذات شيم وفضائل وخلق، وكثيرة الشامات.*اسم عربي ويعني الشمم وهو الكبرياء، وهناك معنى آخر وهو المرأة صاحبة الشامة.*التي تراقب السَّحاب والبرق، المنطقة السَّوداء التي تبدو في القمر، ذات الشَّامات، الأرض السَّوداء، والناقة السَّوداء، ومن التعابير التي استعملها العرب بحالات التعجُّب: يا شيَّما ويا هيَّما ، أي ما أحسن وما أجمل.*اسم علم مؤنث، أصل الاسم عربي، وهو فى المعاجم يعرف بذات الشيم، والشيم هى الصفات والعلامات، وتطلق على من فى بدنها شامات وهى علامات تختلف عن لون الجلد، والشيماء من الإباء والرفعة.*التي في بدنها علامة والاسم قد جاء من الشامة أي العلامة التي هي في الغالب أحد علمات الجمال لدى المرأة ويقال أنها ذات الشيم أي الأخلاق الكريمة والفضائل.*سميت به الشيماء بنت الحارث أخت النبي -صلى الله عليه وسلم- من الرضاعة.