هو لو حد اتقدملك وحالته المادية محدودة جدا ده هيبقي سبب انك ترفضي حتي لو كويس! مش متدين اوي بس هو شخص كويس في المجمل
لو ارتضيت كل حاجة فيه مش هبص علي ماديات عامة لا ضير ان كان فقيرا ( ان يكونوا فقراء يغنهم الله من فضله ) المهم ألا يتكاسل عن الكسب الحلال ويوفر علي الاقل قوت اليوم..
باعتين السؤال لبنت ? سبحان الله التعدد شرع ! ولكن فطرة النساء خاصة جبلت علي ذوبان القلب في محبوبها حتي لم يعد لديها شيئا منها ! وإنه لجهاد عظيم ونعمة أن يمن الله علي فتاة بالربت وتقبل هذا الامر لذا هذا الامر اختصاص واصطفاء من الله ، فلا تلومن فتاة لا ترضاه علي نفسها ولا تضيقن ما وسع الله واعلموا الفرق بين اننا نؤمن به كشرع وبين انه فوق ما تطيق به انفسنا ?
بشياكة عشان متزعليهاش لا محترمة ومؤدبة ? من حياء المؤمن انه لا يحرج احدا ولا يخجله ولا يضعه في زاوية ضيقة.. فبلاش روشنة قصف الجبهات دي ، مش تعامل مسلمين خالص ?
ارجع اعيش يوم طبيعي زي أي بني ادم .. انام يوم من غير تعب وتفكير وتوتر وضغط اعصاب وعياط وبهدلة .. انا مش حِمل ال انا فيه حاليا ده وحقيقي تعبت .. أتمنى أعدي الفترة دي وانا ربنا مداوي جروحي ومراضيني ") !!
دعواتي مش بتستجاب تالت رمضان ومفيش اي علامة من ربنا حتي تطمني ادعولي بصلاح الحال وان ربنا يستجيبلي بالله ??
لحي عليه بالدعاء ، ادعيه دعاء المضطر " أمن يجيب المضطر اذا دعاه " ولكن اعلمي ان الله لا يخذل .. إنما يؤجل حلول رحمته لوقت يعلمه ولا تعلميه أنتِ ❤️ ومؤخرا اتعلمت ان مطلبش من حد يدعيلي متخليش في واسطة بينك وبين ربنا "ولقد خلقنا الانسان ونعلم ما توسوس به نفسه ونحن اقرب اليه من حبل الوريد " الله اقرب اليك من نفسك ادعيه انتِ تذللي بين يديه اسجدي له واطلبي ما شئتي ، وثاني أكررها الله لا يخذل ، ربما كانت اجابته في منع ما طلبتي ربما لم يكن خيرا لكِ فأبعده وسيعوضك بخيرا منه ، حبيبتي الله العالم بقلوبنا وما تخفيه .. تيقني أنه سيجبرها ❤️ واخيرا .. متبطليش دعا متيأسيش من رحمته ادعي وانتي علي يقين إنه هيراضيكِ .. الله يجبر كسر قلبك بارب ❤️
استوقفني السؤال وبكيت ") حالنا مع الله عجيب ووالله ما نستحق كرمه هذا علينا ولا لطفه بنا ! فعلا بيحصلي حاجات في حياتي بتخليني اراجع نفسي واراجع علاقتي بيه.. ببقي مذنبة ومنتظره عقابه بلاقيه بيكرمني وبيسرلي اموري ال هو يارب انا مستحقش كل ده منك! ولكن عله بعد صبره علي معاصينا وستره علينا يغفر .. عله يملأنا رضا ويرزقنا الطريق المستقيم والتوبة النصوحة ثم مغفرة ثم إلي دار الخلود اسأل الله ان يصلح قلوبنا معه ويجعلها علي الوجه الذي يرضيه عنا ونستودعه ايامنا المقبلة ان يجعلها كلها في طاعته ورضاه