بتشوفي اللي مش عايز مراته تشتغل معقد ؟ يعني لو اتقدملك واحد مش عايزك تشتغلي بتبصيله ازاي ؟
"رجل م حابب أهل بيته يشتغلوا يبقا معقد إزاي يعني ! أنظر ع أول كلمة كدا وبعدين عمل المرأة بهدله مش حاجة حلوة يعني بنكون تعبانين وقرفانين وبعدين بحس الشغل بيحول طباع الأنوثة بجد والله والحاله حاله بس الأهم من العمل عدم تقصير الست إتجاه بيتها نهائي وإلا هتكون ملعونة ..
علي حسب مش عايزها تشتغل ليه هل عشان هو كدة رخامة واللي هو معنديش ستات تخرج برة باب البيت😂 ولا عشان شايف انها من حقها تتستت في البيت وتدلع يعني ولا عشان شايف انها لو اشتغلت ممكن تقصر في شغل البيت وتيجي عليه؟؟
لا عادي بحس ان الموضوع قابل للنقاش
مش فكرة تعقيد هى كل الحكاية فى رجالة بتحب الست تتفرغ لشغل البيت وتربية الاطفال
بس انا طبعا هشتغل
بسمع كلام جوزي😂😂
الناس مختلفة عن بعضها وأفكارهم مختلفة .. ف عادى ان يكون فيه شخص بيرفض فكرة الشغل عنده أفكاره الخاصة بيه واسبابه اللى مفروض نحترمها حتى لو هى مختلفة عننا ف نتقبل ده منبصلوش بنظرة سلبية ..
يعنى لو متقدنلي شخص ما وعايزني اسيب الشغل مثلا ف هوافق فى حالة لو انا حابة اسيب الشغل وهرفض فى حالة انى مش عاوزة اسيب الشغل لان ده مش هيكون مناسب ليا و وقتها هو هيروح لشخص تانى أنسب مش عاوزة تشتغل مثلا بس ببساطة جدا بدون اى حكم على الشخص ده ..
متهيألي حاليا في ظروفنا دي قليل اوي اللي بيفكر كدا بل بالعكس اي عريس الوقتي بيبقي طلبوا عروسه بتشتغل عشان ايا كان مستواه او البوزيشن بتاعه او هو بيقبض قد اي فهو صعب يشيل الشيله وحده وحتي لو شال في الأول كل شويه هيزيد عليه الضغط وأولاد ومصاريف ملهاش اول من آخر وهو اكيد هيحتاج مساعدتك لان هي الحياه الزوجيه كدا مشاركه في كل حاجه عشان المركب تمشي بس بغض النظر انتي اسمعي منه افهمي وجهه نظره اي وقلبي الكلام في دماغك والله دخل دماغك واقتنعتي وحاسه انه انسان كويس وعايزه تكملي معاه تمام وافقي وخدي اجازه من شغلك بس متسبيهوش وان شاء الله كام شهر جواز وهو اللي هيقولك تنزلي تشتغلي😂😂
مش فكرة هشوفه ازاى عادى كل واحد حر ف اللى يناسبه
الفكرة ليه يروح لواحدة بتشتغل يقولها لو سمحت مش عايز مراتى تشتغل ما يروح للى مش بتشتغل م الاول بس 😅
لا طبعا،انا مش ناويه اشتغل ان شاء الله
جدع
