مشكلتي ما اثبت الاسماء و لا التواريخ انسى مرات اللي تكون معرفتي بهم مجرد اسم بدون ما تصير بينا مواقف واقعيه انساهم و لما يقابلوني يتشرهون ليش انسى ايش دراني تفهاموا مع مخي مو معي🧘🏻♀️
بعض التجارب المؤلمه فوق انها زيادة رفعه لك يوم القيامه،تعلمك كيف تحس بغيرك انا زمان ما كنت اؤمن في شيء اسمه اكتئاب كنت اقول وش اكتئاب الواحد يحافظ على صلاته ويدعي و اموره تصير تمام ما كنت استوعب انو ممكن عارض صحي يتسبب في اكتئابك او مرات بسبب صدمه نفسيه او فقد قمت استشعر رحمة الله في الابتلاء فوق ماهو يرد لنا صحتنا و عافيتنا نفس اول يخلينا نرفق في بعضنا و نحس في غيرنا الحمدلله على لطفه و رأفته و الله لو نشكره لين ما نموت ما راح نوافيه حق شكره 🤍
فيه ناس قبالكم سنوات طويله و تعرفونهم زين لكن ما تتعمق علاقتكم الا فجأه لما يمر على علاقتكم ٧ او ٨ سنوات من المعرفه تجيكم حسره صغيرونه تداهمكم طيب هم قبالي طول هالسنين ليتني تعمقت فيهم من بدري ،بس سرعان ما يقاطعكم كلام عقلكم ان كل شخص مُقدر لك معرفته في الوقت المناسب يمكن لو تعمقت فيهم بذاك الوقت كان وعيكم و انسجامكم مع بعض ما صار مثل الحين او ربما ما عرفت قيمتهم لأن بعض التجارب السيئه هي تعلمك قيمة الناس الجيده اللي بحياتك
بلا فيتامينات ولا خلطات ان زانت نفسيتك زان وجهك وحياتك و ربي كم سنه و هالاتي شوي توصل لركبي و وجهي باهت وجربت كل شيء و ما فاد و بس قررت هالاسبوع من بداية ٢٠٢٣ اني اعيش لنفسي و سعادتي تغيرت نفسيتي ١٨٠ درجه و هالاتي اختفوا من نفسهم و وجهي ردت فيه الروح و الفضل يعود لله اولًا و اخيرًا 💙
القطط علمتني صبر الامهات تتعاملين مع كائنات نفس لقافة الاطفال و فضولهم و لكن لا يحملون عقول كنت الوم الامهات لما اشوفهم يصارخون على اطفالهم و اقول اوفر لو انتِ مش متحملتهم ليش تنجبينهم لأن متعوده على ماما و بابا بعد عيني على كثر شقاوتي وانا صغيره ولقافتي كانوا متحمليني وصابرين بس لما اختي جابت ٣ قطاوه و تحملت نص مسؤليتهم لما ما تكون موجوده صرت اشفق على هذول الامهات مرات من قوة الضغط تصيرين تتصرفين تصرفات ماهي من طباعك مثلًا انا مرات لما يطفشوني و اكون مضغوطه اجلس اصرخ عليهم ولما اشوفهم يخافون استوعب انهم حيوانات ضعيفه مالهم عقول عشان يفهمون ايش ابغى و صرت اصبر عليهم و اسكت فاللي خلقها ضيق نفسي و تخاف من فكرة الامومه انها ما راح تتحمل تجرب تجيب لها قطوتين اناث "اذا كنتِ مهوسة نظافه نفسي القطط الاناث انظف من الذكور بواجد " وشوفي كيف تعاملك معهم واذا حسيتي انك تقدرين تصبرين عليهم وعلى شقاوتهم بدون عصبيه ولا ضغوط مع مسؤولياتك اللي عليك فأنتِ تقدرين على الامومه😂🤍🤍
صرت ما احب فصل الشتاء لأن السنوات الاخيره صار جونا ما يتحمله اي كائن حي غير الدببه القطبيه و انا مناعتي بريال و طول الشتاء طايحه بفراشي بسبب هالانفلونزا
2022 كانت سنه من اصعب السنوات التي مرت علي شخصيًا على الصعيد النفسي و الصحي و من الجانب الاخر من اكثر السنوات اللي حققت فيها جزء كبير من قائمة الانجازات و الاهداف و اهمها اني تخرجت من تخصص احلامي و الفضل يعود لله وحده دون سواه صح كانت سنه قاسيه لكن ما زلت واقفه و صامده وهذا خلاني استشعر اني انسانه قويه و دامي عديت هالظروف لوحدي قادره على تحقيق ماهو اعظم من ذلك في نهاية يومي ختمته بدمعه نزلت على وجنتاي المتورمات من شدة البكاء و بعدها اخذت نفس عميق و عاهدت نفسي ان هذي اخر دمعه اذرفها من غير شر و ان الدموع الجايه كلها راح تنزل لفرحه و سرور قررت في هذي السنه راح اعيشها لنفسي راح تكون سنة الاشراق و التجديد و الشفاء من كل النواحي راح اجرب كل التجارب اللي حرمت نفسي منها بدون اسباب منطقيه راح اعطيني كل الحب و العطف اللي كنت اعطيه غيري ولما اجي عند نفسي ابخل عليها راح اسوي و افعل اشياء كثيره بإذن الله، و ختامًا يارب قدرني اني اعيش سنواتي الباقيه من عمري بكل خير و سعاده و بركه و طمأنينه يارب اني صبرت كما امرتني فبشرني كما و عدتني1/1/2023💙💙💙💙💙💙
لما حسيت ان الجانب المادي يطغى بشخصيتي اول قرار اتخذته اني ما اكمل بالمحاماه لحد ما اهذب نفسي ماديًا بالرغم انو الكل كان معارضني اني اغير مجال عملي و كان فيه عدة اقتراحات قدمت لي بابا " اشتغلي و راتبك الباقي تصدقي فيه على الفقراء" ماما " اعملي عند المكاتب كتطوع بدون مقابل" و كلها رفضتها الاقتراح الاول عشاني اؤمن ان النفس ما تتهذب الا بالحرمان الاقتراح الثاني احس لو القى مكتب هدفه غير ربحي راح التحق فيه لكن اغلب المكاتب تمص دم العميل ثم يحولونه علي و اطلع بمنظر المستغله لأن العميل بكل الحالتين ما استفاد شيء قاعده اقدم له خدمه بسبب المبلغ اللي سدده
حلمي اصير كاتبه و عندي مؤلفات يقرونها كل العالم ابي كتاباتي تُخلد لتاريخ نفس المتنبي و غيره من الشعراء و الكُتاب لذلك قررت في هالسنه اسخر نفسي للقراءة بكل انواع الشعر و الادب بشوف وش الشيء المميز اللي كتبوه و صلوا هالمستوى من الروعه
بكل سنه الاحظ تغير بشخصيتي بس سنة ٢٠٢٢ تغيرت ١٨٠ درجه عن اول صرت انضج و اوعى و اكثر حذر و خلقي ضيق و كسرت قاعده ان الصدر الشمالي عمره ما يضيق صارت ابسط هبة هواء تضيق صدري