اغنية نور للفنان زاب ثروت و الفنانه امينه خليل .. منبه صوته عالى فواق عقلى و ترتيباتى يوم المقابله فكرنى بأول شغل ف حياتى مهندسين كتير جدعان و بيسعوا للوظيفه خبرتهم ف الحياه مفيش زى الورقه النضيفه اخر سى فى ف ايدى بأسم نور .. عبد الكريم ورقة مذكرات من النص وقعت بتاريخ قديم نور كان الكبير على بنتين اتنين بالمسئوليه عمره ماشتكى طول السنين صحابه دايما بيلوموه و ضغوط كتير عليه يبنى هتعمل ايه بالعلم و بالدراسه هتبقى ايه سؤال عارف ايجابته فا عمره ف يوم ماحيروه امه دايما ف ضهره تسنده و تصبروه بس فجأه .. مرض ابوه بقى ياكل فيه و يكسره . لازم يلحق اخواته و بيته قبل مايخسروه نزل ورشة ابوه و قال للناس هنسى العلام شهور و اتقال عليه اوسطه زى ابوه تمام ف السر كان بيذاكر و الدكاتره قدروه عرفو ظروفه و مشاكله ف الغياب استحملوه يوم ماستلم الشهاده كان طاير فوق السما مهندش ميكانيكا قد الدنيا انما خبر وفاة ابوه كان رصاصه هتقتله كتر الهمووم من صغره قدرت يوم هتصبره الورقه قلبتها و ف عقلى بقول ده مش هيقع و للوظيفه خلاص اخترته لانه جدع -------------------------------------------------------- لا انا هتحط على الهامش .. ولا هقبل اكون ع الرف دى الدنيا بتمشى عشان احنا ف نفس الصف انا بسبق .. بتحدى .. ظروف انت مابتعشهاش و دور هو لا يمكن يوم هايكمل غير بدور هــــــى --------------------------------------------------------