بعد كسر حواجز معينه جواك تجاه شخص بيجيلك نوبه من الخوف والقلق ، دماغك بتلف وتدور فى سؤال واحد ، هو هيكون قد الثقه دى ؟ بتحس ديماً إنك محتاج أفعال تطمن أفعال تدل إنه باقى ومش هيتغير وده أصعب شعور فعلاً ممكن تقابله .
أكتر حاجه بتخوفنى فى حياتى إني أبقي الجزء الوحش فى حياة أي حد أو حتى فى يومه!.. يعنى مثلاً ساعات كتير بسمع ناس بتقول على حد داخل علينا: (يوه أهو جى أهو.. أو لأ لأ إنت ماتقعدنيش مع كذا.. أو لأ مش هاجى المشوار ده عشان مش عايز احتك بالشخص ده).. بقعد أفكر هو ممكن يكون حد بيشوفنى كده؟.. بحب أبقي خفيف على الناس و أبقي الجزء مش هقول الحلو بس على الأقل الجزء الظريف، والمحطه اللطيفه اللي بيعدى عليها أي حد قريب ليا فى يومه.. أنا آسف لأي شخص كنت الجزء الوحش في يوم من أيامه.
المشكلة إن الناس ساعات بيخلوك تستكتر حلمك على نفسك من كتر انتقاداتهم ومن كتر إحباطاتهم الشخصية اللى مش قادرين يشوفوا حد غيرهم إتعداها وبدأ يعمل حاجة.فى ناس لما تيجى تقول حلم يقولك بس ياعم كلام اللى فى الهوا ده ومش واقعيين وبتحوروا على الناس رغم إن كل حاجة إحنا عايشنها انهاردة هى أحلام ناس إتحققتمن أول الFacebook اللى انا بكتب عليه الكلام ده مروراً بالموبايل ولا الكمبيوتر اللى إنت بتقرأ عليه الكلام ده بالكهرباء اللى مشغلة الحاجة دى.لو ماكنش فى ناس بتحلم ولو كانت الأحلام كلام فارغ كان زمانى أنا وإنت قاعدين فى خيمة ومولعين نار حولينا عشان ندفى.. ما تخليش حد يموت حلمك .. ماتخليش حد يحبطك إحلم! #انت_اهم