يخطرلَك إنك ما عاد تعنيني .. إنّي عم مثّل الحب !! إنّي بطّلت إفهمَك وما عم تفهم ليه هيك عم بعمِل ؟!يخطرلَك إنو مستحيل ترجع اللهفة الأولى وإنو كل شي مات .. ماتوإنو نحنا .. كنّا مناح .. و بدّك تنسى معي .. كيف كنّا !!يخطرلَك إنّي أحلى وأبشع شخص ممكن تلاقيه ومن بعدِي ما عاد بدّك تحس , ولا عاد بدَك تلاقي تقوم ترجَع تحس .. وتلعن أبو ضعفَك وهزيمتك يخطرلَك إني دايماً عم بهزمَك بـ ذكرياتنا ال ما تتنسىبـ صوتي , بـ لمستي , بـ خضوعي لـ مراضاتك :)وأنا مين قلّك ألف مرّة : فاقدُ الشيء هو أكثر من يعطيه !!لمّا بعيش عُمري بلا حُب , بلا وفا , بلا صدق .. بتصدق ؟! بتصدق إني ممكن إتخلى عنّك بـ أي نزوة ؟!أصلاً كل شي ما حلو .. عشتو بسببي هو نزوةبحب فيك .. إنّك الأساس بـ كلشي بحب فيك .. ظلمك إلي , شكك , وكلشيبحب فيك .. إنو يخطرلك حبيبَك صار تاني !!جلَّ من سوّاك , من أعطاكَ قلبي دون رجوع جلَّ من لم يشبّهك بـ ثاني جلَّ من خلقني لـ دلالِك , فـ جعلَكَ على عرشٍ من وريدٍ و دم !!نشيل هلأ كل فلسفة الحكي نشيل هلأ كل محاور الحديث عن شخص غير معلوموبحكيلك .. كل شي عنّا .. وحدنا معلوم :بحبِّك .. غصب عن أخطائي .. مكابرتي .. كرامتي بحبِّك .. غصب عن كل مرّة تخبصي فيها و ما ترضي تعترفي بحبِّك .. غصب عن كل حدا حاطط عينو عليكي .. غصب عن حبيبك القديم ال بخاف كتير تشبهيني فيهبحبِّك .. غصب عن النصيب , عن بنت تانية عاجبتني !!وتضلّك إنتي .. يا بنت الكلب .. قَدَري و حذفي و حتفي وتضلَك إنتي .. مهما غلطت أنا .. حبيبتي الأخيرة :) _________________________________ يسر دولي