دايم افكر هل ربي بيرزقني رجل مع اني قبيحه هل فيه سعودي بيرضى يتزوج وزوجته تكون كانها فلبينيه يعني خشم مفغوص وعيون نقط وجسم عريض زي الرجال ؟؟! والله عجزت اتفائل اني اتزوج لان وجهي قبيح حتى لو حطيت مكياج كاني عامله مو سعوديه ابدا هل اهل زوجي راح يتقبلوني ام لاحفادهم؟؟عجزت اتفائل بسبب وجهي
مافي أحد كامل شوفي الأشياء الحلوة فيك وحاولي تركزين عليها بتحبين نفسك وبينعكس على الناس اللي تشوفك.
ورزقك ونصيبك مكتوب
وش قاعده تقولي 😩!
مافيه بنت قبيحه وكل بنت لها مميزاتها، وكل وحده لازم تعرف لنفسها وكيف تبرز جمالها 💗.
أول خطوه لازم انتي تحبين نفسك وتعزيها ولازم تعطي نفسك قيمتها، وهالشي راح ينعكس ع نظرة الناس لك؛ لأن "نظرة الآخرين ماهي الا انعكاس نظرتك لنفسك🙏🏼."
ف حبّي نفسك واهتمي فيها أولًا!
الامور الغيبية لاتجعليها عائق عليك
الله سبحانه خلقك والله كاتب رزقك ونصيبك ..
اللي عليك تفكري فيه تطوري من نفسك وشخصيتك وثقافتك
الموضوع نصيب مو شكل بعدين كل جنسية وشكل لها جمالها الخاص اهم شي العنايه والاهتمام وحتى العاديه تصير جذابه وتفتح النفس اذا اهتمت بنفسها بس انتي اذا ماشفتي نفسش حلوه بتتعبين وتتعبين اللي بيتزوجش حتى لو شافش حلوه
الحمدلله الذي احسن خلقه
اذا حبيتي نفسك بتكونين حلوه وكل خلق الله زين مافيه شي واحمدي ربك والفلبينيات مافيهم شي بعد تغلطين ع الفلبينيات والعاملات عجيب امرك؟ موب اوادم هم وفيه اللي يحبهم ويتقبلهم
جمال الوجه زائل لكن جمال الروح يبقي ❤
!!! ياحبيبتي صلي على النبي اول شي محد قبيح على قولتك رب خلق بني ادم ب احسن تقويم ثاني شي لا تقولين عن نفسك كذا لان بمنظورك بتشوفين نفسك فعلاً كذا ، لازم تشوفين نفسك انك حلوه وجميله والكل يبيك وميت عليك عشان تتغير نظرتك لنفسك وتصيرين كذا فعلاً ، وابعدي عنك السلبيه ذي وقومي سوي لوكات جديده بنفسك
يوووه ليه تقولين عن نفسك كذا ! مافي احد قبيح حبي نفسك وقتها كل الل حولك يشوفوك ملكه جمال تكفين لاتقولين كذا كل الناس حلوين لذلك "الناس اذواق" يمكن انتي موعاجبتك غيرك عاجبته
المشكله مو في شكلك
المشكله انك قلتي (هل ربي بيرزقني )
معناها انتي شاكه بقدرة الله سبحانه وهذا اكبر غلط
اذا دعيتي وكنتي واثقه ان الله راح يستجيب ، راح يستجيب لك صدقيني
اما اذا كان عندك شك ان الله ماراح يستجيب وان اللي تبينه ماراح يصير هنا اقولك انتبهي انتي على غلط كبير ولازم تثقين بربي عشان بحقق لك ويستجيب
اقري عن الثقه بالله
وكيف بسببها ان الدعاء والمعجرات تحققت
اقري وتثقفي عن الدعاء
وانصحك تابعي برنامج ( اجمل دعاء )
لشيخ مشاري الخراز
وبرنامج ( بدل البلاء الى العطاء )
لشيخ مشاري الخراز
كلها في اليوتيوب راح تغير حياتك وراح تشوفين ان مافيه شي مستحيييل ..
