عندي مشكله ،، توظفت تقريبا قبل اربع سنين وكنت منقبه والصراحه ما كنت مرتاحه وقررت وظيفتي الجايه بتحجب ،، وصدق سويتها بس اهلي مايدرون لان عارفه بيرفضون وانا خلاص كبيره عمري فوق الثلاثين ،، المشكله اني قابلت احد يعرف عايلتنا وخايفه يقولهم ! 💔
خايفه من الشخص ومو خايفه من ربك هههههههه
وين المشكله؟
الله يهديك يوم انك تعرفين ان هذا الشي ممنوع ليه ماتركتيه ماتدرين يمكن الله يرزقك بالوظيفه اللي احسن
للأمانه مدري وش اقولك ، بس اكيد انتي عارفه انو تصرفك غلط بنفس الوقت مجتمعنا متعب عنده العادات والتقاليد فوق كل شي !
وهذا الشي كرهنا في امور كثيره ..
مع ذالك صار في تفتح بشكل ملحوظ صراحه ، بس تدرين رغم انك مو من هالجيل بس تأثرتي على طول بالمحيط اللي حولك وصرتي ماتحبين النقاب
انا تقريباً من جيلك انتي اكبر مني بكم سنه يعني انا شهر ٤ اجنبي ادخل ٢٩ مع ذلك ماتأثرت باللي حولي وحابه النقاب ومتمسكه فيه حتى لو في يوم من الأيام يجيني شعور اني ابي اتحجب احس استصعبها .. فـ انتي شوفي راجعي نفسك واذا وصل لهم الكلام مافي الا انك تصارحينهم ، اتمنى افدتك لو شوي 💛
النقاب مو عائق او حرج يمنعك انك تشتغلي او تطلعي الغلط انك تسوي شي من ورا اهلك حتى لو كان بسيط او كبير فهمتي كيف 🤍🤍
حطيهم انتِ امام الامر الواقع
كلميهم وواجهيهم انتي افضل لانو يسمعو ويعرفو منك احسن من لمن يسمعو من احد تاني❤️
ما اشوف مشكلة حقيقية لكشف الوجه خصوصا مع وجود الكمامة وما اعتقد ان هالقريب بيكون ملقوف لهدرجة 🤨 في مثل هالمواقف وقفي التفكير والعذر بسيط هو انك بمكان كله نسائي والشخص دخل عندكم
مادري كيف عرفك وانتي طول عمرك منقبه بس مو مشكلة قولي لهم ذاك اليوم كنتي مصدعة و فكيتي النقاب شوية ☻.
مايخاف الا اللي مسوي الخطأ وعارف انه خطأ
- اذا مقتنعه تمام القناعة باللي سويتيه
اذا فتحوا الموضوع معج ناقشي وتفاهمي بعقل ..
