كلمة لنفسك
حب فيكي قوّتِك ، بحب ابتسامتِك اللي بتطلع لما تحسّي انك ممكن تتوِجعي ، بحبّ طريقة تفكيرِك حتى لو كانت بالنسبة لناس كتير غلط ، بحبّك وانتي بتقاومي ، بحبّك لما بتفهِّميني الناس مِن اول نظرة ، بحب عِنادك ، بحب نظراتِك القوية وملامحِك البريئة ، بحب قلبِك اللي محدّش فِهمه لحد دلوقتي ، بحب غموضِك ، بحب عيونِك اللي مجرد مَ تخلصي عِياط تمحي أثر دموعِك عشان محدش ياخُد باله ، بحب ضعفِك اللي مخبياه جوّاكي وموش بتبينيه الا لما نكون انا وانتي لوحدينا ، بحِب فيكي جُرئتِك ، بحب طريقة حكمِك على الناس ، بحب مشاعرك الكبيرة ، بحب كرامتِك اللي حافظالها قيمتها قدام أي حد حتى قدّامي ، بحب انتِقامك من اللي بيوجعني ، بحب ضِحكتك اللي صوتها عالِي اوي ، بحِبك لما بتتكلمي معايا وتساعديني في اتخاذ قرارات كتير مَ اعتقدش اني اقدر اخودها لوحدي ، بحب ايديكي اللي بتطبطب عليّا لما ازعَل وتمسحلي دموعي ، بحِب حضنك اوي ، بحب تحكمك ومقدرتك في السيطرة على مشاعري ، بحب أنانيتك في الحاجات اللي بحبها ، بحب غيرتِك عَ الناس القريبين مني حتى لو هما موش مقدرين دا ، بحب التفاؤل اللي عندِك ..
Liked by:
أحمد
HeBa Ashraf
