يحكى.. أن هناك عجوز تضع السم للطيور وتستمتع بقتلها، بسبب #خيانه عشيقها قبل اعوام مع بائعه الطيور !! كم هو مخيف كره النساء !
......
مساء الخير /#اميرة كل النجمات
أتغزلك بحالي ؟! انا اشطر شب تقريبا في كب الزباله بأسرع وقت ممكن ،، حتى لما احمل كياس الزباله بحملهم بترتيب وتنسيق ،، وفي من الكياس اللي بتنقط مي ،، بعمل فيها خط بالشارع ،، ومرات بكتب اسمي بنقط المي ،، والمركز الثاني عالميا بالدخول بين الازمة كيف ليش مين بتعرفيش بتلاقيني اول واحد بحس انو مراقب الدور قاعد وراي وبقول : بالزززبط يا كبيييير ? و انا من المصنفين بالعالم العربي في سرعتي في الطلعة عالسطح مشان اشوف اذا المي جاي واذا الخزانات مليانه !! بحط ذاني عالتنك بعرف لوين واصلة المي ،، فوق المواسير ولا تحتها .. بضرب ايدي عالتنك بعرف متى رح يصير فُل ،، تقول بطبطب ع بطيخه !! ودخلت موسوعه غينيس للأرقام القياسية بأول شب بجلي الصحون وعندي طريقة من الاخر تقول جلاية :-) انا مصنف عالمي بـ فرد الجرايد تحت الأكل ،، طريقة ٤-٤-٢ ،، اربع جرايد عالزوايا واربعه بالنص وتنتين فوق بعض مشان اذا كان في صينية سخنه ،، لازم ينحط تحتها جريدتين !! وكنت زمان اشطر واحسن وادق شب في المسد كول ،، برن وبسكر بدون محد يقدر يفتح عليي خط ،، بدون مأحط السماعه ع ذاني ،، وغير هيييك مصنف عالميا كأول شب بعرف يطبخ وك بطبخ كل اشي حتى الاندومي :-) هذه بعض من هواياتي