@tri_uni_col_eng

Mǿĥส๓๓ěđ Aļ-Tăbƴb

Ask me anything Follow
❤️ Likes
show all

What others replied to:

غدوه عندي مقابله نظره شرعيه ،حد مجرب يقولي شن عاده يسألوا وهل نرفع معايا شي ولا لا

show all (28)

Jouran7639’s Profile Photo
Jouran
توكل على الله وهيئ نفسك بش متتوترش والموضوع انك بتشوفها هل ترتاحلها وتتقبلها او لا مش مطلوب منك جهد ف اي شي ولو صار نصيب لاحق ع شروط وهكي
لكن ع اغلب اسمك مواليدك شن تقري اي عام تتخرجي ومفيش اي شي مغين ينسأل
ولو البنت تعرفها ومعجب بيها ارفع ورد وشكلاطة قيم القدر قدامها
وربي يهنيك
salahaldienaghribil’s Profile Photo
يوهان ヨハン
ان شاء الله ربي ايسرلك و يفتحها عليك ، ما نعرفش بالضبط شن ياخذو معاهم ، بس تقريباً كعادات تاخذ معاك حلو و باقة ورد ، المهم تسألها ع الحياة الاجتماعية و العامة و تشوف وجهة نظرها ، على سبيل المثال مجتمع الإناث بعد تجيه فالجد تقولك نبي نكمل قرايتي ، مرات انت ماتبيهش تقرا ، ومرات من النوع اللي طموحها عالي وتبي تسوق وسيارة و غيره ، لازم تفهم تكفيرها و تتفق معاها من الأول قبل ما يكون الموضوع كهيئة او مظهر ، لازم تكون متوافق معاها عشان ما يصيرش فيه وجيج قدام ، و ان شاء الله فيها خيره 🙏🌹
7
eman_mohamed_98’s Profile Photo
eman_mohamed
ارفع معاك بكلاوه هكي المتعارف عليه
لو عندك شروط قولها
ولو ماعندكش اسأل اسئلة عادية باش يبدا في حوار بينكم
وتسمع صوتها وهكي
كيف حالك كان تقرا اما سيمستر وين بالضبط
هو انت حتكون تعرف المعلومات هده ولكن اسمعها منها
وقبل كل شيء عرف بنفسك وبس

+ 2 💬 messages

read all
2
mariamgamaliqzeet’s Profile Photo
Maryoma
اول امس كانت عندي مقابله شرعيه هوا جاب معاه سفرة بكلاوه متع 30 طرف هكي
وطبعا خشيت مديتله القهوه حكالي عن طبيعة شغله وشدلي شن شروطك شن الحاجه اللي تبي تقوليهالي باش من توا نبدو واضحيين ومتفقين واني راعشه ربي عالم بحالي من الحشم....... حصيلو هوا راحت عليه البكلاوه واني رعشت عالفاضي لان ماصارش نصيب 🤣😂

+ 4 💬 messages

read all
2

Language: English

4.1

1,266,418 reviews
© Ask.fm 2024