لو بحب واحدة جدا وحاولت كذا مرة اقولها وساعات بحس انها بتحبنى بس مش عاوزة تقولى عشان هى محترمة جدا وأهلها ناس محترمين ومينفعش تقولى حاجة زى كدا الا لو كنا مخطوبين ،وحاولت اخطبها بس أهلها قالوا أما تخلص الجامعة وانا بحبها جدا وخايف استناها لما تخلص وتطلع مبتحبنيش وخائف اشوف غيرها تطلع بتحبنى،اعمل ايه
في بنت معايا ف الدفعه عملتلي مشكلة و طلعت عليا سمعه وحشة اني بكلم اولاد ووببعت صوري لهم صور مش كويسة يعني و حقيقي بوظت سمعتي وربنا يعلم اني معملتش ولا حاجه من دول بس هي طبيعتها كدة بتحب تأذي الناس الي هي بتغير منهم دلوقتي انا مبقاش عندي ثقه ف نفسي بسببها معرفش اذا كان الكلام وصل لكل الدفعه ومش عارفه
في كلمة بايو او Bio = نبذة مختصرة عنك و دي بتلاقيه ف الاعدادات هنا او هتدخل ع صفحتك و هتلاقيه ع اليمين او الشمال و بتكتبي فيه اي حاجة مميزة بالنسبالك زي تاريخ ميلادك او اي حاجة و كمان ممكن تكتبي بلدك اللي انت عايشة فيها .. واضح؟
انا دلوقتي ممكن ابعتلك سؤال فيه كلمة space .. حلو؟ .. السؤال دا معناه انك تقدري تجاوبي عليه ب أي جملة نصية او صورة عندك في معرض الصور .. صورة قطط او ورد او اي حاجة ع زوقك بقى بس ..فهمتي؟
هتلاقي كلمة مساحة كتير هنا .. مساحة معناها فراغ و لما حد بيبعتهالك معنى كدا انك تقدري تنزل صورة او كلام تكتبيه .. المساحة ليها كذا شكل .. هتلاقي كلمة space و مساحة و ممكن تلاقي الشَرط دي - او نقطة او قلب او اي رمز .. فاهمة؟
انا دلوقتي ببعتلك كيو يعني ببعتلك سؤال عندك و انت بتأنسري عليه بابلك يعني بتجاوبي عليه و أي حد بيدخل عندك بيشوف الكلام اللي انا ببعته و اللي بتجاوبي به .. فاهمة دي؟
كلمات كتيرة هتقابلك فالاسك زي .. followed .. انسر = answer .. كيو = question .. هتلاقي حسابات كتيرة بتتكلم ف كلام قذر .. طبعاً عشان شافوا صورك و ماصدقوا انك مش فاهمة حاجة ف الاسك عشان تتكلمي معاهم .. دول يترموا ف الزبالة و تعمليلهم بلوكات و ريبوت م غير تفكير و مترديش ع حد منهم عشان هيفضل يضايقك