أولاً : نستعين بالله طبعاً و ندعي دايماً إننا نقدر نتخطي المرحلة دى بسهولة و نخرج منها و جروحنا دي ملتئمة 💔 ثانياً : الانشغال بأي حاجة سواء دراسة أو شغل أو أي حاجة نقضي بيها علي الفراغ اللي بيخلينا نفضل نفكر في اللي حصل و بيصعب علينا الموضوع اكتر ثالثا :ً لازم نكون متأكدين إن كله بيعدي و الإحساس السئ اللي بنحس بيه دلوقتي أيا كان هو إيه مش هيدوم و كل ده هيكون بعد كده مجرد ذكريات نفتكرها و نبتسم بعدها ابتسامة سخرية إننا ازاي كنا زعلانين و مجروحين و متأثرين اوي كده و مكناش عارفين إن اللي حصل دا كان خير كبير لنا و احنا كنا جاهلين بده ❤ المهم يكون عندنا حسن ظن دايماً بربنا و إن أمره كله خير و إن أكيد فيه حكمة من اللي حصل ده 💕
أقصد يعني إن واحدة زيك أي حد يتمناها و اكيد بيتقدم لها عرسان كتير ليه متتخطبش بقي لحد دلوقتي ؟
مش فاهمة برده إيه العلاقة و حاسة إن السؤال مستفز بس هرد عليه كلنا مستنيين الشخص المناسب و أول ما هنلاقيه مش هنتردد اكيد بالارتباط بيه مش هتفرق بقي كام حد اتقدم و اتمني و حب و لا مهم كمان الشخص المناسب ده هييجي امتي و فين و إزاي المهم إنه ييجي زي ما اتمنيناه ! و في الأول و الآخر الشخص و الوقت دول نصيب و مفيش حاجة متعلقة بالنصيب اسمها " ليه ؟ "