Space
في حاجات كنا فاكرنها انها محبه وتواضع وانك بتستحمل وجع الناس..لكن فجاءه مع الوقت تكتشف ان كل ده استغلوه غلط. بدل مايبقي سبب انك تبقي غالي عندهم اكتشفت ان كرامتك بتتهان.. وان شخصيتك ممكن تداس.. ولو داسوا عليك وماستحملتش يقولوا( يا خساره كنا فاكرينك سند.. كنا فاكرينك جدع. ) بس عاوز اقولك العيب مش بس منهم. لكن مننا احنا كمان. احنا اللي افتكرنا كتر المشاعر اللي من غير حكمه ولا حدود هي الصح كنا لازم يبقي فيه حكمه لان الحكمه في العلاقات هاتنجيك لما تلاقي حد ماستحملكش او لما تبقي انت فعلا مش قادر ومحتاج زيك زيهم... والعيب منهم لانهم افتكرونا حديد مش تراب اكننا ماينفعش نتوجع ولا حتي نقول مضايقين...حب واستحمل الكل وشيل هموم الناس بس وسط كل ده عرفهم انك بشر ..واللي في قلبه محبه ليك هايستحملك يوم وجعك اللي مش قادر تشيل فيه.. واللي في قلبه مصلحه بس مش محبه هاتلاقيه مش طايق انك تقول مضايق مش قادر استحمل..
Liked by:
mohammed
