انا هقول حاجه مقدرش اقولها من اكونتى اللى باسمى بس انا فعلا محتاجه اقول ده انى شخصيه بتتاذي بدرجه كبيره بتعرض لكميه تخلف وتنمر وتعليقات زى الزفت بحجه الهزار عقدونى فى حياتى كرهونى فى شكلى وفى لبسي وفى استايلى اللى كنت راضيه عنهم ١٠٠% وفى الاخر الغلط بيجى عليا بردوا حقيقي الناس مؤذيه لابعد درجه.
الدنيا بتلم ورقها قسما بالله
خلي عندك ثقه في الله سبحانه وتعالى أولا ثم في نفسك الله خلقك واحسن الصوره ولا قيمه لكلام الناس ولا حتي افعالهم
متحطيش الناس فى دماغك لان مفيش حد فى الدنيا عايزك تبقى احسن منه وطالما الناس بتتنمر عليكى أو بتضايقك اعرفى انك احسن منهم وانك مسببه ليهم حرقان وعامللهم خرم فى دماغهم
الانسان لو فضل يمشي ورا كلام الناس هيتعب جدا وممكن يوصله للانتحار لأن ف مصر الناس بتتعامل مع التنمر ع أنه هزار ف نصيحه كبري دماغك ولا تفكري في الناس واعتبريهم مش موجودين وال يتنمر او يقول كلمه ردي قدامه بعشره
خليكي واثقة ف نفسك ، ظايما العين مبتكرهش غير الاحسن منها ، لانك لو اقل منهم فعلا مش هيبذلوا مجهود يتريقوا ، ولو حتي ... أتعيبون الخلق أم الخالق ؟
اما بالنسبة للبسك بقا الي بيصرف عليكي جنيه يتكلم ، متقعديش مع ناس تقلل منك ابدا ومن لبسك ومن مظهرك ومن شخصيتك ، خليكي وسط الناس الي شايفينك حاجة عالية ❤️❤️❤️
الناس مؤذيه و بنت وسخه في كل الاحوال و في كل حته عشان كده لازم تتعلمي تبقي بجحه و تردي ببجاحه و تخليكي قليله الذوق زيهم و توقفي الناس عند حدها
متسمحيش لحد يعمل كدا ، اكسفيهم وخدي حقك
تجنبي المؤذي م تسمعيش لحد
علي ثقتك بنفسك بانك تعملي اكتر حاجه تحبيها وانتي مميزه فيها ودايما صلي الصلاه في وقتها وخلي ليكي ورد قرآن يوميا واتمسكي بحبل الله الله كويس
معاكي حق الناس فعلا مؤذية و بياذوا اكتر لما نديهم فرصة لما حد يقولك لبسك وحش قوليله ملكش دعوة عاجبني انا اللى لابساه مش انت لما حد يقولك ايه الحبوب اللى في وشك دي قوليله سبحان الله اللى اعرفه ان وشي مش وشك لما حد يحاول ياذيكي وقفيه متديهوش الفرصة يكمل و اللى يزعل يتفلق محدش هيزعل عشانك فمتزعليش عشان حد غيرك 🤍🤍
