كل شي يصير معاك في الحياه يعطيك زخم في كل شي في فهمك في تفسيرك في توقعك في تحملك في مقارنتك كله فائده ليك انتي بس مش كل فائده أثرها وقتي وسريع الظهور فاصبري قبل ما تعبري كلامك من ذهب فلهذا خودي وقتك وفكري. وربي يحفظك ويسعدك
نستغرب من الاشخاص في طريقة ردودهم اشخاص تكون ردودهم حادة وجارحة احيانا
واشخاص يستفزوك باسلوبهم في الرد او الاجابه واتكون ردودهم خالية من الالباقة والذوق
انا شخصيا مايعجبنيش سؤال مانجوبش وما انجرحش حد بالكلام ولا نحرجه
خاطري في حد نشكيله ويطبطب عليا من غير ما نخاف يجس يوم يتشمت فيا او يضحك عليا حد يحس باللي نحكي فيه ع الاقل يوضحلي ان حاس بيا خاطري في شخص نشكيلة و ما يقعدش يعزر فيا بيه
مش شرط شخص يعرفي ولا نعرفه عادي حتى و لو لا نعرفه و لا يعرفني هكي كل ما نتضايق نشكي و تشكيلي و بس يا ريت يديروا برنامج رسائل هايد
نطلب منك طلب خش أو خشي اسمع،ي غناية جميله وما ريت كيفك جميله للصافي وشوف،ي قداش الغنايه اطبطب علي روحك ونفسك وجوارحك يا حساس ،ه كلامك اثر فيا هلبا ربي يحفظك ملك،ه.❤️