لولا نعمة النسيان مكنش حد فينا بدنيتنا هيقدر يعيش ! .. واللي عاوز من جواه ينسى عشان ينهض بنفسه ويقول ( قدر الله وما شاء فعل ، رضيت يا الله فلك الشكر والحمد ) الوقت اللي خلقه الله هينسيه بتوكله ع الله وسعيه في الدنيا ..
قوم ونفض من على قلبك تراب الالام وابتسم وادعي من قلبك واعرف ان الله لا يعجزه شيء في الارض ولا في السماء فهل مش هيزيح من على قلبي احزان الماضي ؟!! حاشاه سبحانه وتعالى .. تجارب وخبرات لأولي الألباب
لو يا صاحب السؤال عملت ده هتعرف مع الايام ان شاء الله ان الألم ده عز الخير وان المحنة اللي عشتها وسعيت في نسيانها اتقلبت لمنحة ..
يقول الشاعر : دع المقادير تمشي في اعنتها ولا تبيتن إلا خالي البال ، بين طرفة عين وانتباهاتها يغير الله من حال إلى حال .
{ أمن يجيب المضطر إذا دعاه ويكشف السوء }
وتخاف ليه وربنا معاك ؟!
الظروف صعبة والاحوال صعبة تمام لكن ربنا موجود يا صاحبي ، محتاجين نقرب من الله ونحس بمعيته جوانا ، ربنا كده كده معانا ومع الكل ولكن انا اقرب عشان احس بمعيته ..
متخافش يا صديقي من أي شيء ده زي ما قال الشيخ الشعراوي ان اللي بيقع في قضية ويوكل محامي بيرتاح شوية ان في حد هيساعده فما بالك يكون معاك المحامي والشاهد والقاضي والمنفذ ؟ ولله المثل الأعلى ..
اطمن خالص ، انت بس اسعى واعمل اللي عليك وصفي ذهنك تماما واستعن بخبير يرشدك وقرب من الله وتوكل على سبحانه وحط ايدك على قلبك وقول الحمد لله ولا إله إلا الله والصلاة والسلام على رسول الله وان شاء الله كل مخاوفك تزول ..
مش كل حاجه معاملة بالمثل وإلا يروح فين الإحسان ؟!
اوقات نسامح ناس متستحقش واوقات نكرم ناس متستحقش وهنا الأصل عشان لله وعشان أحب الناس تعاملني زي ما احب أعاملها وعشان قول الله تعالى { وأحسن كما احسن الله إليك } .. وربنا احسن إلينا كتيير واحنا بنعصيه !
ومحدش عارف لعل الإحسان يغير كل شيء مع اللي قدامك للأفضل { ادفع بالتي هي أحسن فإذا الذي بينك و بينه عداوة كأنه ولي حميم }
الإنسان المؤمن المحسن زي الشجرة المثمرة لو رميت عليها طوبة ينزل منها أطيب الثمرات ، ومتنساش { إن الله مع الذين اتقوا والذين هم محسنون }
عن ابي هريره رضي الله عنه قال " كانَ النَّبيّ ﷺ يُعجبُهُ الفَألُ الحسَنُ ( الأمل والكلمة الصالحة) ، ويَكْرَهُ الطِّيرةَ ( التشاؤم ) " 🤍
أربعون ل أحمد الشقيري.
يا صباح الخيرات 💛
قال رسول اللهﷺ " إذا استيقظ أحدكم فليقل: الحمدلله الذي رد علي روحي وعافاني في جسدي وأذن لي بذكره "
لا تنسوا اذكار الصباح ولا تنسوا فلسطين من دعائكم 🇵🇸
عودة للجيش مرة اخرى دعواتكم بالتيسير🙏
ساعات المكان اللي فيه سلامة النفس مش مكان خارجي لكنه بيكون مكان داخلي جواك وهو قلبك .. طالمة القلب جواه سلام نفسي بيقدر يخلي العين تلبس نضارة بألوان يشوف بيها الدنيا والأمكان كلها او اغلبها حلوة وان الاقدار ولو كانت في بعض منها الظاهر منها صعب ومؤلم الا إنها برضو في نظرته لها بتكون خير .. فيارب دايما قلوبنا تكون في سلام نفسي .
بالمناسبة انا رايح بكرة بعد اجازة لمكان مفيهوش سلام نفسي ومش بإرادتي وهو الجيش فدعواتك يا صاحبي أخلص ع خير وان ربنا يزرع في قلبي السلام النفسي اللي اتكلمت عليه فوق .. الله ياخد بإيدينا ويسعدنا .
+ 2 💬 messages
read all
تشمر ايدك يا صاحبي وتتوضى كويس جداً وتفرش المصلية وتستقبل قبلتك وصلي بهدوء وفي السجود ادعي ان ربنا يرزقك بناس تفهمك وتسمعك وتنصحك وبعد ما تخلص الصلاة ارفع ايدك وادعي واحكي وفضفض مع ربنا ، والله ما في راحة زي انك تحكي مع الله هو فاهمك وعارف ظروفك كلها كلها وهيحب انك تقرب منه بالدعوات وتطلع كل اللي في قلبك مع سبحانه وان شاء الله بأمر من الله يسخر الله ليك في رحلة حياتك حد ترتاح في الكلام والفضفضة معاه .. ربنا يسعدك يا صاحبي 🤍
اللي جاي فيض من الخير بإذن الله بس اصبر واصبر واصبر ومتيأسش ومتقفلش أي باب مع الله بل افتح ابواب اكتر مع سبحانه واللي مع الله لا يضل ولا يشقى أبدًا فربنا ياخد بإيدينا يارب 🤍
اكيد من الأفضل المشاركة بين الزوجين ولكن لعل عنده سبب ما فممكن بإسلوب لطيف حضرتك تطلبي منه المصارحة مش عشان حاجة غير انك تحسي بالثقة التامة وانك الحمد لله عايشه معاه في امان وانكم ايد واحدة ولكن عاوزة تعززي الثقة بينكم لعل حضرتك تشاركيه بأفكارك بحيث تدخروا اكتر او بطريقة او بأخرى تسدوا احتياجات ليكم ولأولادكم او تعرضي عليه افكار كصدقات او مساعدة محتاجين من اهلكم مثلاً وهكذا .. وبنفس الوقت هو لا يأثم او عليه حرج انه يخبي طالما حقوقك محفوظة وامور البيت ماشية تمام ولكن اكيد الافضل اظهار مقدار راتبه والمشاركة سوا في اللي ينفع دنياكم وآخرتكم .. فحضرتك بلطف تام تطلبي منه المصارحة مش طمعا او تقليلا من شيء ولكن للمشاركة بما يعود عليه توطيد الثقة بينكم وزيادة الود والحب وربنا يكتب ليكم الخير يارب ويبارك فيكم .
+ 3 💬 messages
read all