ياحبييييلك شكرا الله يوفقك بس بسالك اللي 130 مقعد قصدك البشري ولا العلوم الطبيه؟ واذا كان بشري ماعندك فكره العلوم الطبيه كم؟ :**
العلوم الطبية عبارة عن اقسام كثيرة مثلا المختبرات له مقاعد والاشعة لها مقاعدها فصعبه علي اعرف كل قسم ومقاعده بس خلي ببالك كل سنة تختلف عن الثانية. ربي يوفقك ويحقق لك كل اللي تتمنينه لا تخافين من ناحية المقاعد انتي بس شدي حيلك وصدقيني اللي تبينه بتوصلين له بإذن الله.
تقسيم الوقت هذا ما طاع يمشي معي من بداية السنه وانا احاول ما عرفت له لازم شي يغلبني والوقت كله يروح عليه
اهم شي لا تتوترين ولا تضغطين على نفسك اهم شي بالسنة التحضيرية تكون نفسيتك مرتاحة. خلينا نتخيل عندك اختبار انتي ابدي فيه قبل باسبوع مثلا انا افضل اني ابدا اذاكر لاختبار قبل باسبوع وكل يوم اذاكر فيه ساعتين واستفيد من باقي يومي يعني اكون ذاكرت وماضاع يومي وبنفس الوقت جلست مع اهلي وطلعت من البيت وتكون نفسيتي مرتاحة. يعني اذاكر قبل باسبوع وانا مرتاحه ولا اضغط على نفسي قبل الاختبار بيومين فهمتي؟ انا مثلك كنت اطلع مره متأخر وتعبني الدوام بس عادي اتعبي فيها شوي لانها سنة تحديد مستقبل وربي يوفقك واتمنى اني قدرت اساعدك واي سؤال ثاني انا موجودة.
دانيه حبيبتي بسالك، لما دخلتي تحضيري صحي في سعود كانت الاماكن محدوده؟ يعني يقبلون عدد معين زي مثلا العلوم الطبيه اتوقع 50 كرسي فقط فكيف التحضيري كذا محددين ولا لا
ما اتوقع كان عدد محدد لان انقبلنا احنا من بداية السنة وفيه اوقات يفتحون التحويل ويقبلون بنات يحولون من مسارات ثانية طبعا حسب المعدل لازم يكون المعدل عالي عشان يقدرون يحولون صحي. عشان القبول هذا من المسار العلمي والانساني اقولك ان العدد اكيد محدود لكن عدد كبير الحمدلله. العلوم الطبية يقبلون مره كثير مو بس خمسين و البشري يوصلون ١٣٠ مقعد لكن الاسنان هم الاقل مقاعد يعني اذا كانوا مره مره كثير وصلوا ٥٠ ولا بالعاده يقبلون من ٣٥ الى ٤٠ بنت بس. وبالتوفيق واي سؤال ثاني انا موجودة وان شاء الله قدرت اساعدك.