- كل الخرمات بأذني وضعها تمام، ماعدا ثنتين احس بينهم هوشه، اذا لبست حلق في اللي تحت زعلت اللي فوق و تسكرت، و العكس، و انا ضاع نص عمري اراضي بينهم، اخر شي سحبت على اللي تحت هي و زعلها و رحت للي فوق💛.
- عارفين من بداية الفصل الجديد ماداومت الا ٥ ايام؟ مدري ليش فسقت على اخر سنة و اخر ترم.. يعني امانة احتاج مساعدتكم حاليا و كذا.. يعني تعرفو حاجه تحمس للمدرسة؟ مو معقول انا و صحباتي طقمنا و صرنا نداوم و نفسنا بخشمنا بزيادة🙂، يعني اول اذا وحده نفست تجي الثانية تغير جو بس الحين ماش، ماصار في حل وسط ، نضحك على كل شي زي المسعورات او ننفس ، اسحبوا على كلامي الحين بجد..اكرر و اقول .. تعرفوا حاجة تحمس للمدرسة؟
- نهاية فيلم تعيسة، و نهاية كتاب حزينة، تدمرت نفسيتي الصراحة، و كمان شلت هم البحث عن كتاب جديد و حلو، يعني انا بطبيعتي اتعلق بالكتاب اللي اقراه بشكل كبير و اذا خلص اتأزم، ف اذا تعرفون كتب حلوة اطلعوني عليها؟
- لما افكر اني اتحلطم كثير كثير و انا بالثانوي اشيل هم الجامعة زياده، يعني هذي انا ميته بالثانوي كيف بكون بالجامعة؟ صدق موضوع الجامعة و المستقبل مفجر راسي مره، عندي تساؤلات مره كثيره حول مستقبلي، يعني بصراحه نفسي اخذ نظره سريعه على هيا بعدين، كيف راح اكون و وين و مين معاي و مين راح و انا اقدر ولا ماقدر على المخططات اللي عندي و كثير زي كذا يعني من الاخر زبدة حياتي الحلوه ذي :)!