جافيت من يغليك والله حسافه ي ظالم هذا الوقت كم فرق احباب العمر رحله والتجافي مسافه والبعد بعد قلوب والوقت غلاب - في قلب واقف في نهايه مطافه يسأل عن الاسباب ما حصل اسباب ي كيف صدر الغيم يلعن جفافه من دون لا شره ولا كلمه عتاب - كلن يهاب من الزمان ويخافه وانا معاك اصبحت من الوقت ما اهاب لكن العزيز النفس كسره كلافه وانت العزيز اللي معاك تطول رقاب - ي كم غالي راح والقلب عافه لو كان فينا جرح من غيبته طاب واليوم جاك القلب مبدي اعترافه انه في بعدك ما تغير ولا تاب - ي سيدي من صافاك فالحب صافه نار العتب اهون ولا برد الغياب واللي شرى قربك يشوف المسافه اقرب من احداق النواظر للاهداب -