خربوها الليله وقولوا اللي بقلوبكم واللي يصير يصير
كِلانا مُظهرٌ للناسِ بُغضاً
وكلٌّ عندَ صاحبهِ مكينُ .
وكلٌّ عندَ صاحبهِ مكينُ .
Liked by:
♫ آهات
Ask @malak1717
_
والاقوى منها والطيحه اللي ماانساها برمضان يمكن قبل سبع او ثمان سنين ابوي مغير العتب حقات باب الشارع ولا علموني وفيهن فرق القديمات متباعدات يعني بينهن مسافه بس الجديدات لا مدري العكس ناسيه المهم جتنا خالتي تبي تروح معنا للمسجد وانا متأخره مالبست بدري فـ ابي الحقها هي وامي ورب النعمه ياجماعه انهن بعيدات عن الباب حتى متعديات السيارات فجأه وبقدرة قادر صرت بينهن وطحت كأني ساجده خالتي بغى يوقف قلبها ماتدري وش اللي سقط عليها بس تشوف شي اسود تحت رجليها طبعاً انا زلقت وطرت ولا ادري ليش بكل طيحاتي اطير وهي تستلمني امي هواش قلت يمه تراني طحت قوميني سمي علي واسيني بس انها تذكرت الطيحه وضحكت وهذي تعتبر مواساه نوعاً ما وكملت معهن مااحس بشي وانا صادقه والله مااحس بشي بس يوم بدينا بالصلاه وصرت اركع واسجد توني حسيت اني فعلاً طايحه وصار الوجع بوجعين وصارت الدقيقه بعشر ويوم جيت البيت الا والله انها ماهي طيحه عاديه وركبي متقشره تقشير من قوها وثلاث ايام يالله اقوم واقعد وكل يوم يزيد الوجع لين خف .
Liked by:
♫ آهات
احكولنا عن اخر طيحة طحتوها وكيف وايش صار ؟...😅
كنت اشطف الحوش ومدري شلون طرت بالهواء احسه مثل الحلم اللي اتذكره اني سحبت الهوز وكان ثقيل ولا دريت ان اهلي مغيرينه ولا لاحظت بعد بأنه مغير ويوم سحبته طيرني كنت راح انكسر الا شوي بس ربي لطف .
Liked by:
♫ آهات
Related users
:
وذي حاجةٍ قلنا له لا تبُح بها
فليس إليها ماحيِيتُ سبيلُ .
فليس إليها ماحيِيتُ سبيلُ .
:
أَلا هَل لنا من بعد هذا التفرّق
سبيلٌ فيشكو كلّ صبّ بما لقي .
سبيلٌ فيشكو كلّ صبّ بما لقي .
Liked by:
♫ آهات
silence*
✧ mariam ✧
د.
_
وعلى طاري البثوث دامني تكلمت فيها والله ياان فيه اشخاص ماتوقعت ولا واحد بالميه اني ممكن اترك بثوثهم كان كل شي متكامل حتى الناس اللي فيه لو نتهاوش نرجع بثاني بث نضحك ونسولف ولا كأن فيه شيء بس انا بي بلاء مدري وش هو اذا تعلقت بشغله او حسيت لمجرد احساس انها صارت مثل الروتين لي اسحب نفسي منها وازعل من نفسي على هالشيء لكنه ماهو بيدي مااقدر اغصب نفسي على شي هي تشوف انه راحه لها .
Liked by:
♫ آهات
_
شهر عشره عندي دائماً وابداً مرتبط بالبثوث وكنت استغرب من اللي يتعقد من طول شهر عشره والا من الملل اللي فيه وكنت مااستوعب طوله لانه على طول الوقت عندي اللي يشغلني الا السنه هذي او من انحجبت بثوث التيك توك ماحضرت ولا بث احس شهر عشره صدق كريه وبه وقت طويل ماتدري وين تقضيه تبي شيء يضحكك وشيء يونسك يطلعك من جو اللخبطه اللي يجي بعد رمضان وجاكو عجزت اسلك معه الناس اللي فيه غريبين حتى البرنامج هيئته واستخدامه غريب ماهو مريح لا للنفس ولا للعين .
Liked by:
♫ آهات
_
هيا خذلك يقولون عثمان الخميس سروري مع اني ماقد تابعته ما اهضمه سبحان الله بس يوم كل شوي يطلعون لنا بداعيه ويشككون فيه وبـ انتمائه لجماعه معينه ولفكر معين يخوف الموضوع وانا ما اتابع من طلعتي على الدنيا الا صالح المغامسي وبدر المشاري ولا يهمني هم بجماعة مين اما الطقه الباقيه ما اعرف منهم الا اسمائهم وبدر وصالح اخذ منهم القصص والسيره فقط اما الفتوى امرها عند هيئة كبار العلماء ماعمري سمعت ولا اخذت بفتوى داعيه .
Liked by:
♫ آهات
مساحه..!!♥︎
جلد حرمني كامل الزين مابيه
الحوه مني لين ياصل عظامي .
الحوه مني لين ياصل عظامي .
_
مسويه لي عشاء واتعشى واتابع سنابات سعود كالعاده يعني لاني صايبتني حاله مدري وش هي لها ثلاث سنين مااحب اكل ومافيه صوت احسني مضطربه المهم سناباته بمستشفى مدري بمنتجع صحي يعني هيئتها كأنها مستشفى وجتني الكتمه عجزت اكمل عشاي مااحب اجواء المستشفى لين دخلت على سنابات المساج والماسكات وضحكت لين دخت ولا هي عادة سعود يصور هالسوالف او حتى يرضاها بس شكله يبي متابعين جدد او يبي يوثق سنابه ومحتاج اثارة جدل بس بالعموم ضحكني والله .
Liked by:
Suhaib
_
مدري متى توصلنا ثقافه المشي بالحاره الصبح ماابي ممشى ولا منتزه ابي امشي بالحاره بين البيوت ويصير الوضع طبيعي ولا هو مستنكر .
Liked by:
Suhaib
_
امس عزلت ملابس الشتاء وقلت اخيراً احس غرفتي تبي تنفجر واليوم مثل الحلوه رجعت طلعتها مع انه ماهو مضايقني انه للحين برد ولكن كونها يوم برد ويوم حر يضايق .
Liked by:
Suhaib
_
قصة الشايب مصطفى من القصص اللي اوجعت قلبي قريته قيدوه وسجنوه لمده خمس سنوات بسبب نوبات عصبيه تجيه ولا هم فاهمين لحالته بسبب الجهل عندهم وهو يشوف نفسه مظلوم ولا يشوف حالته تستدعي التقييد بـ هالطريقه المهينه واللي كانت مباغته له لانهم قيدوه وهو نايم وصحى على هالحال لمده خمس سنوات تجيه وحده من بناته وهي الاقرب له بوقت اكله وتأكله وتروح وتخليه لاني اعتقد ان حتى بناته منعوهن عنه ويوم اعطاه غيث فلوس وخيره بينهن وبين الحريه اختار الحريه بدون تردد لانه ضاع من عمره عمر وهو ينتظر اللحظه اللي يقدر يمشي ويجلس فيها على راحته ولا تدري تلوم مين وتخلي مين لكنه الجهل اعاذنا الله منه .
Liked by:
♫ آهات
_
من دخلت عالم التيك توك وانا شغلتي به ادور روقي شين ولا لقيت حتى صرت ماابي القى شين ابي بس القى متوسط الجمال ولا فيه وحتى ايام بدايه اي عتيبي جميل اروح اشوف هو روقي والا لا ويطلع روقي ماشاء الله صدق شكل الجمال بجيناتهم .
Liked by:
♫ آهات
_
اخر شي توقعت اني ممكن اسمعه ان الحزيمي من جماعة الاخوان يوم قال لي اخوي اليوم قلت لا تبالغ عاد انا اتابعه من عام ٢٠١٦ ماشفت على الادمي شي وكلامه مقبول قال الله وقال الرسول وهو متخصص اساساً بالعلاقات هذا اللي اعرفه واسمعه منه ماله بالفتاوى مثلاً او الكلام الديني او السياسي وعطاني حساب الشخص اللي يتكلم عن جماعة الاخوان يقول انه يروج لكتب الاخوان وهو على علاقه معهم وبقروبهم ومثله الشيخ بدر المشاري الصراحه بالنسبه لي صدمه لكنه مايهمني لاني ماني من الاشخاص اللي يتأثر بأحد او حتى يقتدي به المفيد بالنسبه لي اخذه واللي ماهو مفيد اتركه وكلاً ذنبه على جنبه .
Liked by:
♫ آهات
_
سارقه صور لدبّي من خواتي وودي اني احط صوره بكل مكان من باب خلق ربي الحلو تأمله عباده بس كسر بنفسي امس الاسك يوم حذفه وقلت خيره انه حذفه جاني تأنيب ضمير عليه .
كل عام وأنتم بخير
وانت بخير .
_
قبل صلاة الفجر ما اشوف اللي قدامي وجوالي امسكه ويطيح من يدي من كثر مافيني نوم ويوم صليت الفجر طار ومن الساعه خمسه ونص لين ماجت ١١ الضحى وانا اتقلب بسريري يمين ويسار وعرض وطول واعكس بين مكان راسي ورجولي لعل وعسى وابدل بين مخداتي اقول يمكن البلاء منهن ولا فيه امل يمين بالله لين مابغيت اصيح لاني حرمت نفسي القهوه ومشي الصبح عشان انام ولا نمت ويوم نمت ماتهنيت كل شوي اصحي 😔
_
ومن هالستوري اكتشفت اني متابعه شيخ هنا بالاسك ويعرف حسابي وبعدين تابعته بالتويتر وصرت ارسل له هناك ويعرف اني ملاك اللي بالاسك ومن التويتر قال ضيفيني سناب وضفته يعني يعتبر اقدم متابع عندي من عام ٢٠١١
_
حطيت بالسناب ستوري عام وهذي اول مره اسويها من سويت السناب بالعاده ستوري خاص واحدد فيه من خمس الا سبع اشخاص لاني ارتاح كذا هاللحين اني حطيته عام احسني مسويه شي غلط فوبيا مشاهدات ما احبها تزيد عندي 😔
_
لا وماهو اي مقطع بعد مدري وشلون جتهم الجراءه يحذفونه صحيح لعنة الله عليهم .
_
اللحين الاسك ولد الكلب وشلون يحذف اجابتي وانا ماحذفتها وبعدين مقطع وش الغريب فيه عشان ينحذف لعنة الله عليهم .
_
من بعد قطر الخيريه صارت عندي فوبيا برامج المساعدات لانها بالاخير طلعت منظمه ارهابيه يوم هوشتنا معهم والحمدلله اللي مااخذني الحماس وقتها معهم وصرت هالبرامج اتابعها بس عشان اشوف احوال الناس بأرض ربي واشكره على نعمة السعوديه ونعمة حكامنا ونعمه الخير الوفير اللي حنا فيه والله يزيده ولا ينقصه وابحث دايم عن قلبي اطمأن واشوف ردة فعل الدول اللي تساعدهم الامارات والغالب فيه السب مدري هو فعلاً بمحله والا طبيعة هالشعوب الجحود والنكران وانك مهما مديت وعطيت الا ماتضل بعيونهم ناقص ومقصر .
_
غيث دايم احس وملاحظة له ميول ورأفه بأهل الاردن من بداية المواسم وهم اهل للرأفه صراحه يعني دولة سياحيه وفيها تجار ومع كذا عدد الفقراء لا حصر له لا بيت ولا مأوى ولا كهرب ولا مويه ولا تعليم ولا صحه ولا مواصلات حياة بدائيه واهلها تحت خط الفقر يعني الدول اللي يزورها غيث على الاقل ساكنين ببيوت حتى لو انه متهدم فوق روسهم لكن اهل الاردن مالهم بيوت ان حصلت خيمه خير وبركة وان ماحصلت فهذا هو غالب الحال واثرت فيني وحده من حلقاته يوم اطفال يمشون ساعتين و٤٥ دقيقه عشان يوصلون لمدرستهم من غير طريق الرجعه مع ان باص واحد فقط قادر انه يحل مشكلتهم ببساطه ولا توفر لهم كان الله بعونهم ونرجع لسالفة غيث يوم انتشرت صورته والسبب بنشرها اهل مصر صوروه بأحد الحلقات ونشروها ومستانسين بعد وانتشر وقتها مع الصوره انه اردني الاصل بجنسية اماراتيه وقلت ماهو كذب والله حنيته على اهل الاردن طاغيه ولا يلام لانه الا مايحن لأصله مهما حمل من جنسيه .
_
انا خريجة تحفيظ يعني حفظت القران بوقتها وسمعته واختبرت فيه المفترض ان قراءتي له على الاقل ماتكون بها اخطاء بعيد عن التجويد يعني نفس لفظ الكلمه المفترض انطقها صح لكن للاسف يوم اقرأ مع الامام اكتشفت ان فيه كلمات نطقها الصحيح واضح وضوح الشمس لكن انا لاعبه باللفظ لعب ومغيره حتى معنى الايه وصرت يوم اقرأ اعيد الايه اللي اشك ان بها لفظ مختلف واتلخبط زياده صار عندي مثل الوسواس 😔
تعبك الصيام؟
ابداً رمضان السنه هذي شتاء يختلف عن قبل حتى بتوقيت السحور والفطور يعني سابقاً كنا نتسحر ٢ الا ربع ونفطر ثمانيه الا عشر وبنص رمضان نفطر ثمانيه الا ربع اما الان نتسحر الساعه اربعه ونفطر سته ونص ويعتبر خفيف يعني صيام الـ١٣ ساعه مقارنه بـ ١٦ ساعه بس مافيه وقت نشبع نوم ولا وقت نطبخ كل شي سريع سريع يوم اصحي اجاهد نفسي مجاهد عشان بس اوصل للباب واصحصح ولكن الشيء الحلو برمضان السنه هذي ان الليل طويل تقسمه وترتاح فيه على راحتك .
_
حياتي من كثر ماهي متلخبطه وكل شي متكدس فوق بعضه ماعندي وقت لكل شي مع اني كنت مخططه من بداية رمضان على روتين معين امشي عليه بما اني اعشق الروتين وخاصه روتين رمضان بس كل شي تلخبط وفلتت الامور من يدي حتى الصلاه بالمسجد ماصليت الا مرتين لو اني مخليه الامور تمشي على البركه احسن لي .
Liked by:
dř śțŏŋě
Mahmoud Shokry
جُولايْ ؛
_
كنت داسه حمود الصاهود لنفسي وطاحوا عليه 😔
:
وبرواية اخرى:
خليني شوفك بالليل الليله بعد الغروبِ
مش عيب الملقى بالليل الليل بيستر العيوبِ .
خليني شوفك بالليل الليله بعد الغروبِ
مش عيب الملقى بالليل الليل بيستر العيوبِ .
Liked by:
silence*
:
ترقَّب إذا جنّ الظلامُ زيارتي
فإني رأيتُ الليلَ أكتمُ للسرِّ .
فإني رأيتُ الليلَ أكتمُ للسرِّ .
Liked by:
silence*
-
ومن ضمن المحاور برضوا قصة ولادة وابن زيدون اللي ابصم بالعشر ان اي شخص يسمعها يتأثر فيها ولا ينساها للأبد واللي شدني بالحديث هو بعد تفرقهم لما حاول ابو عامر بن عبدوس انه يتقرب من ولاده بما ان ابن زيدون طار بلا رجعه بس لان ابن زيدون اخبر بولاده قال له بعد التهديد :
هي الماء يأبى على قابضٍ
ويمنع زبدته من مخض .
هي الماء يأبى على قابضٍ
ويمنع زبدته من مخض .
Liked by:
silence*
شيء جميل :
من الصدف الجميله امس كنت اتابع بودكاست يتكلم عن فترة الاندلس ومن ضمن المحاور حياة المعتمد وقصته مع الجاريه اعتماد والحدث العظيم اللي سمي بـ ليلة الطين او يوم الطين واليوم سمعت شيلة مشغلتها اختي فيها شطر يقول عن ليلة الطين بين المعتمد واعتماد وطرت على بالي قصتهم اللي امس وسألتهم عن المقصد ولا عرفوه وقلت لهم قصتها .
Liked by:
silence*
صارحني وأصارحك.
ياليتني من قبل لا احبه اقفيت
ولا ان دروبي عن دروبه تناحت .
ولا ان دروبي عن دروبه تناحت .
Liked by:
silence*
اذا دخلت غرفة فيها كل الأشخاص اللي مرّوا عليك في حياتك .. مين أول شخص رح تبحث عنه ؟
السؤال حلو صراحه ولكن يوم قريته ماجاء ببالي احد .
عبدالله بن سلطان القحطاني من يذكره مشهور الانستقرام ليت يرجع 😔
قلبتي المواجع الله يسامحك وهو ماينسي عشان ينذكر .
غربلة مشاعر:
Liked by:
عبدالله
لحنٌ أبدي
علي الحربي
Hioka Empath ⚡
تعذر الشخص لاقالك عندي ظروف؟
المعاذير يشوبها الكذب .
Liked by:
silence*
لمـ؟!ـاذا | نهرب من اشياء نريدها ..
يمكن لان الحصول عليها مرعب اكثر من مطاردتها .
Liked by:
silence*
لماذا لا تبادر ؟
صالح المغامسي يقول الذي يبدأ غالباً يُغلب وهذا اللي صار مع الشاعره موضي يوم بادرت بأعلان شوقها لزوجها جديع على امل يرحم ويرأف بحالها ولكن كان رده عليها بكل بساطه تراها طالق الحبل مني لذلك دائماً اختر ان تكون المنتظر لا المبادر مهما وصلت من حال حتى لا تعيش مع شعور الانهزام للابد .
Liked by:
silence*
وش يسوي الشخص اذا ماله سند في الدنيا ؟
يكون سند نفسه لين يفرجها الله .
Liked by:
silence*
رسالة لشخصك المفضل 📧💎
تتوق إليك النفس ثم أردها
حياءً ومثلي بالحياءِ حقيقُ .
حياءً ومثلي بالحياءِ حقيقُ .
Liked by:
silence*
نصيحة:
إياك واحذر أن تكون من الثقات على ثقه .
Liked by:
silence*
مـســاحــة 🕊️✨
بحلقة الحزيمي ببودكاست فنجان قال كلام عظيم يقول ثمة مسافه بين الفعل وردة الفعل تسمى التفسير، وهذا التفسير يحكم ردة الفعل لا الفعل، وإذا ساء فعل المرء ساءت ظنونه .
Liked by:
أشواق
HusSen Alian
أَ
silence*
:
فلا أنت تُدنِيني ولا أنا أقرَبُ .
في نهاية يومٍ شاق ومُتعِب، مالذي تفعله ويجلب لك السكينة والاسترخاء؟
حلقه من بودكاست او قصة لأشخاص عندي فضول لحياتهم سواء كانوا صحابه او تابعين او خلفاء .
واللي مشتاقلك كثير وولهان وش تقولين.؟
خاسر الود وإن عاد نادماً فلا ود له .
Liked by:
silence*
هل فعلاَ آالمزآج يؤثر فينا ؟ آم آننـآ آعتبرناه عذرآ لتصرفاتنا الغير عقلانيه؟!
طبعاً الانسان ماانخلق حتى يكون على رتم واحد وتأثيره طبيعي ولكن اللي ماهو طبيعي انه يأثر على غيرك بحيث انك تجرح وتلوم وتتعدى وتقول هذا مزاجي تحملوني وهو ماهو مزاج هذا مرض نفسي والاشخاص اللي من هالنوع لازم توصلهم هالفكره المزاجيه تأثيرها مايتعداك متى ماتعداك ووصل لغيرك هذا مرض نفسي .
Liked by:
silence*
" جمال الأخلاق "
أين يُكِمُّن 'خوفـك...؟
بالاشياء اللي اتجاهلها بزعم مني ان هذا حلها الوحيد .
دوِنّ ما يُراوِد قلبُك💛
لكن رأيتُكَ قد ملِلتَ مودَّتي
فعلمتُ أنَّ دواءكَ الهِجرانُ .
فعلمتُ أنَّ دواءكَ الهِجرانُ .
Liked by:
HusSen Alian
أَ
silence*
_
لسان حالها على حالها يقول صبرت صبر ايوب لين ازريت .
Next
