ما الذي تشعُر به وأنت تشاهد صورتك القديمه؟
الصدق والله ابتسي احسني مسكينه وارحمني .
Liked by:
♫ آهات
Ask @malak1717
لو كنت كاتباً روائياً، وستكتب عن شخصيتك أي الأدوار ستختار لها؟
السؤال لي بالذات صعب صراحه ويمكن اظلم نفسي لما اقول انا ماينفع لي الا الشخصيات الجديه لكن فعلياً هذا ظاهري ولو اقول عكس كذا اللي يعرفني ما يقتنع فيه لذلك اذا كنت اكتب كـ حقيقه عن ظاهر شخصيتي بمحيط العائله ماراح اكون الا ام واخت كبيره واذا بمحيط عمل ماراح اكون الا مديره ومسؤوله واذا بمحيط الاصدقاء ماراح اكون الا الناصحه الوفيه واذا بمحيط المجتمع ماراح اكون الا العاقله الرزينه ولكن اذا كنت اكتب كـ خيال او كـ امنيه اكيد راح اكون عكس الحقيقه والواقع ولا يعني اني غير راضيه عن شخصيتي الحاليه ابداً لكن الكتابه ممله لشيء تعرفه ولا هو غلط بعد تجرب تشوف نفسك من منظور ثاني طالما عندك فرصه .
+ 6 💬 messages
read all
Liked by:
♫ آهات
قُل شَيّئاً ••
ألست وعدتني يا قلب أني
إذا قاطعت من تهوى تطيب
وأنت تقول زورًا تبت عنه
فمالك حين أذكره تذوب .
إذا قاطعت من تهوى تطيب
وأنت تقول زورًا تبت عنه
فمالك حين أذكره تذوب .
Liked by:
عبدالله ع ❤️
مبارك اليامي .
Related users
_
في حاجه غريبه قاعده تصير لي بالاسك فيه صفحات مااعرفها ولا سبق وشفتها بس كذا تطلع لي كـ اقتراح ويوم ادخلها القى اني معطيتهم لايك وانا من الاساس مااعرفهم والله ويوم ادخل على الاجابه عشان اشوف انا متى معطيتهم واقول يمكن بالغلط ورى احد مع اني ماني فاتحه خاصيه اعجابات الاصدقاء بس قلت يمكن لان هذا التفسير الوحيد ولا القى حسابي مع الموجودين يعني اللايك احمر بس حسابي ماهو موجود مع الموجودين وشلون يالاسك مدري والمشكله اني مااحب اعطي لايكات لا للي اتابعهم ولا للي مااتابعهم سالفة ان الاسك يقوم بهالمهمه عني بدون علمي يضايق الموضوع .
Liked by:
عبدالله ع ❤️
مبارك اليامي .
جهيّر.
سميراه
Nick. Mutant.
شيمه
_
المقاطع اللي كذا اجلس ساعات وانا اكررها بدون ملل وارجع اسمعها بعد بدون مااكرهها مع اني مااحب صوت الرجال بدون موسيقى مااحس به احساس ولكن تصدف مرات ويطلع احساسهم فجأه او انا ممكن يخيّل لي وقتها ان به احساس .
Liked by:
مبارك اليامي .
ليه الناس تعامل الطيب باستخفاف؟
بس بـ بالزمن الحالي واعتقد ان بعض الاشخاص الطيبين هم اللي ساهموا بـ انتشار هالنظره لهم يعني كونك طيب ما يعني انك غبي ولا يعني انك ضعيف لدرجة انك تشوف الغلط والتمادي وتحسب ان الامر ينحل بـ ابتسامه .
Liked by:
مبارك اليامي .
عبدالمحسن
لو جاء غريب وعطاك صندوق وقالك فيه اسرار وفضايح كل الي حولك هل بتشوف او تتجاهل ؟ وليه؟
اسهل شيء ترى انك تعرف خفايا اللي حولك الامر ماهو محتاج معجزه ولكن ماهو من حقك تتطفل على اسرارهم وتحاول تفهم اللي يخفونه ولا هو شطاره منك وحتى لو سمحت لك الفرصه انك تعرف غض الطرف افضل لك ولهم .
وش اسم اخر مقطع تابعت في اليوتيوب؟
بودكاست سقراط مع وزير الماليه واول مره اختصر بودكاست بـ اربع صفحات لان الحلقه مثريه الصراحه ولو اني بعض الاشياء اشوف تفسيرها غير منطقي لكن تبقى وجهة نظرهم هي الأصح لانها شموليه .
﷽ ﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾
عليه الصلاة والسلام .
الشخص الي في بالك الان لو عينك بعينه وش بتقوله ؟ :
إذا كنت لست معي فالذكر منك معي
يراك قلبي وإن غُيِّبتَ عن بصري .
يراك قلبي وإن غُيِّبتَ عن بصري .
Liked by:
سَلسَبِيـلَاا☁️
☬Ahmed Elsonbaty
Yotaa
المحـــمد✨
شيمه
♫ آهات
وش لون السيارة اللي يجذبكم ؟
الابيض والاسود وفيه اسود لونه حلو بس مدري وش ينقال له كـ لون سياره بس انه مافيه لمعه كأنه مطفي ويعتبر افخم لون للسياره وبعده عاد الاسود العادي وبعده الابيض .
من يبر الوالدين أكثر الأولاد أم البنات.؟
اكيد وبلا شك البنات ولكن العيال يعني عشان مانظلمهم كل بين عشره واحد بار وبالدف بعد .
ماذا تفعل عندما تكون لديك رغبة في الكتابة لكن لا تدري ما تكتب ؟
اخليها للوقت اللي اكون زعلانه او متضايقه فيه لان سبحان الله وقت الضيق والزعل تصير عندي فلسفه غريبه حتى يطلع مني كلام وتعبير ما استوعب انه طالع مني وحتى بالاسك ودي مرات اجاوب بس مدري وش اقول فـ اخليها للوقت هذا .
+ 1 💬 message
read all
Liked by:
Mohamed
سَلسَبِيـلَاا☁️
Nour
مِـنَّــــــــة
soo
الصمود
♫ آهات
شيمه
هل ؟! توجد صداقة بين الولد والبنت او حتى بين الرجل والمرأه ..
المرأه تعتقد انه ممكن يكون فيه صداقه بين الرجل والمرأه لانها تشوف ان الرجل يفهمها اكثر ومن الافضل عندها ان الصديق يكون رجل وهذا غلط طبعاً بس انه موجود بفكر المرأه لكن الرجل لا ماينظر للمرأه الا بنظره واحده وممكن يكون محق وممكن يكون خسيس .
ما الشيء الذي يجب على الرجل الحقيقى أن يكون قادرا على فعله؟
انه يستمر بكونه رجل حقيقي .
Liked by:
Ahmed Mahdyy
♫ آهات
شيمه
قيل في أدب الفراق /
مرني لا تاه دربك من زحام الحياة
الغلا اللي رحت منّه على حطة يدك .
الغلا اللي رحت منّه على حطة يدك .
Liked by:
soo
سوالف كبار السن وحكاياتهم هل تمتعك ام تمل منها ؟
اكيد تعجبني لان حياتهم مختلفه عن حياتنا تماماً وحتى يوم يتكلمون عن معاناتهم بضحك وبتعليقات مضحكه ادري وقتها انها ماكانت سهله عليهم لكنهم عاشوها بحلوها ومرها وهذا بالنسبه للاشخاص الصادقين لكن الكذابين اللي يسولفون من دافع الحقد والغيره مااحب اسمع لهم لان سبق صار موقف وانصدمت ويوم بينت حقيقة الامر جحدتها واخترعت اعذار من عندها .
Liked by:
soo
ألكساندر ماهون
♫ آهات
_
وفيه شيء ببالي من زمان يجي ويروح وممكن انه يجمع بين شخصيه المنقذ والمضطهد عندنا الولد اذا توظف بغالب العوائل يمسك صرفية البيت ولا هو بكيفه لا غصب عنه ولا يقدر يقول لا حتى والاب مقتدر مادياً وهو مافيها مشكله يخصص مبلغ معين يساعد الاب فيه اذا احتاج لكن يتكفل مثلاً بالكهرب او ماشابه هذا مرفوض او يتكفل بالصرفيه الخاصه لأهل البيت برضوا هذا مرفوض ان بادر من نفسه الامر يرجع له لكن كـ مجبر فيها ظلم انت الاب بالنهايه وهذي نطاق مسؤوليتك والام كذلك تسلم مسؤوليه تربيه اطفالها لبناتها او حتى مسؤوليه الطبخ والتنظيف او مسؤوليه ادارة العائله وتشيل يدها من كل شيء هذا مرفوض وهذي مسؤوليات كبيره على طفله ماتجاوزت الـ ١٥ من عمرها ممكن البنت تساعد حتى تتعلم لكن تتكفل لا ومتى عاد يحس الطفل بصدماته اذا تزوج وكون اسره .
_
وهنا تقول اللي مروا بصدمات الطفوله وكبروا وينكرونها او حتى ماهم مدركين لها هي لا تخرج عن ثلاث اما الطفل المنقذ وهذي ابصم لها بالعشر انها الاكثر انتشار عندنا بس مافيه وعي لها، والطفل المضطهد، والطفل الضحيه .
_
فيه بودكاست تكلموا عنه من فتره للدكتوره هند الشريم وشفت سب لها كثير واعتراض على كلامها وقلت بداخلي مستحيل ان ما معها حق لان الناس اللي يضغط على وجعهم يهاجمونه وتركت الحلقه لين افضى لها وتابعتها من شوي كلامها فيه غلط وهو اللي يتعارض مع الدين الاسلامي او اللي فيه صيغ مبالغه وتضخيم لأمر طبيعي ولكن الكلام الباقي صحيح مليون بالميه والشخص السطحي ماراح يفهم عمق كلامها وابعاده وممكن اللي ساعد الشخص السطحي برضوا انه مايفهم هو مقدم الحلقه ماكان له خلق حتى ياخذ ويعطي معها ولا له خلق حتى يفهم هي وش قاعده تقول وان طرح سؤال طرحه بشكل عشوائي وكرره بكذا صيغه وراحت الحلقه تكرار للكلام بسبب اسئلته كان ممكن تكون الحلقه افضل لو كانت المقدمه امرأه او شخص على الاقل مهتم بموضوع التربيه وماخذ فكره مسبقه عنها .
-
تابعت بودكاست بدون ورق حلقه الاتكيت والبروتوكول الدولي مع اني كنت متردده فيها صراحه لكني ما حسيت بالوقت من كثر ما الحلقه ممتعه وحرص الضيف على ذكر عاداتنا العربيه والاسلاميه هي اللي زادت المتعه متعه والمعلومه اللي شدت انتباهي يقول عدم انزال الناس منازلهم من ضعف الثقه بالنفس يعني احترامك بحدود المعقول للاعلى منك منزله وقدر وعمر هو من احترامك لذاتك اساءتك له بدون مبرر فيها استنقاص من نفسك ودلاله على ضعفها وشئت ام ابيت الناس منازل اذا فهمتها وتعاملت على اساسها كفيت نفسك عن الذل والاهانه .
Liked by:
قَـاتِم ، نقاشات وأحاديث .
شيمه
ايه أسوأ شعور ؟
حزن لا تستطيع بكاءه .
Liked by:
soo
قَـاتِم ، نقاشات وأحاديث .
شيمه
Mahmoud
كلمة تكررها كثيراً في كلامك ؟
يعني .
Liked by:
soo
قَـاتِم ، نقاشات وأحاديث .
شيمه
Mahmoud
♫ آهات
إذا عشتو احساس يوجع وبنفس الوقت مو عارفين تتخذون قرار ايش الحل ؟
يا اعطي نفسي فرصه حتى تعرف تتخذ قرار او اخالف هوى نفسي .
Liked by:
soo
قَـاتِم ، نقاشات وأحاديث .
شيمه
♫ آهات
-
وتدرون بعد اذا الرجل والمرأه انمسكوا بقضية زنا نسأل الله السلامه واجبروهم على الزواج وكانت المرأه حامل ما يتزوجها الا بعد الولاده والتوبه ولا ينسب له الطفل حتى لو كان هو ابوه ينسب للام فقط بسبب ان مابينهم عقد نكاح صحيح ومع انه ماينسب له مايجوز يتزوجها اذا كانت بنت ولا يزوجها لابنائه لانها بمنزلة اختهم ومع هذا كله ما يعتبرون محرم لها ولا تجوز الخلوه بينهم وهذي دلاله على حرص الاسلام لحفظ النسب او النسل والعرض وان ابن الزواج مايقارن بـ ابن الزنا حتى والطفل بريء لذلك اغلب الاهالي اما يرمونه او يقتلونه الامر مؤلم لكنه منصف .
Liked by:
A.
قَـاتِم ، نقاشات وأحاديث .
Mahmoud
♫ آهات
-
تدرون اذا الزوجة او الزوج قتل واحد منهم الاخر وكان بينهم ابناء ما يُقتص منهم لان الابناء ورثوا القصاص ولا قصاص للابناء على ابائهم ولا هو بكل الحالات طبعاً والامر بالنهايه يرجع للمحاكم الشرعيه لان المسأله محل خلاف .
ينرفزني الشخص الي يجاوب بعدين يحذف جوابه لا تجاوب من البدايه وبس😑
لانه مرات يبي يوصل فكره من الجواب اذا حس ان الفكره ماوصلت طبيعي يحذف .
Liked by:
شيمه
قَـاتِم ، نقاشات وأحاديث .
silence*
soo
آخر بلوك كان لشخص يستاهل ؟؟
تقريباً وممكن اني ابالغ شوي ولكن الشخص اللي يرسل سؤال بيوزر ولا يعطي لايك للي يجاوب عليه بلوك على طول لان هذي اسمها عندي قلة ادب .
صورة مستحيل تحذفها من جوالك
هذي عندي من عام ٢٠١٦
صباح الخير ..
صباح النور .
Liked by:
شيمه
silence*
♫ آهات
قَـاتِم ، نقاشات وأحاديث .
هل تتفق أن الأفلام أفضل وسيلة لتغيير التوجهات والأفكار والمبادىء وكذلك أفضل طريقة لإرسال رسائل مبطنة؟
بخصوص الافلام انا مااحبها ولا اتابعها اللي يتابع هو اللي يقدر يجاوبك لانك خصصتها بس بعطي وجهة نظري بالعموم اي ماده تطرح تعتبر وسيله ممكن تتغير افكار من اغنيه مثلاً او مقطع او محاضره او قروب او شخص مشهور ولا ادري الافضليه لمن ولكن يمكن اللي تستهدف العمر الصغير هي الافضل .
Liked by:
شيمه
silence*
قَـاتِم ، نقاشات وأحاديث .
كونسطانطين
⌞ M ⌝
هل تعجبك إجاباتك؟
كل احد يجاوب عليك راح يقول ايه وحقه لان حسابه يمثل وجهة نظره وقناعاته ومواقفه ومعنى كل حرف يكتبه وانا احب اجاباتي سابقاً لكن الان احسني اتفلسف كثير واتكلم كثير صرت مااعرف اختصر مثل اول لذلك اجاباتي اللحين عاديه لين ارضى عليها .
Liked by:
شيمه
silence*
قَـاتِم ، نقاشات وأحاديث .
⌞ M ⌝
♫ آهات
_
مدري عن صحة كلامها لكن اللي فهمته هنا ان الرجل ممكن يكون مباشر بكل شيء الا بالاهمال يسوي تصرفات متعبه لك لانه مايقدر يقول مباشره تعز عليه نفسه معلومه جديده وفيها شيء من الصدمه لكن شيء انا مافهمته طالما انه يمارس اساليب المرأه ويفهم لها ليش يدعي صعوبة فهم المرأه والا اذا كان الامر يخصه تتغير قناعاته وزود على الغباء والانانيه طلع بزر .
_
هالدكتوره مااعرفها اعرف بس افنان الغامدي وهي اللي اتابعها ببودكاست كنبة السبت ولقيت لهذي الدكتوره مقطع بنزله بعد شوي واعلق عليه اذا خلصت الحلقه وهو سبب متابعتي للحلقه مع انه ماهو هذا النمط اللي معتمدته بالبودكاست بس قلت اتابع واشوف واكسر روتيني المعتاد وحلو بعد اني عرفت ان تصوري صحيح بخصوص ليش اغلب المجانين رجال وحلو بعد انك تلقى دكتوره تأكد صحة وجهة نظرك وان الدافع لجنون الرجل ماهو الحب مثل ماهم مصورينه لنا وخدعونا فيه الدافع هو اللي قالت هالدكتوره فقط .
_
عبداللطيف النماصي كنت اتابعه قبل تطيح به الناس واحسب اسمه عبيد وهو كان مع اللي اسمه عبيد قبل يفتح له حساب وهالشخص عنده معلومات وقصص حلوه ووجهة نظر عقلانيه ويذكرني كثير بالمقحم لكنه بارد سبحان الله يوم تسمعه وهو يسولف من كثر الملل تبي بس متى يخلص المقطع مافيه بصوته عنصر الحماس .
Liked by:
شيمه
silence*
قَـاتِم ، نقاشات وأحاديث .
soo
_
هذا كراث ويعتبر نوع من انواع البهارات ينغسل وينجفف وينخلط مع البهار العادي او ينحط لحاله عادي وطعمه وريحته بالراس وكل سنه نتعنى ونجيبه وكلنا ماعندنا مشكله معه الا السنه هذي فصل علينا ابوي وقال ماابي لا ريحته ولا طعمه بالاكل واقول يايبه استهد بالله قال العلم وجاكم واذا عرف اني انا اللي اطبخ يوقف على راسي من قل الثقه واذا اكل يحلفني اذا به والا لا كارهه هي نيته وتغافلته قبل امس وحطيته قلت اكيد يتوهم لانه كان ياكله عادي ومن اكل استطعمه وعيا يكمل وقلت خلص تم ماعاد احطه واحس طبخي ناقص .
_
Liked by:
مشاري
ملاك:
وسِرت فَلم أسَرت فُؤاد حُرّ
حَللت وما حَللت لهُ وثاقا .
حَللت وما حَللت لهُ وثاقا .
Liked by:
silence*
قَـاتِم ، نقاشات وأحاديث .
نوره آل زيدآن
soo
_
بالشتاء انام النهار واصحي الليل وبالصيف انام الليل واصحي النهار شفت عناد بحياتي بس مثل عناد نفسي معي ماشفت .
أختر اشخاص تجد صفحاتهم جميلة ؟
كثير صراحه وانا احب الصفحات اللي اعرفهم لدرجة انه مايجيني تساؤل بيوم من هذا الشخص اللي تابعته يعني اعرف روتينهم اليومي واسماء اهلهم والاشياء اللي يفضلونها والاشياء اللي يكرهونها حتى مرات استنتج طبيعة حياتهم من فضفضه قالوها عشان كذا ماينفع لهم منشن الافضل يبقون سريين .
Liked by:
silence*
قَـاتِم ، نقاشات وأحاديث .
soo
_
لو يدري عني ابو عساف وانا اصالي الفرن بـ هالقوايل كان اخذني وخلاني من بناته استاهل اصير من السنعات .
_
شيئين كنت ازرى على اللي يسويهن وسويتهن الجلوس بالمطبخ والنوم بالمجالس .
Liked by:
silence*
قَـاتِم ، نقاشات وأحاديث .
soo
Azi
_
وعلى هالطاري شفت حساب بالتيك توك لواحد يطبخ وشفته يسوي حميسة باذنجان مع اني اعرف اسويها الا اني غير احفظ مقطع لكل شخص يسويها عشان اشوف الاضافات المختلفه عليها وهذا زاد عليها زبدة فول سوداني استغربت صراحه وجاني فضول اجرب وطلعت صدق لذيذه واعتمدتها .
_
احسب بس انا اللي اسوي البيتزا بخبز عادي وبس انا اللي احط عليها زعتر طلع الامر عالمي .
ملاك..💙
شيء صادم لي لما عرفت ان الشعر الجاهلي الاقرب له هو الشعر النبطي او الشعبي القديم اما الشعر الفصيح يربطه فيه اللغه فقط .
Liked by:
silence*
قَـاتِم ، نقاشات وأحاديث .
⌞ M ⌝
.. SAMTUS
♫ آهات
وش اسم جدتك ، خلونا نشوف فخامة الأسامي القديمه ؟؟
Liked by:
MIDO
قَـاتِم ، نقاشات وأحاديث .
♫ آهات
عمرك سجلت في منتدى ؟
ايه ويازينها من ايام .
كثر التبرير تدل ان الانسان كذاب بالعربي هههههههههههههههههههههههههههههههههههههههههههههههههههههههههههههہَ هُ "̮ اذا محد طلب منه يبرر
كلامك غلط اكيد ولكنها تبقى وجهة نظرك وانت حر فيها .
لماذا اغلب المجانين رجال وليس نساء؟ ابغى اجابة مقنعة..
من خلال نظرتي المتواضعه اعتقد والله العالم ان الامر مايتعلق بالنساء لاننا نعرف من هو الرجل بالنهايه ونعرف طينته الامر اكبر من الحب ولو كان يتعلق بالحب ماقالت العرب واتفقت على ان الحب اذا نكح فسد والسبب هو شيء يتعلق بنفس الرجل فقط الرجل طبيعته تصور له انه قادر على ان يمتلك العالم بأسره الامر فقط يتطلب منه الاشاره واذا وقف شيء بينه وبين اللي يبي يمتلكه اياً كان يبقى بنفسه حتى يورده للجنون وبخصوص سؤالك المرأه تسمح لنفسها بالسُلو لان ماعندها طبع الرجل اللي ذكرته وحتى الرجل لو يتنازل عن طبعه هذا ما كان فيهم مجنون واحد .
_
الجواب ببساطه يا مأمنه للرجال يا مأمنه للميه في الغربال .
Next