سلام لك من صادق القلب مشروح
ياللي غلاك بداخل القلب ماراح
نــاس تجـــي وتروح ماهزت الروح
وناس غلاها ثابت وسط الارواح
ياللي بنيت من الوفــا قصر وصروح
قصر مشيّد مع هل الجود ماطاح
.
ماكل من يضحك بوجهك يودك
ولا كل من يبكي بكى صدق واحساس
أحدٍ بكى في غيبتك يوم صدك
وأحدٍ ضحك يومك عليل ومحتاس
عش في حقيقه واعرف اللي يحبك
واعرف قدر من هو يعزك من الناس
عزاه ياقلب ظروفه تحداه
مامر به يوم من الهم سالي
وعزاه ياقلب فقد كل قواه
وشدة عليه الحمل سود الليالي
على حبيب مابقى غير ذكراه
اللي بنومي شفت زوله قبالي
وفزيت من نومي ابي القرب وياه
وجدت نفسي في فراشي لحالي
ماكل عين تذرف الدمع بأحزان
وماكل من يضحك يعيش بسعاده
كم واحد دمعه على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده
بعض المواقف تجي وتروح ماتبقى
وبعض المواقف صداها بالعمر باقي
ياصاحبي لامعي تتعب ولاتشقى
يتبدل الوقت واخلاقي هي اخلاقي
إن جيت ارحب واذا ماجيتني تبقى
مال الردي والطيب عهد وميثاقي
الخواطر سايحه والشك زال
ومن عرف مثلك عرف قيمة خويه
والذهب وان حاولوا ماله بدال
والمشاعر بالغلا ماهي خفيه
والنوايا الصافيه اصدق دلال
ويشهد الله شوفتك مثل الهديه
ماني من اللي يرخص النفس لاضاق
ولاني من اللي يرخص اليوم غالي
سبحان ربي كرم النفس بأخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي